توكل على الله اخى الكريم جهاز ممتاز
مناقشة مفتوحة :: كيـسة dell جـديدة بهـذه الامكـانيـات هل تسـتاهل المغـامرة والشـراء
السلام عليكم اخوانى الكرام
احب اعرفكم بنفسى .. انا صديق لكم من مصر
:: احتياجى من الجهاز :
محتاج جهاز محترم الفترة القادمة .. عشان محتاج اشتغل عليه شغل جرافيك افتر ايفكت .. ويعيش معايا حوالى 10 سنين
:: امكانياتى وظروفى :
وبصراحة انا امكانياتى مقدرش اشترى جهاز كاش .. وكنت عايز اجيبه تقسيط
والشركة اللى حجيب منها الجهاز مش بتجمع اجهزة .. ولا عندها اجهزة مجمعة .. عندها اجهزة ديل جديدة
:: الكيسة الـ dell اللى محتاجها :
سعره .. الجهاز اللى عجبنى سعره 7600 جنيه
موديل جهاز الديل .. dell xps 8500 وده جهاز ديسك توب .. لانى مش حابب اجيب لاب توب عشان الديسك توب بيتحمل الشغل عليه لساعات
:: امكانياته :
بروسيسور i7 3770 3.4
رمات 8جيجا
فيجا منفصل واحد جيجا amd 7570 or 7770
الهارد 2تيرا
:: مناقشة :
حابب اقولكم ان اللى خالانى افكر فى شراء كيسة ديل عشان وابعد عن التجميع .ز عشان كيسات الديل محترمة وبتعيش ومتوافقة مع بعضها وحاجات كلها اصلية ومضمونة وغير كدا التبريد فيها محترم .. حتى الباور سبلاى بتاع الكيسة اللى قولتلكم عليها 450 او 460 واط تقريبا بس اكيد بمقام باور سبلاى اعلى منه فى التجميع
:: فى النهاية حابب اسالكم :
هل جهاز زى ده يستاهل ولالا
لان انا مش حابب اجيب اجهزة مستعملة من ديل .. وكمان مش حابب التجميع .. وكمان مش حقدر اجيبه الا قسط
اتمنى مشاركة ارائكم اللى اكيد حتفيدنا جميعا
وتقبلوا تحياتى
التعديل الأخير تم بواسطة ali357 ; 29-09-2012 الساعة 14:37
توكل على الله اخى الكريم جهاز ممتاز
جهاز ممتاز يا اخي بس في اجهزة سعرها احلي من كدة اوريجينل ديل بردو انا جايب واحد منة وشغال تمام وسريع جدا
بس كور 2 ديو 3/كاش 8 ميجا
وبالتوفيك ليك
شاكر لمداخلتكم اخوانى الكرام الاستاذ محمد والاستاذ هيما
استاذ هيما انا عارف ان فى كيسات ارخص فى السعر .. لكن انا محتاج جهاز يسك توب بمواصفات عالية عشان اشتغل عليه جرافيك لفترة كبيرة
وبصراحة من خلال شغلى على الاجهزة الديل الموديلات القديمة فى الشغل عندى ومقارناتها بالاجهزة المجمعة .. فهناك فرق كبير .. فى اعتمادية اجهزة ديل بصراحة فى الاستحمال والشغل والعمر الافتراضى بيكون اطول
ويمكن انا شغال على جهاز ديل فى الشغل عندى امكانياته اقل من الجهاز المجمع اللى عندى فى البيت ومع ذلك الديل افضل بصراحة
وكمان انا قريت كتير على الاجهزة المجمعة ومشاكل التبريد .. لكن الديل .. حتجيبه وتريح نفسك .. لانه متوافق مع بعضه .. وكمان تبريده افضل
