السلام عليكم ورحمه الله وبركاته


هاشرح النهارده معنى الأيبهات (جمع أى بى )



IP Address : أختصار لـ Internet Protocol Address وهو عباره عن هويه أو عنوان للكمبيوتر ، زى ما ليك أسم : محمد ، على ..إلخ ، الجهاز بيحتاج أسم علشان يقدر يتعامل مع باقى الأجهزه ، والـ IP Address هو الأسم ده .



ايه هيحصل لو الجهاز مالهوش IP Address ؟

لو بتتصفح الأنترنت ، بتكون متصل مثلا بسيرفر ياهو وبتقوله افتحلى www.yahoo.com ، تفتكر هو هيبعتلك الرد ازاى وهو مش عارف اسمك ؟ طبعا مش هينفع ، ساعتها السيرفر وصله طلب انه يفتح موقع www.yahoo.com هيبعت ساعتها الصفحه لأى واحد واللى يستقبلها يكون مثلا كان طالب من سيرفر Google أنه يفتحله www.google.com وانت يجيلك الرد من سيرفر Google .. وبالتالى جيت تفتح الياهو لقيت جوجل بيتفتحلك ..

المثال للتوضيح بس لأن لو مفيش IP مش هتعرف تتصل بالسيرفر ولا حتى الراوتر اللى جمبك فى البيت

الخلاصه أن بدون الـ IP Address مفيش نت لأنه هويتك زى أسمك ،


ايه شكل الـ IP Address ؟

الـ IP بيكون شكله زى مثلا 255.255.255.255

4 أجزاء وكل جزء ملون ده اسمه "أوكتيد" وممكن الأوكتيد يكون من 0-255

مثلا

10.18.67.1
213.100.72.6
160.1.33.0

هل فى أنواع من الـ IP Address ؟

فى البدايه كان فى نوع واحد وهو IPv4 وده اللى منتشر حاليا

ولكن استهتار الشركات وتوزيع الـ IP بدون تنظيم خلى الأيبهات تخلص وبالتالى بدأوا فى عمل نوع جديد أسمه Pv6 وهو بالشكل ده

2001:db8:0:1234:0:567[IMG]http://www.***********.com/forum/images/styles/lifeElement/smilies/Legend%202/8.gif[/IMG]1

وطبعا أصعب فى الحفظ ولكن قريبا هيبقى هو اللى شغال فى كل انحاء العالم

ايه الأيبهات الغريبه اللى باكتبها فى أعدادات النت عندى ؟


كل جهاز ليه 2 IP address

واحد علشان يتعامل مع الراوتر وواحد علشان يتعامل مع النت

الأول اللى علشان تتعامل مع الراوتر

زى فى الصوره كدا






1- ده الأي بى بتاعى اللى من خلاله بكلم الراوتر ويكلمنى ، لو عاوز اقوله افتحلى صفحه نت اقوله أنا 192.168.1.100 وعاوزك تفتحلى صفحه نت يا 192.168.1.1

هو بيعمل عمليات معقده لكن بنفس الشكل بيكلم سيرفرات وبيجيب الصفحه ويرجع يرد عليا ويقولى أنا 192.168.1.1 خد الصفحه يا 192.168.1.100 وهكذا

2- اسمه الـ Subnet address ، ده ايه ؟
عندنا فى البيوت ده أبسط شبكه ممكنه ، والـ Subnet ده بيتحدد عن طريق الراوتر ، استخدامه الحقيقى والتغيير فيه بيكون فى الشبكات الكبيره (مش بتاعت السايبر)
[IMG]http://www.***********.com/forum/images/styles/lifeElement/smilies/Legend%204/biggrin.gif[/IMG] لا الشبكات الكبيره بتتخطى الألف أو الميه ألف جهاز [IMG]http://www.***********.com/forum/images/styles/lifeElement/smilies/Legend%204/smile.gif[/IMG] وممكن نتكلم عنه بالتفصيل فى وقت تانى .

3- ده الأى بى بتاع الجهاز اللى بيخرجك بره الشبكه بتاعتك ، يعنى أنا جهاز وجوه شبكه مكونه من مجموعه من الأجهزه وعاوز اخش النت أو أكلم ناس فى مكان تانى بعيد جدا .. لابد ساعتها من وجود أجهزه متخصصه علشان تنقلنى هناك وفى حالتنا هو الراوتر ولذلك بحطه هنا علشان هو اللى بيخرجنى بره الشبكه للنت ..

4 و 5 - ده الأى بى الخاصه بالـ DNS وده هنتكلم عليه بعدين وايه لزمته ، لكن بصفه عامه هنا فى مصر بنحطه يا أما اى بى الراوتر يا أما اى بى الشركه بتدهولنا .


هذا الموضوع منقول للاهميته
مع تحياتي / مهندس هيثم