الى كل اللى اشترى لاب 5520 DELL او اللى يعرف عنه حاجه ..؟!!

[MiCano]

انا نويت اشترى لاب Dell 5520 i5
لقيت الاسعار فى المنصوره تتراوح مابين 3700 ل 3500 خصوصا ان فيه محلات وشركات كتير فى المنصوره وكل واحد بسعر مختلف
بس يا ريت كل واحد يعرف حاجه عن الاسعار او مميزات او عيوب الجهاز .. يفيدنا
و اللى من المنصوره يقولنا اشتراه منين وبكام ..؟؟
وشكراً ......

[خالد النمكي]

أنا اشتريت الجهاز ده من الاسكندرية بسعر 3700 جنيه
بعد ما اشتريته بأسبوع واحد صاحبي اشتراه مكان قريب من اللي أنا اشتريت منه بسعر 3500 جنيه :ah34:

الجهاز فيه مزايا كويسة أهمها المعالج جيل ثالث Ivy Bridge بالاضافة الي ان به 4 منافذ USB كلها USB 3 ودي بتتميز بسرعة نقل البيانات

من وجهة نظري فيه شيء ناقص وهو ان لوحة المفاتيح غير كاملة يعني بدون Num Pad علي خلاف أنواع تانية من الابتوب بتبقي موجودة علي اليمين وبتسهل ادخال الأرقام
بس غير كده ما فيهوش أي مشكلة

[Eng/A7MAD 3ID]

اشتريته ال i7 من شركة كاريزما و4850 ومعاه هدية شنطة او تختار حاجة وبضمان بى دى ال
الباقى كلهم مفيش عندهم الكرتونة ام ضمان دى
ولو مش هتجيب من كاريزما روح بيور وشوف الشيخ هناك هيقولك ايه الراجل ده محترم جدا وثقة بس خد بالك لازم الباتش بتاع الضمان سواء كويست او بى دى ال يكون على الكرتونة غير كده ريفبريشد
ومبروك مقدما

[MiCano]

أنا اشتريت الجهاز ده من الاسكندرية بسعر 3700 جنيه
بعد ما اشتريته بأسبوع واحد صاحبي اشتراه مكان قريب من اللي أنا اشتريت منه بسعر 3500 جنيه :ah34:

الجهاز فيه مزايا كويسة أهمها المعالج جيل ثالث Ivy Bridge بالاضافة الي ان به 4 منافذ USB كلها USB 3 ودي بتتميز بسرعة نقل البيانات

من وجهة نظري فيه شيء ناقص وهو ان لوحة المفاتيح غير كاملة يعني بدون Num Pad علي خلاف أنواع تانية من الابتوب بتبقي موجودة علي اليمين وبتسهل ادخال الأرقام
بس غير كده ما فيهوش أي مشكلة

متشكر جدا على مرورك وردك :ah7:

[MiCano]

اشتريته ال i7 من شركة كاريزما و4850 ومعاه هدية شنطة او تختار حاجة وبضمان بى دى ال
الباقى كلهم مفيش عندهم الكرتونة ام ضمان دى
ولو مش هتجيب من كاريزما روح بيور وشوف الشيخ هناك هيقولك ايه الراجل ده محترم جدا وثقة بس خد بالك لازم الباتش بتاع الضمان سواء كويست او بى دى ال يكون على الكرتونة غير كده ريفبريشد
ومبروك مقدما

انا روحت كريزما وروحت بيور بردو قبل كدا لما كنت بستفسر عن الاسعار ولقيت كل واحد بسعر مختلف ودا كان من مده ودلوقتى مش عارف الاسعار نزلت ولا ايه بالظبط ؟؟
لدرجه من كتر ما لفيت ع المحلات انى جمعت ورق بالكوم عن الاسعار بس المشكله هنا ان فيه شركات كتير
وانا مش عارف ايه اللى يبقى محل ثقه ؟؟!!! احسن الايام دى ولاد الحرام بقوا كتير والواحد مش مطمن !! :rolleyes:

[Dr.Just]

خليك مع بيور أضمن .... الراجل ده محترم جدا ومسمعتش عن حد اشتكى منه. مبروك مقدما.

[MiCano]

خليك مع بيور أضمن .... الراجل ده محترم جدا ومسمعتش عن حد اشتكى منه. مبروك مقدما.

انا لقيت سعر اللاب dell 5520 i5 فى محل بيور ب 3550 جنيه ..
ولقيت بردو محلات تانيه بتبيع نفس اللاب ب 3500 جنيه ..
نتوكل على الله نشتريه من بيور ولا فيه شركات تانيه اضمن ..؟؟

[XFXGForce]

اتكــل علـى اللــه اداام الضماان موووجوود وعندك موقع dell.com عشااان تتـأكد من مطابقه الـ service tag بالى ع الجهااز والكرتونه

[MOHAMED ELIAS]

اهم حاجة يكون عليه ملصق الضمان على الكرتونة اما من كويست او BDL غير كدة متشتريش

[mamado_eng]

ارخص واحد عنده اللاب ده فى المنصورة محل new vision شارع الجلاء برج المروة الجهاز سعره 3450 وبضمان الوكيل

[MiCano]

ارخص واحد عنده اللاب ده فى المنصورة محل new vision شارع الجلاء برج المروة الجهاز سعره 3450 وبضمان الوكيل

هو سعره اقل ولا ايه بالظبط ؟!
احسن روحت الشركه دى وكان اللاب على 3500 من 3 اسابيع تقربيا
وبعدين انا قلقان من حكايه الريفيربيشد دى خصوصا انه بيبع بأقل سعر من اى شركه تانيه من المنصوره

[Eng/A7MAD 3ID]

اهم حاجة يكون عليه ملصق الضمان على الكرتونة اما من كويست او BDL غير كدة متشتريش

[محمدسالم]

أنا اشتريت الجهاز ده من الاسكندرية بسعر 3700 جنيه
بعد ما اشتريته بأسبوع واحد صاحبي اشتراه مكان قريب من اللي أنا اشتريت منه بسعر 3500 جنيه :ah34:

الجهاز فيه مزايا كويسة أهمها المعالج جيل ثالث Ivy Bridge بالاضافة الي ان به 4 منافذ USB كلها USB 3 ودي بتتميز بسرعة نقل البيانات

من وجهة نظري فيه شيء ناقص وهو ان لوحة المفاتيح غير كاملة يعني بدون Num Pad علي خلاف أنواع تانية من الابتوب بتبقي موجودة علي اليمين وبتسهل ادخال الأرقام
بس غير كده ما فيهوش أي مشكلة

ممكن أعرف مكان مضمون في اسكندريه لشراء نفس الجهاز 5520 DELL واحسن سعر ليه

[Khaled Khattab]

أفضل سعر لللاب وميكنش ريفبريش وبضمان كويست هو 3800 أو 3850 إلي بيكون ب3500 بيكون ريفبريشد

[محمدسالم]

شكرا يا استاذ خالد علي الاهتمام وياريت الاعضاء الي من اسكندريه يرشحلي مكان مناسب مضمون