مساعدة فى شراء لاب توب للالعاب فى حدود 8 الف جنية مصرى

**ahmed601** · 19-10-2012, 23:57

مساعدة فى شراء لاب توب للالعاب فى حدود 8 الف جنية مصرىو هل هيجى بوندوز 8 ؟ ام قابل للتحديث لوندوز 8 ؟و هل يتحمل تشغيل مثلا 10 ساعات او اكثر فى اليوم ؟

**Khaled Khattab** · 20-10-2012, 00:23

لابتوب للألعاب بالسعر ده في مصر صعب
عموماً مصر ما بينزلهاش لابتوب ألعاب إلا فيما ندر
عموماً أفضل لاب في السوق في ميزانيتك هو ديل 7520 الكور آي سيفن بهارد إس إس دي سمارت كاش 32 جيجا
وعامل 6800
كرت الشاشة المتواجد به هو أقوى كرت تحت ال8000 جنيه وخاماته ممتازه ودرجة حرارته أقل من الطبيعية
أنا أفضل ليك كومبيوتر مكتبي بالثمن ده وحيكون جبار معاك في الألعاب
عموماً كل اللابات بتنزل بويندوز سيفن لكن تقدر ترقيه لويندوز 8 بدفع 15 دولار لمايكروسوفت

**ThE DrAgOoON** · 20-10-2012, 01:40

عمرك ما هترتاح على اللاب لو انت جيمر بتاع

bf3 online

وكدة

احسنلك مكتبي:ah7:

عالعموم لو مصر على اللاب زي ما قلك الاخ خالد

**baherbadr** · 20-10-2012, 01:52

والله العظيم حاجة تكسف ... لما واحد يكون معاه المبلغ ده ومافيش حاجة فى طول البلد دى وعرضها ممكن يشتريها .... تقريبا همه كام شركة احتكرت السوق وكالعادة بينزلوا الحاجات
اللى ممكن تكون بره مافيش طلب كتير عليها .. انا دخلت على موقع ديل ... الموديلات اللى هناك وهمية ... طيب على الاقل الوكيل اللى المفروض انه وكيل .. ينزل نص الحاجات دى
على الاقل ...

**Khaled Khattab** · 20-10-2012, 01:54

مش حاجة تكسف ولا حاجة يا أخي
التجارة عرض وطلب ومفيش طلب على لابات الألعاب هنا في مصر كالخارج
لذا كل اللابات إلي بتنزل مصر بتكون مالتميديا فقط
يعني متوسط دخل الفرد لا يسمح له بشراء لاب فوق ال7000 جنيه لكثير من الناس فما بالك بلابات توصل ل15 ألف جنيه

**baherbadr** · 20-10-2012, 02:07

يا باشمهندس خالد ... فى السوق المفتوح حضرتك بتلاقى العربية الهيونداى وبتلاقى الجاجوار .. وما بينهما ...... فى التليفزيونات .. بتلاقى من 14 بوصة الى 70 بوصة شارب وسامسونج .. وما بينهما ... وهكذا ... انا قصدى ان كلمة وكيل معناها انه عنده معظم ان لم يكن جميع موديلات الشركة الام .... وطبعا تحياتى لحضرتك

**Khaled Khattab** · 20-10-2012, 02:44

في موضوع اللابات بيختلف لأن الوكيل بيبعت تقرير للشركة بيوضح حالة السوق إلي فيه أو لأكون أدق الشرركة هي إلي بتطلب التقرير وبعد ذلك يتم تحديد اللابات المناسبة
لاحظ إن الشركة لما بتورك بتورد مالايقل عن عشرة آلاف لابتوب وعدم بيع حتى ألفين منها سيتسبب لها بخسارة تصل إلى الملايين فما بالك بالشحنات التي تصل إلى مائة ألف
وعلى فكرة تقدر تشتري اللاب إلي إنت عاوزه من أي شركة من موقعها على النت ويوصلك لحد البيت وبيكون ضمانه عند الوكيل وتقدر تزود الضمان لثلاث سنوات ضد عيوب الصناعة والحوادث