مراجعة العملاق ديل 7520 (15R SE) خاص لمنتدى عرب هاردوير

[al_mougahed]

السلام عليكم ورحمة الله وبركاته ..

قبل البدء: شكر خاص للباشمهندس خالد خطاب فله جهد مشكور في هذا القسم الحواسيب المحمولة واللوحية.. استفدت منه كثيرا ..

مقدمة :
عندما قررت شراء لاب جديد بحثت عن لاب يجمع ما بين الخامات وبين الامكانيات والاهم كارت شاشة عال ..فوقع اختياري بعد طول بحث على ديل 7520 .. لما يحمله من مميزات رائعة .. طبعا اللاب ينزل منه اما بكور أي5 او كور اي7 .. طبعا الكور اي5 كافي جدا بالنسبة لي .. لتشغيل اللالعاب الحديثة .. لكن من يعمل على الجرافيكس سيحتاج للكور اي 7

أولا : مواصفات الجهاز من على موقع ايجيبت لاب توب
الكور اي5 ... https://egyptlaptop.com/dell-inspiro...laptop-i5.html
الكور اي 7 .. https://egyptlaptop.com/dell-inspiro...laptop-i7.html

خلاصة المواصفات :
بروسيسور: كور اي 5 او كور اي7 ... فهو بروسيسور من الجيل الثالث ..
الرامات : تتميز بانها باص 1600 .. وتكون اما 6 جيجا او 8 جيجا .. ويمكن تزويدها كل 2 جيجا ب100 جنيه مصري
كارت الشاشة : يحتوي اللاب على كارتين شاشة كارت انتل 4000 كارت مدمج .. اقل استهلاكا للطاقة .. وكارت ا تي اي .. "AMD Radeon™ HD 7730M DDR3 2GB" .. كارت قوي جدا .. من اقوى كروت الشاشة في اللابات في السوق المصري .. بل يعتبر اقواها حتى الان ..
أهم البورتات"المداخل" : 4 يو اس بي 3 .. "عال السرعة" - HDMI .. للتوصيل باجهزة الال سي دي
سماعات : كاندي سكل المميزة والرائعة جدا
وزنه : ثقيل الى حد ما 3 كيلو بالبطارية
الشاشة : WLED True-Life .. HD

يتبع

[al_mougahed]

بعض الصور للجهاز

خلي بالكم : لابد ان تجد الضمان على العلبة زي كده اكان ضمان كويست او بي دي ال .. حاجة كمان لازم تاخد السرفيس تاج (موجود على العلبو وتحت الاب) وتدخله على موقع ديل عشان تعرف ده لاب ريفيربيشد ولا جديدي ..وده هنتكلم عليه بالتفصيل








الشاحن واسطوانة التعريفات

[wesamIT]

الف مبروووووووووووووووووووووك .جبته منين و بكام

[al_mougahed]

نأتي لنقطة هامة جدا للمن يريد شراء هذا الجهاز داخل مصر :

أولا : أسعار الجهاز الكور اي 5 من 5300 الى 5500 ... والكور اي 7 من 6150 الى 6300 .. ويصل الى 6900 بهارد اس اس دي ...SSD ..(ده هارد سريع جدا بيوضع عليه النسخة لتسريع النظام)

تحديث للأسعار يوم 14-10-2012 ,,,, شركة البركة تقوم بعمل عرض الكور اي 5.. ب5000 جنيه

تحديث الاسعار 27-12-2012 ..للاسف الكور اي5 خلص من السوق بس ممكن تلاقوه ريفيربيشد
وبالنسبة للكور اي7 شركة البركة مقدمة عرضين :
1-
I7-2.2G/6M,8GB,1TB,2G-ATI,WIN-8
6500LE

2-
I7-2.2G/6M,8GB,1TB+32GB,2GB-ATI,BLURRY,BACKLIT KBD,WIN8
7000LE
زيادة عن الاول بلو راي وباكليت وهارد اس اس دي 32