اتمنى ان الاعضاء يشاركونا المناقشة حتى نستفاد من ارائكم جميعا
تحياتى
بص هو طبعا لو انت كنت هتدفع كاش ومعاك المبلغ ده تبقا تجيب تجميع احسن علشان هيبقا ضعف المواصفات ونفس السعر انا تقول ايه بقا الحوجة بس انت حاول تجيب كارت شاشة اعلى من كده GTX 660Ti مثلا وتحطو مكان اللى موجود علشان هينفعك فى التصيميم والجرافيك اكتر علشان الكودا ومتصدقش اللى يوقلك الديل احسن لا ده كلام فاضى كل اللى فيه ان هما بيجمعو جهاز متوافق مع بعضو ولو انت نفسك جمعت نفس الجهاز برضو هيطلع متوافق مع بعضو
تسلم اخى الكريم على ردك وذوقكالمشاركة الأصلية كتبت بواسطة mishmish2010
انا فكرت فى التجميع وبعدته عنه للاسباب
الجهاز اللى كتبت مواصفات لما فصصت كل قطعة فيه قولت ممكن اجيبه هو هو مجمع ممكن سعره يوصل الى 6000 جنيه .. هو حكون وفرت ممكن 1500 مثلا .. بس المقابل انى اخدت جهاز له سمعة كبيرة مع شركة dell غير الضمان حيكون سنتين .. غير كمان ان الجهاز متوافق مع بعضه .. وكمان البور سبلاى بتاع dell محترم جدا .. وبصراحة اجهزة dell desktop العادية القديمة شغال عليها فى الشغل وبتعيش .. والجهاز القديم اللى امكانيته اعلى من جهاز الدل اللى معايا فى الشغل عملتله صيانات اكتر من مرة ومتحدث ومش بيشتغل بكفاءة زى الدل اللى معايا فى الشغل واقل منه فى الامكانيات .. ده فى مرة واحد زميلى نسى الجهاز 4 ايام شغال .. والجهاز مهنج ولا كان فيه اى مشكلة .. ولا الدموع .. والجهاز عندى فى البيت المجمع يومين رجعت لقيت البور سبلاى شكرا .. باظ وغيرته .. هى بس مشكلة الجهاز اللى كتبت تجميعه تحفة بس كارت الفيجا .. اللى ممكن مش يساعدنى بس قدام ممكن اغيره .. لانه كارت منفصل .. وكمان الرامات بتاعت الجهاز الباص بتعها 1600 .. والجهاز فيه بلوتوث وويرلس ولان بلت ان .. والكيسة عملاقة .. ومجال التهوية فيها محترم .. عشان كدا لقيت ال1500 جنية دول حشترى راحتى فيهم كتير .. وعلى فكرة نفس الجهاز ده فيه منه جهاز تانى .. وزيادة عنه الرامات بدل من 8 جيجا اصبحت 12 جيجا .. وكمان كارت الفيجا 2 جيجا amd بس طبعا سعره 8700 جنيه .. وباقى المواصفات الاتنين واحد
اتمنى من باقى الاعضاء يشاركونا فى رائيهم فى اجهزة الـ dell الاصلية اللى امكانيتها عالية زى core i7
هل افضل من المجمع ولالا .. حتى لو كانت غالية 1000 جنيه
واتمنى مشاركة اخوانا المحترفين والمشرفين للاستفادة من خبراتهم
تحياتى
طلب واستفسار من الادارة .. وبسجل استغرابى
الموضوع كان مطروح فى قسم طلبات ونصائح تجميع الاجهزة واسعارها
ووجدته هنا فى قسم المعالج والذاكرة الام
اذا مكانه يكون هنا !!
