المنافس القادم للعملاق ديل 7520 عملاق سامسنج الجديد

[al_mougahed]

السلام عليكم ورحمة الله وبركاته

تحياتي لاعضاء المنتدى والزائرين الكرام ..

سبق وأن قمت بتفصيل مراجعة عن العملاق ديل 7520 في هذا المنتدى .. وذلك لانه يمتاز بعدة صفات منها ان SE "special edition" اي انه اصدار خاص .. قاموا بتحسين خامات التقفيل لللاب .. كما ان امكانياته عالية جدا وخاصة كارت الشاشة 7730.. وسعره ممتاز بالنسبة لهذه الامكانيات .. كما انه لم يكن له منافس في سعره في السوق المصري ..لكن ظهر في الافق عملاق جديد من سامسنج وهو Samsung Notebook Series 5 550P5C-S03



مقارنة بين عملاق السامسنج وعملاق الديل

أولا خامات التقفيل :
خامات الديل : ممتازة وتحسنت اخيرا في هذا الاصدار خاصة الغطاء الخارجي من الالمونيوم .. وبالتالي لا تشعر بالحرارة تقريبا مع الالعاب المختلفة
خامات السامسنج : افضل من رائعة ..وتجارب الاعضاء ستخبرنا عن حرارة الجهاز تحت ضغط الالعاب الثقيلة

ثانيا :امكانيات الجهاز :
الديل : بروسيسور اي 7 جيل ثالث كاش 6 ميجا .. رام 8 جيجا باص 1600 .. هارد تيرا سرعة 5400 ..يأتي بهارد 32 اس اس دي "سريع عند الاقلاع" .. شاشة ترو لايف LED 15.6
السامسنج: بروسيسور اي 7 جيل ثالث كاش 6 ميجا .. رام 8 جيجا باص 1600 .. هارد تيرا سرعة 5400 لا يأتي بهارد اس اس دي .. شاشة LED 15.6 ايضا

ثالثا: كارت الشاشة :
الديل : كارت AMD HD 7730m .. برام 2 جيجا "ملاحظة: قوة الكارت لا تنبي على سرعة رام الكارت"
السامسنج : كارت نفيديا 650M .. برام 2 جيجا أيضا ..لكن الغلبة طبعا هنا للسامسنج ..اقوى حوالي 20% في الاداء "من على مواقع العالمية لتقييم كروت الشاشة"

رابعا: ملحقات :
الديل : ال 4 مداخل usb3 .. دي في دي .."الاصدار الذي به بلوراي اغلى قليلا" ..سماعات هاند سكل لكنها اسفل الجهاز .. كيبورد ليست كاملة
السامسنج : مدخلين usb3 ومدخلين usb2 .. البلوراي "مشغل الاسطوانات ذات السعة العملاقة التي تصل ل50 جيجا".. سماعات جي بي ال ستريرو مع ساب اوفر .. السماعات من اعلى.. كيبورد كاملة
التشابه في بقية الامكانيات تقريبا .. من كاميرا وبلوتوث وواي فاي .. ومدخل الهاي ديفينيشن .. والبطارية .. واللابات يأتيان بنسخة ويندوز 8 أصلية .

خامسا : السعر
الديل : من شركة البركة بويندوز 8 اصلي بسعر 6200 .. وعرض اخر به بلو راي وهارد اس اس دي والكيبورد المضيئة "باكليت" بسعر 7000 جنيه
السامسنج : بالامكانيات الموضحة يأتي بسعر 6666 جنيه ..

الخلاصة :
السامسنج ماركة رائعة .. خامات ممتازة .. كارت شاشة جبااااااار ليس له مثيل في السوق المصري
الديل 7520 أثبتجوده .. مظهر أنيق .. كارت شاشة ممتاز .. سرعة في اداء الويندوز بالهارد اس اس دي ..