ثانيا : اللاب نازل منه جديد ونازل ريفيربيشد Refurbished "اي معاد التصنيع .. بيه عيوب وتم اصلاحها ونزلت السوق مرة اخرى" ..طب إزاي نعرف الجديد من الريفيربيشد ؟؟؟

1- اذهب لمكان مضمون ..شرق اسيا او ايجيبت لابتوب او البركة (تحذير من التعامل مع كمبيو ارت ..لان بعض الاعضاء تم خداعهم )

2- ثانيا من السعر لو لقيته اقل من كده يبقى ريفيربيشد

3- لابد ان يكون شعار كويست او بي دي ال على العلبة ومكتوب عليها مصر "Egy"



4- اللاب اللي نازل بالضمان معاه نسخة 7 اوبتيموم اصلية على الجهاز "نسخة ريكفري " ..ازاي تعرف?? ..هتلاقي تحت اللاب او عند البطارية ملصق مايكروسفت عليه مفتاح "سيريال" النسخة الاصلية .

27-12-2012... الان شركة البركة بتنزله بنسخة وينوز 8




5- السرفيس تاج"service Tag" اللي على العلبة او على اللاب من تحت تقوم بادخاله على الموقع ده طبعا لو ماقبلهوش يبقى اللاب مش أصلي
https://www.dell.com/support/trouble...roductSelector

بعدين تضغط على Warranty

هتبص على حاجتين:
البلد اللي متصدر ليها ... لو الشرق الاوسط وافريقيا يبقى جديد ...لو بلد زي بريطانيا يبقى ريفيربيشد
و على الضمان :
لو Collect and Return او CAR ... يبقى ريفيربيشد
لو Parts only .. يبقى جديد

[al_mougahed]

الف مبروووووووووووووووووووووك .جبته منين و بكام

انا عن نفسي جبت الكور اي 5 من ايجيبت لابتوب ب 5400 .. وانا من المنيا جالي شحن لغاية البيت ودفعت 35 جنيه شحن ...

[Khaled Khattab]

ألف ألف مبروك على الجهاز تدوبه في عرق العافية إن شاء الله
وحظك حلو لأنك اشتريت اللاب من إيجبت لابتوب لأن عندهم الريفبريشد دلوقتي كتير قوي هو محلات تانية كتير وأنصح إلي عاوز يشتري الجهاز إما يشتريه من البركة أو شرق آسيا وزي ما قال الأخ المجاهد فيه شوية حاجات تاخدوا بالكم منها

[al_mougahed]

ألف ألف مبروك على الجهاز تدوبه في عرق العافية إن شاء الله
وحظك حلو لأنك اشتريت اللاب من إيجبت لابتوب لأن عندهم الريفبريشد دلوقتي كتير قوي هو محلات تانية كتير وأنصح إلي عاوز يشتري الجهاز إما يشتريه من البركة أو شرق آسيا وزي ما قال الأخ المجاهد فيه شوية حاجات تاخدوا بالكم منها

الله يبارك فيك يا باشمهندس

[al_mougahed]

بعد شراء الجهاز ...معلومات هامة

**بعد ما تشتري الجهاز بالضمان هيبقى عليه بارتيشن واحد لتقسيمه لعدة بارتيشنات بسهولة بدون اضعاة النسخة الاصلية ... عليك بهذا البرنامج https://www.partition-tool.com
(الباشمهندس خالد هو من دلني عليه مشكورا)

**تاني حاجة اذهب للقائمةstart>> dell support center.. وده هتلاقي عليه كل مواصفات الجهاز بالتفصيل ... ودي صورة من البرنامج على جهازي ...