لان ده كيسة فى مواصفات كاملة .. وباخد راى الاعضاء فى المكونات اللى نازلة فيها
فمش مفروض يكون مكانه هناك
تحياتى
^^^^
تم نقل الموضوع الى هنا على ما اعتقد لان هذة الاجهزة تأتي مجمعة واحاضرة وممكن لا تستطيع التعديل عليها
CPU: I7 4770K
Motherboard: ASUS Z87-DELUXE
video card: Gigabyte GTX 780 OC
RAM: G.Skill 2x4GB DDR3
Samsung 840 Pro Series 2.5'' 128GB SSD SATA III
Cooling: Noctua NH-D14
PSU: Seasonic X-Series 850W
unexpected out
لا الجهاز ميستهلش ثمنه وفى حاجة مهمة لازم تعرف ان مفيش جهاز هيعيش 10 سنين بقوته يعنى كمان 10 سنين i7 هيبقى عامل زى معالجات p3 او 2وشركة انتل نفسها بتنزل معالجات جديدة كل 3 شهور وجيل جديد كل سنة والبرامج والتطبيقات فى تطور اسرع بكتير من تطور الهاردوير ولازم تعرف ان الجهاز مهما كانت ثمنه لا تتوقع انه هيبقى سفينة فضائية مقارنة بباقى الاجهزة انت محتاج الاول تصارح نفسك وتعرف ايه الاول الامكانيات الاساسية اللى انت محتاجها يعنى هل انت محتاج الجهاز لعمل ولا دراسة ولا للترفيه ولو عمل ايه نوع العمل اللى هتعمله عليه ومتطلباته ومستواك بالاساس فى التعامل مع البرامج هل انت من فئة المتخصصين المحترفين والشركات ولا صاحب عمل محدودوكمان لازم تحدد ميزانية ومتسيبهاش على البحرى وانا افضلك لو عاوز تصرف 7400 جنيه انك تجيب جهاز بنص التمن وكل 5 او 4 سنين غيره وهيكون احسن بكتير ماديا وعمليا وشكرة dell لوحاتها الرئيسية لا تقارن بلوحات gigabyte او اسوس واذا كنت فاكر التجميع وحش يبقى مش صح لان فى اجهزة بتتجمع وبتكون بامكانيات ممتازة شركة dell و hp وغيرها بتبيع قطعه فنيه اكتر من كونه جهاز كمبيوتر يعنى هتلاقى مظهر كويس لكن الامكانيات اقل من تهمنها بكتير,وان كان فى كيسات اجمل وانضف من كيسات الاجهزة ال oem
انا كتبتلك التجميعة ديه عشان اوريك ان جهاز شركة dell لا يستحق ووشوف الفارق بنفسك وانا حطيتلك روابط للمنتجات اللى انا كتبتها والاهم انك تشوفها بعينيك فى السوق قياريت تنزل وتشوف الحاجات ديه بنفسك عشان تتاكد انها فعلا تستحق
وموضوع ان الباور سبلاى فى الججهاز التجميع اللى عندك باظ عشان انت كنت جايب نوع ردءى او النوع التجارى ابو 60 جنيه
2000 i7 3770 k 3.5 processor 400 Cooler Master V6GT CPU cooler fan 1300 ASUS P8Z77-V mother board 360 CORSAIR Vengeance 8GB (2 x 4GB) DDR3 1600 CL9 ram 1050 CORSAIR Graphite Series™ 600 T mesh case 650 Seagate Barracuda ST2000DM001 2TB 7200 RPM SATA 6GB/s 64MB Cache hard disk 120 asus dvd 1350 SAPPHIRE HD 7850 2GB GDDR5 vga 520 CORSAIR CX600 V2 80 PLUS power supply 7750
ومميزات التجميعة ديه عن جهاز ال dell
المعالج اللى هنا unlocked وتكسر سرعته زى مانت عاوز
2-التبريد للمعالج بلاشك احسن https://www.coolermaster.com/product...oduct_id=6668#
3-الكيسة تبريده اقوى وانضف https://www.corsair.com/graphite-ser...ming-case.html
4-اللوحة الرئيسية فيها wifi , bluetooth وتدعم الكسر وهى احسن واحدث وفيها مميزات اقوى بلاشك ,ومميزاتها
Dual Intelligent Processors 3 with SMART DIGI+ Power Control
SMART DIGI+ - Get a Blazing Performance Boost and CPU Wattage Cut in Half!
Wi-Fi GO! - DLNA Streaming and Remote Desktop Made Easy
Fan Xpert 2 - The Most Customizable Fan Controls
USB 3.0 Boost - Faster USB 3.0 Transmission with UASP
Quad-GPU SLI and Quad-GPU/3-Way CrossFireX Support!
