شاشة وكارت فيجا وباور

[mooo7sen]

كارت شاشة 6670 hd
وباور جاما 350وات

اريد ان اعرف ماهو حجم الشاشة المناسبة 19 بوصة او 20 او اكثر ؟
وعلى اى شئ يتوقف اختيار الشاشة هل الباور سبلاى ام كارت الفيجا؟

معلش تقلت فى الاسئلة وكمان اسف لانى طرحت السؤال قبل كده
لانى محتاج الاجابة ضرورى جدا انهاردة

ومتشكر جدا ليكم

[MISS.NOUR]

كارت الشاشه 6670 ممتاز مع شاشه 17 واعتقد 19 هيشتغل معاك كويس بس اخرك شاشه 19

و اختيار الشاشه يتوقف على كارت الشاشه مش الباور

اما اختيار الكارت ف يتوقف على قوة الباور يعنى 6670 يشتغل تمام مع باور 350 جاما


اما كارت 7770 ف محتاج باور لا يقل عن 400 watt أصلى

الملخص ان كل كارت شاشه لازمله باور معين بقدرة معينه

وبيحتاج برضه بروسيسور معين عشان ميحصلش عنق زجاجه وانت بتلعب

انا اللى عندى i3 2100 مع كارت 6670 مع باور 350 والحمد لله مفيش عنق زجاجه ومفيش مشكله فى الجرافيك لان الشاشه عندى 17


لو تقدر تجيب كارت شاشه 7770 يبقى افضل بكتير وهات شاشه 19 او 20 او 21 مفيش اى مشاكل

لكن كارت 6670 اخرك معاه شاشه 19

يا رب اكون جاوبت على كل استفساراتك

[mooo7sen]

متشكر خالص على مساعدتك

بس بصراحة انا اتلخبطت
لان فيه ناس قالت لى انى ممكن اجيب شاشة 20 او اكتر وهاتشتغل كويس فى الافلام
وبالنسبة للالعاب هاقلل الاعدادات شوية

مش عارف اقرر بصراحة والمفروض هانزل اشترى دلوقتى

[MISS.NOUR]

متشكر خالص على مساعدتك

بس بصراحة انا اتلخبطت
لان فيه ناس قالت لى انى ممكن اجيب شاشة 20 او اكتر وهاتشتغل كويس فى الافلام
وبالنسبة للالعاب هاقلل الاعدادات شوية

مش عارف اقرر بصراحة والمفروض هانزل اشترى دلوقتى

انا مش بتكلم عن الافلام لان اى كارت من الفئه المتوسطه هيشغلك افلام بلوراى عادى جدا

انا بتكلم عن كارت الشاشه مع الالعاب وبعدين تقلل الاعدادات شويه على اى اساس؟

هتقلل الاعدادات ل low وبعد كدا ؟؟؟ مهو فى العاب نازله بجرافيك عالى جدا وهيحتاج كارت برضه قوى

وقتها يمكن اللعبه متشتغلتش معاك على اقل الاعدادات كمان ولو اشتغلت هتبقى تقيله لانك بتحمل الكارت فوق طاقته اصلا

الموضوع مش انك تقلل او تزود اعدادات الجرافيك لكن عباره عن انك تختار الصح عشان متتعبش بعد كدا


وعامتا زى ما قولتلك كارت 6670 ممتاز مع شاشه 17 و مع شاشه 19 هتقلل الاعدادات

يعنى اخرك معاه شاشه 19

ولو تقدر تزود حتى تجيب الكارت ده وهيكون ممتاز فى الاداء عن 6670

Gigabyte GeForce GTX 550 Ti OC 1GB GDDR5 Windforce 2X : 780 LE

بس المشكله انك هتحتاج باور 450 لان 350 مش هينفع

بس هينفع مع 7750 او 7770 لو انت لسه مشترتش باور

يبقى هات الباور ده

Antec VP450P 450w PSU : 250 LE

[sherif_ahmed]

مرحباً بك أخي الكريم
ممكن ملأ النموذج علشان يكون أكثر تحديداً

-

يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة:

لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

إدارة عرب هاردوير.

وياريت تكمل في موضوع واحد
حتي لا يختلط الأمر علي الأعضاء

[mooo7sen]

MISS.NOUR
متشكر خالص ع المساعدة
كتر الف خيرك