الاثناء رائعان جدا .. لكن الغلبة تكون للسامسنج في اداء الالعاب

لمعرفة تفاصيل أكثر
معلومات عن لاب السامسنج من الموقع الرسمي :
https://www.samsung.com/hk_en/consumer/computer-peripherals/notebook/series-5-rf-series/NP550P5C-S03HK

لشراء لاب السامسنج:
https://b-kam.com/ar/products/samsung-np-550p5c-s03-2-4ghz-1tb-8gb
أو
https://www.eg.jumia.com/Series-5-NP550P5C-S03-15.6%E2%80%9D-Intel-Core-i7-3630-Laptop-%E2%80%93-Silver-80849.html


معلومات أكثر عن الديل من الموقع الرسمي :
https://www.dell.com/ae/p/inspiron-15r-se-7520/pd.aspx?c=ae&cs=aedhs1&l=en&s=dhs&~ck=mn

مراجعتي للاب الديل 7520 :
https://arabhardware.net/forum/showthread.php?t=321617

[ahmed_moustafa]

شكرا ليك أوى على مجهودك و مساعدتك و أنا فعلا محتار بين السامسونج و الديل دول , اللى مقلقنى من السامسونج هو انى سمعت انو فيه بعض المشاكل زى السخونة و طبعا انا شارى جهاز بالثمن ده علشان يعيش يا ريت اعرف رأيك فى مشكلة السخونة و هل ممكن يكون ليها حل و يا ريت نشوف الأعضاء اللى اشتروا الجهاز و يقوللنا هل بيسخن أوى مع الالعاب العالية زى bf3 و mp
جزاهم الله خيرا

[eslam_she7ata]

تسلم على الموضوع الرائع دة وياريت الناس اللى اشتريت السامسونج تدخل تقولنا التقرير بتاعها عن الجهاز ولو حد يعرف هل السامسونج فى مكان داخل الجهاز لرتكيب هارد ssd ولا مفهوش

[saidfon]

يا اخ اسلام انا بتابع الموضوع دة بقالى اكتر من اسبوع وعرفت ان الهارد الاس اس دى بيركب لوحده مينفعش يركب الهاردين ودى صفحة جروب الجهاز على الفيس بوك https://www.facebook.com/groups/NP550P5C/

[saidfon]

ودة موضوع تركيب الهارد اس اس دى https://www.facebook.com/groups/NP55...1153395920253/

[eslam_she7ata]

يا اخ اسلام انا بتابع الموضوع دة بقالى اكتر من اسبوع وعرفت ان الهارد الاس اس دى بيركب لوحده مينفعش يركب الهاردين ودى صفحة جروب الجهاز على الفيس بوك https://www.facebook.com/groups/NP550P5C/

تسلم يا اخ سيد بس انا كنت شفت فيديو فى بعض الاجهزة بيكون فى مكان فاضى بيسمح بتركيب هارد اس اس دى فكنت بتاكد

[saidfon]

شوف الجروب بتاع الجهاز انا سئلت اخ مصرى في الجروب قلى ان ه بيتشال الهارد الاساسى وبيركب الاس اس دى لوحده بس في الموديل S02 وليس الموديل S03 And S04

[FuNkYEGY]

هو اسمه ايه توكيل الاب توبات سامسونج فى مصر ؟؟؟

[mostafa911]

السامسوج صاحبي جابة بيقولي من الأخر اجمد حاجة في الألعاب ذات الجرافيك العالي

[youlost]

تسلم ايدك علي الشرح يا غالي ..

[al_mougahed]

وده أداء كارت 650M في الالعاب ...

[wadalmara]

شكراً على الموضوع الجميل..

[Ahmed-Momtaz]

هل ماركة سامسونج ماركه محترمه في صناعة اللابات ، لأني هاتصل اطلب اللاب من جوميا ان شاء الله
ياعني الواحد يشتريه وهو مطمن ؟!
وبشكل عام ده احسن ولا الديل 7520 ؟! عشان انا كنت ناوي علي الديل الاول

[The Black Death]

هل ماركة سامسونج ماركه محترمه في صناعة اللابات ، لأني هاتصل اطلب اللاب من جوميا ان شاء الله
ياعني الواحد يشتريه وهو مطمن ؟!
وبشكل عام ده احسن ولا الديل 7520 ؟! عشان انا كنت ناوي علي الديل الاول

وليه تطلبه من جوميا ؟ , روح كارفور وامسك اللاب فى ايدك وشوف هتحبه ولا لاه , وجمبيه الديل , برضه امسكه , واختار اللى يعجبك منهم

[saidfon]

وليه تطلبه من جوميا ؟ , روح كارفور وامسك اللاب فى ايدك وشوف هتحبه ولا لاه , وجمبيه الديل , برضه امسكه , واختار اللى يعجبك منهم

هو حضرتك شفته في اى فرع في كارفور اللاب السامسونج