Windows 8 Ready – Assured Compatibility
موقع اللوحة
https://www.asus.com/Motherboards/In...t_1155/P8Z77V/
الرامات من نوع corsair الغنى عن التعريف وبتردد 1600
https://www.corsair.com/en/memory-by...2a1600c9b.html
كارت الشاشة اقوى من بتاع جهاز dell وهو كارت SAPPHIRE HD 7850 2GB GDDR
وبارو سبلاى من شركة corsair وهو من فئة ال 80 % , 600 watt وهو احسن بكتير من باور شركة dell ,وعلى فكرة الباور ده له ضمان
فبعد توضيح انت ممكن تعمل ايه ب 7000 جنيه وان جهاز شركة dell لا يستحق واسال اى حد من المسؤلين هنا وخليه يعملك تجميعه بنفس سعر جهاز dell
اعرف الاول انت عاوز ايه وحدد ميزانيتك وبعدين اعمل طلب تجميع وباذن الله هتلاقى مساعدة وهتشترى جهاز احين بمراحل ودون الحاجة للتقسيط
على العموم مفيش مشكلة .. المهم الجميع يستفاد من الموضوع ومن مناقشتنا فيه .. انا دورت عليه وتعبت ومش لقيته هناك .. لغاية ماعرفت انه اتنقل هنا فى القسم .. بس كنت محتاج من الادارة انهم يتركوا اسم ظل اللينك هناك لفترة عشان اعرف انه اتنقل هنا ..
وعلى العموم مفيش مشكلة وبتشرف بوجودى معاكم .. وشاكر ردك وتوضيحك .. بارك الله فيك .. وكان الله فى عونك .. ومن تقدم الى تقدم .. تحياتى
تسلم على ردك واكيد افادتك الجميلة والمفيدة ومجهودك الطيب .. بصراحة بارك الله فيك وجزاك الله خيرا .. وحقيقى اتشرفت فيك جدا على نصائحك القيمة
انا الفكرة زى ما وضحت فى البداية .. انى بحب اتعماديت اجهز الdell لان زى ما قولتلك انا الجهاز اللى كان عندى فى الشغل dell بانتيم فور 3 ورامات 2 جيجا وشغال طلقة ما عدا كارت الجرافيك بتاعه بامانة ضعيف .. والجهاز اللى عندى فى البيتد القديم بانتيم فور 3.2 ورامات 2 جيجا ومستواه مش زى الجهاز اللى فى الشغل عندى الا بس ساعة الالعاب وقتها وبيشغلها كويس عشان الكارت اللى معاه .. وطبعا كارت الشاشة اللى عندى اصبح قديم لانه نفيديا 256 تربو كاش .. كتر خيره
وسبب اعجابى بالجهاز الdell اللى عايز اعجيبه مع ان سعره اعلى من نفس الجهاز اللى حيتجمع بحوالى 2000 جنيه الا توافق الحاجة كلها
وانت عارف للاسف ممكن تروح شركة عشان تجمع .. مش تلاقى كل اللى انت عايزه ونفسك فيه عندها ويبتدى اللى بيبع يقنعك باللى متوافر عنده ويقولك افضل من التجميعة اللى انت حاطتها مثلا .. لانه مش عنده كل المواصفات دى متوفرة .. وطبعا الافضل انك لو حتجمع تجمع من مكان واحد .. بدل ما تروح تشترى من هنا جزء ومن هنا جزء
وبعدين الجهاز اللى قولتلك عليه من دل .. تقريبا هو هو نفس الامكانيات .. مع اختلاف اداء كارت الشاشة لانه مش حيكون بقوة الكارت اللى حضرتك كتبته .. بس اللى اعرفه ان الكارت الوحد جيجا كان amd 1gb 7570 .. وده كارت محترم .. ولو جبت الكيسة اللى فيها 2 جيجا حيكون عالى عن كدا لانه حيكون 2 جيجا .. والرامات زى ما قولتلك 12 جيجا .. انا مش عايز احط مواصفات الكيسة مظبوطة لانه على كمبيوتر شوب .. فمش عارف ده ممنوع ولالا .. والبروسيسور زى اللى حضرتك كاتبه كمان
هو على العموم .. التجميعة اللى حضرتك كتبتها هائلة واللى عجبنى فيها اكتر شى الكيسة والتبريد اللى فيها .. وكارت الفيجا .. بس لو كان نيفيديا حيكون افضل ..
