احذرووووووووو من شركة رابيدو للشحن


صفحة 1 من 2 1 2 الأخيرةالأخيرة
النتائج 1 إلى 15 من 25
  1. #1
    عضوية جديدة
    تاريخ التسجيل
    May 2012
    المشاركات
    61
    الدولة: Egypt
    شكراً
    0
    تم شكره 18 مره في 2 مشاركه
    معدل تقييم المستوى
    0

    احذرووووووووو من شركة رابيدو للشحن

    بعد اذن المنتدي انا مش خبير في المنديات و مش عارف انا كدة الموضوع في مكانه صح ولا لا انا بس كل هدفي افادة المنتدي و الاعضاء
    احذرووووووووو من رابيدو للشحن
    انا الموضوع ده كتبته عشان احذر الناش من الشركة دي خصوصا بعد الموقف اللي حصلي اللي هو كان اول مرة اتعامل معاهم و اخر مرة ان شاء الله
    الموضوع ان كان في كاسيت عربية معروض للبيع علي النت و كان صاحبه من اسكندرية و انا في القاهرة فاتصلت بي و اتفقت معاه و قولتلو خلاص هنشحن بشركة ... بدون ذكر اسماء و دي الشركة اللي لقيت كل الناس اللي بتشتري و تبيع علي النت بيتعملوا معاها الراجل بحسن نية قالي لا في شركة تانية اللي هي طبعا الشركة العظيمة (رابيدو) قالي دي ارخص من التانية قولت خلاص مفيش مشاكل مصلحة برضو.
    المهم كلمت الشركة و قلتلهوم لوسمحت عايز ابعت فلوس اسكندرية و هستلم مكانها طرد من هناك. قلتلوا هتكلف كام قالي انت منين قولتلوا من الهرم قالي كلم مندوب الهرم و اسئله.
    كلمت مندوب الهرم و سئلته قالي هيكلف حوالي 20 - 25 جنيه . و قابلت المنوب قريب من البيت عشان هم مش بيروحوا بيوت و اديتو الفلوس اللي هتوصل و خت من وصل. انا معرفش شركات الشحن بتتعامل ازاي عشان دي اول مرة اشحن فيها بس انا اللي اعرفو في اي شركة محترمة ادام اديت الفلوس لفرع خلاص اكني دفعت للشركة فسالت المندوب قلتلو خلاص اكلم الراجل يروح يدي الكاسيت لفرع اسكندرية و ياخد فلوس من هناك قالي لا ده انت هاتستنا يومين اما نبعت الفلوس لاسكندرية قولتلو مش خلاص انا دفعت اهو قالي لا لازم توصل اسكندرية. نظام عقيم طبعا بس قلت مش مشكلة مجتش من يوم زيادة قولتلو طب و الكاسيت هيجي في اد ايه قالي في خلال 48 ساعة قولتلو طاب انا كيده هكون مش موجود انا راجع الجيش كمان يومين (عسكري بعيد عنكوا ) قالي خلاص سيب الوصل لاي حد يستلم بيه.
    المهم مشي و كلمت الراجل صاحب الكاسيت قولتلو انا خلاص دفعت و الفلوس في السكة ورجعت جيشي في السويس و انا مش شايل هم خلاص المفروض دي شركات محترمة و الموضوع كله سلم و استلم . و فجاة بعد يومين صاحب الكاسيت يكلمني يقولي انا روحت الفرع و مفيش فلوس وصلت قلتلوا ازاي ده انا بعتها من يومين قالي والله بيقولو موصلتش قولتلوا طب انا كلم الفرع هنا و اشوف. كلمت الفرع قالوللي اصل العربية طلعت و مخدتش الفلوس بكرة هنبعتها قلت مفيش مشاكل.
    كلمت الراجل قلتلو بكرة هتوصل المكتب هناك قالي خلاص انا هرحلهم بكرة قلتلوا لا ماتروحش الا لما اكلمهم انا الاول و اتاكد انها وصلت بدل اما تنزل و تدب مشوار علي الفاضي الراجل كلن سنه كبير و ميصحش البهدلة دي برضه قالي خلاص ماشي. اليوم اللي بعده كلمت الشركة و نست اقولكم ان عشان اوصل للي انا عايزه لازم علي الاقل 3-4 تليفونات كدة اصل الخزنة لسة مفتحتش اصل الخزنة قتحت بس الراجل ماجاش اصل الراجل جه بس بيصلي غير ان دي الشركة الوحيدة اللي في حياتي لحد دلوقتي سمعتها بيقولو للعميل (يا باشا) ولا يا فندم ولا حضرتك ولا سمعوا عن الكلام ده اصلا.