موصفات كارتي الشاشة الموجودين على اللاب

[al_mougahed]

هام جدا
عند استخدام برنامج التقسيم لا تحذف بارتيشن الريكفري ... محفوظ عليه النسخة بالتعريفات ... وللحفاظ على الريكفري على اسطوانات


Start>>all programes >> dell data safe

create system recovery media >> Dics

ثم لابد ان يكون معك 3 او اربع اسطوانات ديفي دي ...تضعهم وكلما اخرج اسطوانة تضع الاخرى .. واحفظهم بالترقيم في مكان امن ... طيب ايه فايدة الاسطوانات دي ؟؟؟

دي يا باشا ... لو حبيت ترجع اللاب كأنه لسه راجع من المصنع "بنسخة الويندوز الاصلية والتعريفات والبرامج اللي كانت متسطبة عليه" ... هيلغي كل البرتيشنات اللي عاملتها وكل الداتا ... طيب ازاي ترجعه ؟؟؟

بعد ما تكون نسخت الريكفري على اسطوانات ..انت داخل على الدوس هتدوس اف 12 .. وبعدين بوت من السي دي .. وتدخل اول سي دي .. وبعدين كل ما يخلص تدخل اللي بعديه وهتخش هتلاقي كأنك لسه جايبه من المصنع

حاجة تانية :
الجهاز بيبقى متسطب عليه مجموعة كبيرة من البرامج فيها حاجات ملهاش لازمة ...بتبطئ الجهاز عند الفتح ... هتحذف البرامج اللي ملهاش لازمة .. وتلغي برامج الاستارت اب برضوا اللي ملهاش لازمة ... هتلاقيه فتح معاك بسرعة ..

**الالعاب تعمل بصورة افضل لما تعمل الجهاز على High Performance

[al_mougahed]

أخيرا مميزات الجهاز :

لاب مغطى بالالمونيوم .. مضاد للصدمات واقل امتصاصا لحرارة الجو

1- بروسيسور جيل ثالث اقل استهلاكا للطاقة واقل حرارة
2- الجهاز لا يسخن في غرفة حرار الغرفة ستجده ما بين 30 وال 50 .. وعند اللالعاب لنترة طويلة يصل ل 75 او 80 ... حرارة مناسبة جدا
3- هارد تيرا
4- رامات باص 1600
5- خامات افضل بكثير من سابقيه 5110 و 5520 ...
6- مغطى بالامونيوم الذي لا يمتص حرارة الجو .. فيكون الجهاز اقل سخونة
7- غطاء الجهاز يمكن تغييره بسهولة يوجد زرار لفتح الكفر وتغييره بالوان اخرى"لان الجهاز مش نازل غير باللون السلفر"
8- اربع منافذ يو اس بي 3
9- تاتش باد ملتي تاتش رائعة جدا
10- سماعات كاندي سكل رائعة جدا .. هتعجبكم اوي
11- شاشة ترو لايف LED الونها زاهية جدا ..
12- البطارية تعمل في حالة البور سيفر لمدة تزيد عن الاربع ساعات بدون العاب..
13- اللاب اللي بالضمان يأتي معه نسخة 7اصلية تسمح لك بعمل ابديت وتحديث التعريفات تلقائيا للجهاز
14 اهم ميزة كارت شاشة 7730 HD من شركة اي تي اي ... هذا الكارت يعتبر اقوى كارت لابتوب في السوق المصري تقريبا في الفئة السعرية من 5300 الى 7200 جنيه مصري ...هو كارت 2 جيجا "ملحوظة قوة الكارت ليست بسعة ذاكرته".. كما انه مستواه في الالعاب متقدم جدا عن باقي كروت الشاشة..
العيوب :
1- كيبورد ليست كاملة "Non Numberic" وومفيش الاضاءة الخلفية للكيبورد يعني مش backlit .. و خفيفة الى حد ما
2- ثقل وزن اجهاز الى حد ما
3- الهارد قد يكون به بعض المشاكل ... لابد من عمل تست للهارد في البداية بأي برنامج .. ونقل ملفات كبيرة وملاحظة صوت الهارد ... الهارد معي ممتاز حتى الان


اللاب رائع حتى الان معي ولم تظهر عليه مشاكل كبيرة .. مع اني اعمل عليه يوميا من 12- لـــ 17 ساعة يوميا منذ اسبوعين حتى الان

[wesamIT]

هو ايه الفرق بينه و بين 5520 غير كارت الشاشه؟؟!!