انا حستخدم الجهاز فى البيت عندى .. وحعمل عليه شغل .. وشغل افتر افكت .. وان كنت اتمنى اشتغل عليه فينال بس قالولى الاحسن انك تشتغل على اجهزة ابل افضل عشان الرندرة حتاخد وقت على الاجهزة حتى لو كان امكانياتها عالية .. وفى نفس الوقت .. ممكن النسخة الماك اللى شغال عليه تقع لانها مش اصلية ومش محطوطة على ابل
فعشان كدا حركز فى شغل الافتر عليه .. واكيد بالاضافة الى ممكن ابقى اتسلى والعب عليه العاب .. وحتفرج على افلام بكواليتى عالى بلو راى ..
بس معقولة البوردا الجيجا بايت افضل من بورد الdell على فكرة تقريبا بوردة الدل فيها نفس الامكانيات اللى حضرتك كتبتها
وبعدين انا سمعت ان البروسيسور ده اللى نازل فى الdell وكمان اللى حضرتك كاتبه .. ده رباعى النواعى .. مش سداسى .. هو فيه واحد اقوى منه سداسى
بس بجد تسلم ايدك على مداخلاتك القوية اللى اكيد استفدت بيه
ومتحرمناش من افادتك وخبراتك القيمة
وسامحنى السوق المصرى بيخلى الواحد يخاف يدفع دم قلبه عشان فى شركات كتير عايزة تبيع وخلاص ويخدوا فلوس
واكيد حكون خايف ادفع حتى لو 4000 جنيه وفى الاخؤ الاقى حاجة مش متوافقة او فيها مشاكل .. فما بالك حدفع 7500 جنيه مثلا
فى النهاية انا عايز كيسة محترمة بجد فى التبريد والبور سبلاى بتعاها يكون الواط بتاعه عالى وكمان رامات مش اقل من 12 جيجا او 16 ومتقلش عن 8 جيجا اضعف الايمان وكارت فيجا نفيديا 2 جيجا او من انواع النيفيديا وبوردا محترمة فيها امكانيات حديثة زى اللى ذكرتهالى وتكون جيجا بايت وهارد محترم 2 تيرا او واحد تيرا مع البروسيسور سداسى النواه والمشتت يكون محترم
فسامحنى على الحيرة اللى انا فيها
واتشرفت بحضرتك جدا والله .. وتحت امرك فى اى خدمة اقدر اقدمهالك فى مجال السيارات .. تحياتى ليك
بصراحة انا مش عارف اشكرك ازاى .. ياريت الناس تكون عندها ضمير ووعى وثقافة وخبرة زى حضرتك
انا ممكن اجيب البرسيسور
Intel Core i7-3930K Sandy Bridge-E 3.2GHz
لان زى قولتلك انا ناوى وداخل على دورات للافتر افكت .. وكان نفسى اتعلم واشتغل فينال كمان .. وكويس انك فهمتنى ان ممكن اشتغل على الجهاز العادى فينال .. بس اكون جايبله مواصفات معينة
فا انا كدا استقريت على الرامات وعلى البرسيسور سداسى النواه اللى حضرتك كتبتهولى لان سعره مناسب ومش حيكون زى اللى سعره ب6000 جنيه
واستقريت على الكيسة
فاضل كدا اعرف المشتت اللى كتبته قبل كدا حيمشى عليه ولالا هو والباور سبلاى
وكمان البوردا بردوا هل حتكون ماشية مع البرسيسور سداسى النواه ولا ححتاج واحدة اعلى
وكارت الفيجا .. ايه رايك فى ده gtx 660 ti والكارت ده فيه منه تبع اسسوز وجى فورس وجيجا بايت .. وطبعا هو نفيديا .. فترشحه اجيبه جيجا بايت ولالا تقريبا سعره 2000 جنيه
لو تضيف للتجميعه ssd يبقى افضل
وكمان حلعب عليها العاب اكيد طبعا
انا عارف انى غلبتك معايا .. وجزاك الله خيرا
التعديل الأخير تم بواسطة ali357 ; 13-10-2012 الساعة 20:00
processor
Intel Core i7-3930K Sandy Bridge-E 3.2GHz
vga
Gigabyte GeForce GTX 660 ti 2gb ddr
انا عايز كارت يبتدى من 1600 الى 2000 بالكتير عشان باقى التجميعة