    المهم بعد كذة تليفون برضه و عذاب عشان اعرف الفلوس وصلت ولا لا قالي في الاخر الفلوس وصلت (يا باشا) قلتلوا شكرا (يا باشا) . كلمت الراجل هناك قولتلو الفلوس وصلت انزل خدها قالي خلاص انا رايح اهو و هكلمك اما اوصل.شوية و لقيتو بيكلمني ويقولي ايه يا عم احمد انت بتشتغلني مفيش حاجو وصلت و عمال مبهدلني معاك و انا كل يوم انزل كده و خلاص لو الكاسيت مش لازمك اشفلوا بيعة تانية قولتلوا انا هشتغلك ليه والله انا بعت الفلوس و قالولي انها وصلت قالي مفيش حاجة وصلت الشركة قلتلو طب انا هكلم مكتب اسكندرية قالي خلاص و انا هعض استني علي القهوة لحد اما تخلص و تكلمني.
    كلمت مكتب اسكندرية رض عليا واحد بيقولي ليوة (يا باشا) بس بلهجة اسكندراني بقي قولتلو في كذة كذة كذة قالي لا مفيش حاجة جت قلتلوا ده انا لسة مكلم القاهرة قالي دي عندكم من امبارح قالي لا. روحت مكلم القاهرة قالي طب 10 دقايق و كلمني قولتلو انا اللي اكلمك ولا انت اللي تكلمني قالي لا انت تكلمني يا باشا قولت مش مشكلة خلاص هكلمك. كلمتو قالي الفلوس وصلت قولتلو منا عارف انها وصلت بتاع اسكندرية مش عايز يدي الفلوس للراجل و الراجل هيلغي البيعة قالي كلمه شوفوا انت يا باشا قولتلوا برضو انا اللي اكلمو قالي اه. عرفت بقي ان الدنيا مشية ببركة دعاء الوالدين في الشركة دي و مفيش نظام ولا اي بتنجان خالص قولت هيا مش هاتيجي غير بزعيق بقي.
    روحت مكلك اسكندرية و قولتلو في فلوس قدمها طرد من القاهرة و الراجل كل شوية يجيلكو و اتبهدل و البيعة هاتتلغي بسببكم و شوية زعيق كده قالي خلاص ابعتهولي ياخد الفلوس قلتلو يعني الفلوس عندك و دي كانت المفاجأة قالي لا بس لنل هاديهالو !!!!!!!!!! قولت ده الدنيا بطيخ خالص في الشركة بقي هيطلع فلوس من غير وصل و نعم التعاطف مع العميل يعني انا كنت دافع 250 لو كنت قولتلو 500 كان الواحد طلع مصالح بالهبل.
    المهم الراجل راح استلم فلوسه و ساب الكاسيت سالت المكتب هتبعته امتي قالي انهارده و بكرة يكون عندك ده كان يوم خميس وكده الحمد لله الفلوس وصلت بعد 4 ايام بس بعد اما كانوا قايليين يوم او 2 بالكتير.و بكده خلصت مشكلة الفلوس نيجي بقي للمشكلة الاسخن مشكلة الكاسيت. تاني يوم عمال اتكلم اتكلم محدش معبرني لحد فيييييييييين العصر كده واحد رض عليا قولتلو الكاسيت وصل قالي يا باشا والله احنا اجازة انهارده قلتلوا انا معرفش و بعدين المكتب هناك اللي قالي اكلمكوا انهاردة عشان اخد الكاسيت طب اكلمكم بكرة قالي ماشي.كلمتهم بكرة فين الكاسيت لسة موصلش طب هيجي امتي هيجي بكرة طب ماشي شكرا. بكرة الكاسيت فين لسة مجاش طب هيجي امتي هيجي بكرة و طبعا كل مرة زي المرة اللي فاتت 3-4 تليفونات عشان اوصل لغايت اما هما حفظوني اصلا خلاص الكاسيت بتاع اسكندرية ابو 250 جنيه .