[Abdallah Sobhy]

اولا شكرا علي المجهود الكبير ده و المعلومات الرائعة اللي انا استفدت منها بس عندي كام ملحوظة كده
انا عندي ال core i7 فهو ده اللي انا هتكلم عليه
بالنسبة للشاشة فهي FHD 1920 *1080 مش HD
و الاسعار ال corei7 بالهارد ssd سعره من 6600 ل 6800
و من غير الهارد ال ssd من 6150 ل 6300 ( ده لو لقيته :D )
طبعا الجهاز بالضمان و الويندوز 7 هوم بريميوم ( انا عندي ضمان BDL )
و ديه معلومات الضمان من ديل علشان انت بتقول لو اقل من كده يبقي ريفبرشد
Warranty Information
Country:
Europe, Middle East, & Africa


Ship Date:
6/6/2012

Services	Provider	Start Date	End Date
Next Business Day	Dell	6/5/2012	6/6/2013
Parts Only	Dell	6/5/2012	6/6/2013

و عموما اللي من غير من ويندوز بيبقي من غير ضمان طبعا البياع مش بيقول كده يقعد يقولك ضمان المحل و ممكن كمان يقولك كويست و بدل و هو غالبا ريفبرشد
و الجهاز اكثر من رائع و مفيش كلام اضيفه علي اللي انت قولته

[al_mougahed]

هو ايه الفرق بينه و بين 5520 غير كارت الشاشه؟؟!!

فرق في خامات التقفيل .. فال7520 افضل في الخامات .. واقل في السخونة .. وطبعا كارت الشاشة افضل بنسبة ب30%

[al_mougahed]

اولا شكرا علي المجهود الكبير ده و المعلومات الرائعة اللي انا استفدت منها بس عندي كام ملحوظة كده
انا عندي ال core i7 فهو ده اللي انا هتكلم عليه
بالنسبة للشاشة فهي FHD 1920 *1080 مش HD
و الاسعار ال corei7 بالهارد ssd سعره من 6600 ل 6800
و من غير الهارد ال ssd من 6150 ل 6300 ( ده لو لقيته :D )
طبعا الجهاز بالضمان و الويندوز 7 هوم بريميوم ( انا عندي ضمان BDL )
و ديه معلومات الضمان من ديل علشان انت بتقول لو اقل من كده يبقي ريفبرشد
Warranty Information
Country:
Europe, Middle East, & Africa


Ship Date:
6/6/2012

Services	Provider	Start Date	End Date
Next Business Day	Dell	6/5/2012	6/6/2013
Parts Only	Dell	6/5/2012	6/6/2013

و عموما اللي من غير من ويندوز بيبقي من غير ضمان طبعا البياع مش بيقول كده يقعد يقولك ضمان المحل و ممكن كمان يقولك كويست و بدل و هو غالبا ريفبرشد
و الجهاز اكثر من رائع و مفيش كلام اضيفه علي اللي انت قولته

تم تعديل الاسعار .. شكرا لاضافتك .. لكن حضرتك جبت الفل HD منين ؟؟؟؟ يمكن بي دي ال هيا اللي بتنزل الفل HD .. لان كويست بتنزل (720p) 1366×768 .. يعني مش فل اتش دي

[Eng/A7MAD 3ID]

موضوع جامد جدا جدا جدا تسلم ايدك
بس هضيف حاجة بى دى ال بقت بتنزل اجهزة اصلية ومن غير نسخة علشان السعر يعنى اقل بحوالى 300 جنيه
انا اشتريت بتاعى كده