case
CORSAIR Graphite Series™ 600 T mesh
ram
CORSAIR Vengeance 8GB (2 x 4GB) DDR3 1600 CL9
power supply
CORSAIR CX600 V2 80 PLUS
ام الجهاز ده حيحتاج باور سبلاى اعلى منه
mother board
ASUS SABERTOOTH Z77 - LGA 1155 Motherboard
ASUS P8 Z77-VPRO - LGA 1155 Motherboard
اى واحدة فيهم افضل للبرسيسور سداسى النواه
واى واحدة فيهم فيهم امكانيات اكبر وبتدعم الكسر وفيها نفس اللى اتكلمنا عليه فى الاول من ناحية البلوتوث والواى فى وكارت ال lan ومخارج يو اس بى كبيرة
ويكون ليها دعم
ويكون التعامل مع شركة الضمان بتعتها مريح فى مصر
يعنى انا اعرف جيجا بايت واتعاملت معاهم كويسين بصراحة جدا
وهل فيه بوردا جيجا بايت افضل من الاسوسوز واعلى منها
وياريت لو ينفع نضيف على التجميعة دى ssd يبقى افضل
والمبلغ اللى معايا من 7500 لغاية 8500
لكيسة كاملة
التعديل الأخير تم بواسطة ali357 ; 13-10-2012 الساعة 20:56
الشكر لله وانا مش خبرة اوى زى مانت معتقد وفى ناس هنا محترفة بجد انا اللى عرفت اساعدك بيه قولتهولك وكل اللى بقولهولك اعرف انت عاوز ايه
انت لما كنت قولت انك هتشتغل على برنامج after effect قولت هنخش على موقع الشركة ونشوف متطلبات البرنامج ايه عشان تبدا تدور بنفسك او تتاكد من صحة كلام الناس اللى هتنصحك بحاجة
وانت بتقول انك هتشتغل على برنامج final cut والصراحة انا مشتغلتش عليه لانى انا تخصص ميكانيكا وعموما وموقع الشركة كاتب فى الرابط اللى تحت متطلبات البرنامج
https://www.apple.com/finalcutpro/specs/
,وبخصوص كارت الشاشة المطلوب للبرنامج https://support.apple.com/kb/HT4664
The following AMD, ATI and NVIDIA graphics cards support OpenCL in Mac OS X v10.6 Snow Leopard and in OS X Lion:
NVIDIA
GeForce 320M
GeForce GT 330M
GeForce GT 650M
GeForce 9400M
GeForce 9600M GT
GeForce 8600M GT 128MB (Note: OpenCL compatible, but does not meet system requirements for Final Cut Pro X, Motion 5 and Compressor 4.)
GeForce 8600M GT 256MB
GeForce 8600M GT 512MB
GeForce GT 120
GeForce GT 130
GeForce GTX 285
GeForce 8800 GT
GeForce 8800 GS
Quadro FX 4800
Quadro FX5600
ATI
Radeon HD 4670
Radeon HD 4850
Radeon HD 4870
Radeon HD 5670
Radeon HD 5750
Radeon HD 5770
Radeon HD 5870
AMD
Radeon HD 6750M
Radeon HD 6630M
Radeon HD 6490M
Radeon HD 6750M
Radeon HD 6770M
Radeon HD 6970M
ياريت تعمل موضوع جديد فى قسم تحميع الاجهزة وتحط ميزانيتك اول حاجة واهتستخدم الجهاز فى ايه يعنى حدد اولوياتك الاول انا كتبلتك التجميعة عشان ابين ان جهاز الdell لا يستحق ثمنه فقط
وقبل ماتعمل الموضوع اعرف البرامج اللى انت عاوزها محتاجة امكانيات ايه واسال الناس اللى بستخدمه وعندها وعى كافى بمتطلبات البرامج عشان يقولك انت محتاج ايه
جهاز ب 7000 او 8500 مينفعش تخبط فى الشراء دلوقت اعتقد انك اقتنعت ان موضوع جهاز ال dell غير مجد فعليك دلوقت انك
تحدد اولوياتك تانى واعمل موضوع جديد فى قسم تجميع الاجهزة وشكرا
ضوابط المشاركة
المفضلات