المهم بعد 3 ايام مفيش حاجو وصلت برضو و اكلمهم لسة مجاش روحت مكلم اسكندرية فين يا عم مبعتوش الكاسيت ليه قالي يا باشا الكاسيت مبعوت من يوم ما خدناه من يوم الخميس اللي فات. اكلم القاهرة تاني يقولي طب كلم المخزن !!!! انا العميل اللي مفروض اكلم المخزن واجري اعوض ادور علي حاجتي فين الظاهر تقريبا الشركة مش بتشحن الموبيلات او تقريبا معمولة استقبال بس مش عارف لان الموضوع ده عادي عندهم يقولك طب كلم الخزنة طب كلم المخزن طب كلم المندوب ده في مرة المكتب قالي خلي المخزن يكلمنا انا مكنتش مصدق بجد ده عادو السلم واللي تحت السلم بمراحل.
    المهم طبعا اعدوا يحدفوني لبعض طب المخزن طب المكتب طب اسكندرية و طبعا الكلمة الشهيرة طب انا هشوف 10 دقايق و هروض عليك (يا باشا برضو) الكلمة دي انا حفظتها و طبعا ولا حد كان بيتصل تاني ولا اي حاجة مفيش غير مرة ةاحدة بس كان في واحد محترم اسمه مازن تقريبا او معتز مش فاكر بظبط ده اللي كان قمة في الاحترام بصراحة و خسار في الشركة دي عشان ابقي بدي كل واحد حقه. كل شوية اتصل ولا اكني بشحت منهم ولا اكني شحنه ببلاش.
    روحت مكلم المندوب اللي جالي عشان ياخد الفلوس فاكرته بية و قلتلو انت قولتلي الموضوع كله 3 او 4 ايام بالكتير صح؟ قالي اه قولتلو الكاسيت لحد دلوقتي بقالو 8 ايام و لسة مجاش قالي طب انا هشوف الموضوع ده بكرة وهروض عليك. تاني يوم فضلت مستني الرد متصلش رحت متصل بيه قالي انا اسف وااله الرقم ضاع مني قولتلو ولا يهمك لانه برضو كان واحد محترم عكس الناس اللي بتروض بقلة زوق غير عادية. قولتلو ايه الاخبار قالي الكاسيت وصل و في المخزن انا شوفتو بس في مشكلة ان الوصل اللي معاه ضاع فا قولتلو مش فاهم هي دي غلطتي ؟؟!! قالي لا دي غلطتنا احنا و احنا هنعمل بدل فاقد باين او حاجة زي كدة مش فاكر قولتلو طب ماهو كدة كدة في نسخة تانية من الوصل معايا ماتيجي تسلمني و تاخدها و خلاص قالي محنا هنشوف بدل الفاقد الاول و لو منفعش خلاص هناخد اللي معاك.قالي كلم المخزن كده قولهم و شوف هيقولو ايه. و دي كانت المصيبة بكلم المخزن قالي الكاسيت مش موجود هههههههه طبعا قمة في الاستهتار و الهرجلة و عدم النظام بقولو ده المندوب شافو بص الوصل ضايع يرود برضو بقلت زوق لا الكاسيت لسة مجاش.
    كلمت المندوب حكتلو و قلتلو الناس دي فاكراني بشحت منهم اية المعاملة القذرة دي. قالي اقولك علي سر انا المفروض مقولش حاجة زي كدة عشان انا شغال هنا بس احنا نفسنا المناديب تعبنا من المعاملة من المخزن و المكتب بيعملونا وحش قولتلو بصراحة برضو انا المفروض مقولكش كدة بس انا ناوي اقول اللي حاصلي ده علي النت و افضح الشركة دي قالي لا بلاش و متعملش كدة قولتلو انا اسف انا لازم اعمل كدة عشان الناس متلبسش زي ما انا لبست كدة.
    قالي طب بص كلم صاحب الشغل و احكيلو اللي حصل بظبط و هو راجل محترم جدا مش زي النلس اللي بتروض في التلفونات. قولت ماشي اما نشوف. كلمت بقي صاحب الشركة العالمي الجامد اللي هايحللي المشكلة اللي مش فاكر اسمه ولا عايز افتكره اصلا. الو سلام عليكم وعليكم السلام(بلكنة صعيدي تقريبا) قولتلو يا حج انا عميل عندي سؤال قالي اتفضل (يا باشا) برضو يا باشا !!!! تقريبا هو ده سلو الشركة ههههه. ما علينا مش هنمسك في دي نسيب البلاوي التانية. قولتلو لو سمحت انا عايز ابعت فلوس اسكندرية و في المقابل هيتبعتلي كاسيت قالي ماشي مفيش مشاكل قولتلو هتاخد وقت اد ايه قالي قولي العنوان كدة عشان ابعتلك حد قولتلو قولي الاول بس هتاخد اد ايه قالي 4 ايام. قولتلو حلو اوي طب انا بقي باعت فلوس والكاسيت لسة مجاش بقالو 9 ايام قالي يعني اية انت هاتبعت امتي؟؟ قولتلو انا بعت خلاص اصلا و انا بتصل بشتكيلك دلوقتي (هو كل ده مكنش واخد باله لسة) قالي ده امتي بظبط قولتلو المندوب جالي و اخد الفلوس يوم الاتنين قبل اللي فات يعني بقالو 9 ايام قولتلو استني اما اكملك الحوار يادوب لسة مكملتش كلمتين علي بعض قالي رقم الوصل اللي معاك كام قولتلو استنة اما اكملك الوصل ضايع عنكم اصلا قالي لا منا مش عارف اكلم علي حاجة مش عارفها قالي انا هشوف الموضوع ده و اكلمك تاني و طبعا طريقة الكلام مختلفتش خالص عن الناس اللي كانت بتروض علي التليفونات قبل كدة. كلمني تاني كمان ربع ساعة و دي كانت المصيبة الكبري قالي الرقم ده مش موجود الوصل ده مش تبع الشركة هههههههههه. قولتلو نعم !!!!! هي مش دي رابيدو و انت اسمك كذة و عنك مندوب اسمه كذة قالي اه قولتلو لا انتو قالي طب هات الرقم تاني كدة اديتلو نفس الرقم و قالي هكلمك تاني فضلت مستني من العصر لحد العشاء معبرنيش روحت متصل بيه قولتلو انا كنت اتصلت عشان مشكلة الكاسيت قالي يا باشا رقم الوصل ده مش موجود قولتلو ما انا قولتلك ضايع و مش هاتلاقيه استني اما احكيلك اللي حصل قالي لا مش فاضي للحكايات انا معايا ناس قولتلو اه منا عارف انك راجل مهم قالي لا انا مقولتش اني مهم انا معايا ناس و شغال (علي اساس ان انا بكلموا عشان اطمن عليه مش عشان شغل برضو) المهم قولتلو المخزن مضيع الوصل و المندوب مش عارف ياخد الكاسيت قالي طب انا هاشوف الحوار ده بكرة.
    تاني يوم كلمت المندوب قولتلو ايه الكلام قالي والله لسة الوصل مش موجود قولتلو يعني انا عطلان علي غلطة مش غلطتي يا عم ما تيجي تسلمني و تاخد الوصل اللي معايا و خلاص قالي خلاص حاضر بكرة هاجبهولك. كلمتو تاني يوم قالي خلاص الكاسيت الحةار بتاعو خلص بس انا نسيته والله انا اسف (يا دي النيلة الكاسيت اللي مش هيوصل في سنته ده) قولتلو ولا يهمك برضو مجتش من يوم بس بكرة الله يباركلك متنساهوش عشان انا خلاص زهقت. تاني يوم جابو والحمد لله و خليت حد يقبلوا بالوصل و يستلموا بعد 11 يوم من العناء و وجع الدماغ و مصاريف المكالمات اللي عدت مصاريف الشحن نفسه لان الشحن كان ب 25 جنيه و انا صرفت تليفونات عليهم بس حوالي 20 جنيه و ندمت اني مرحتش من الاول للشركة النضيفة اللي كل الناس بتتعامل معاها عشان اوفر بتاع 10 جنيهو انا صرف ادها مرتين . في الاخر انا بس حبيت اقول الكلام ده و ربنا يعلم اني مش بكدب ولا انا بفتري علي الشركة دي بدليل اني مكتبتش اسم اي شركة تانية انا بش حبي احذر النلس انهم ميتعملوش مع شركة متعرفش اي حاجو عن النظام زي الشركة دي. و الله علي ما اقول شهيد. و شكرا
    التعديل الأخير تم بواسطة shmiser ; 31-10-2012 الساعة 09:25 سبب آخر: التنظيم و تكبير الخط

  2. هؤلاء الأشخاص 17 قاموا بشكر shmiser على هذه المشاركة

    Ĩ ф И_ Ĥ Ξ λ Я Ŧ £ (12-12-2012), βλζỒ‿ỔҚλ (30-10-2012), ahmedragab (31-10-2012), ahmed_ata_2003 (31-10-2012), محمد kh (29-01-2013), bdr33733 (12-12-2012), Drea (30-10-2012), egyrapschool (31-10-2012), elsakr (31-10-2012), Eng Mahmoud Hamada (24-03-2014), fakeeda (31-10-2012), mmels (30-10-2012), MOHAMED ELIAS (31-10-2012), msenosy (31-10-2012), nasa100 (30-10-2012), SmArTMaTe (30-10-2012), TAMER_ELMASREY (30-10-2012)

  3. #2
    عضو برونزي الصورة الرمزية المتمرد11
    تاريخ التسجيل
    Jan 2010
    المشاركات
    682
    الدولة: Egypt
    شكراً
    256
    تم شكره 341 مره في 164 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    السلام عليكم
    انالو منك كنت رحت فرع الشركه فالقاهره واعملهم لوووووووووووى.....فرح
    بس للاسف انت كنت فالجيش معلش ربنا يعوض عليك الرصيد اللى خلص
    وجزاك الله خير على التنبيه

  4. #3
    عضو
    تاريخ التسجيل
    Jul 2012
    المشاركات
    34
    الدولة: Egypt
    شكراً
    0
    تم شكره 12 مره في 9 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    اشكرك جدا بشدة علي التنبيه لاني كنت هشحن عن طريقهم 25 جهاز كمبيوتر الي اسوان في احدي معامل المعاهد التعليمية هناك مع اجهزة الكترونية دقيقة .و ده لما واحد قاللي عليهم ان اسعارهم رخيصة . خاصة ان سعر المعدات دي كان هيتكلف مبلغ محترم عن طريق اي شركة تانية . انا بشكر ربنا اني متابع دائم للمنتدي العريق ده. و اشكرك بشدة لانك شاركت بتجربتك معاهم عشان الناس تستفيد.

  5. #4
    مشرف سابق الصورة الرمزية βλζỒ‿ỔҚλ
    تاريخ التسجيل
    Mar 2008
    المشاركات
    1,321
    الدولة: Egypt
    شكراً
    403
    تم شكره 973 مره في 446 مشاركه
    معدل تقييم المستوى
    28

    رد: احذرووووووووو من شركة رابيدو للشحن

    فعلا حظك الوحش انك مش متواجد عشان الجيش
    لكن الحمد لله كويس انه وصل بالسلامة اصلا من غير ميكون فيه حاجة بايظة

    انا اكتر حاجة كنت خايف منها وانا بقرأ موضوعك ان يجيوا في الاخر يديلك واحد تاني
    او بعد خناقة ومعارك جوية وارضية تاخد الفلوس

    فعلا قلة الضمير والاتقان تعمل اكتر من كده

    البلد الوحيدة اللي مفهاش حاجة عدلة
    عمري مالقيت حد من اي دولة تانية بيشتكي من المشاكل بتاعتنا دي

    بس انت عملت الصح

    وعمار يامصر

  6. #5
    عضو الصورة الرمزية mdreem
    تاريخ التسجيل
    Sep 2010
    المشاركات
    434
    الدولة: Egypt
    شكراً
    46
    تم شكره 56 مره في 44 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    ايه ياعم النشرة دى كلها انت تنفع محرر اخبار على العموم شكرااا للنصيحه وكان الله فى عونك وهوة كده الرخيص متعب

  7. هؤلاء الأشخاص قاموا بشكر mdreem على هذه المشاركه

    Hoka123 (30-10-2012)

  8. #6
    مشرف عرب هاردوير
    قسم المعالج واللوحة الأم

    تاريخ التسجيل
    Aug 2010
    المشاركات
    2,682
    الدولة: Egypt
    شكراً
    2,391
    تم شكره 1,809 مره في 1,034 مشاركه
    معدل تقييم المستوى
    51

    رد: احذرووووووووو من شركة رابيدو للشحن

    شكرا لك اخي

    بس ليه الوش ده كله انا عارف كل ده من حرقة دمك................ حنعمل ايه يبقي انته اكيد .........اكيد ......اكيدفي مصر

    بس ارجو منك بعض التسيق للموضوع وحذف ماليس له داعي وشكرا


    عندي استفسار هل كل ده حصل بردو اثناء اجازة العيد لان انتبه الدنيا كلها بتبقي واقفة بردو
    التعديل الأخير تم بواسطة mmels ; 30-10-2012 الساعة 20:00 سبب آخر: اضافة الاستفسار

  9. #7
    مُدير أقسام الهواتف والأجهزة المُتنقلة والتصوير
    محرر مجلة عرب هاردوير
    الصورة الرمزية Ahmed.Elsayed
    تاريخ التسجيل
    Apr 2011
    المشاركات
    7,977
    الدولة: Egypt
    شكراً
    4,003
    تم شكره 7,560 مره في 3,070 مشاركه
    معدل تقييم المستوى
    125

    رد: احذرووووووووو من شركة رابيدو للشحن

    ياراجل أنا عقبال ما أوصل لاَخر السطر تكون عينيه زغللت ونمت على الشاشة أنا عايز بصراحة أقرا الموضوع بس مش عارف !!!

  10. هؤلاء الأشخاص 3 قاموا بشكر Ahmed.Elsayed على هذه المشاركة

    Ĩ ф И_ Ĥ Ξ λ Я Ŧ £ (12-12-2012), egyrapschool (31-10-2012), fakeeda (31-10-2012)

  11. #8
    عضو الصورة الرمزية MR7WaeL
    تاريخ التسجيل
    May 2012
    المشاركات
    507
    الدولة: Egypt
    شكراً
    104
    تم شكره 27 مره في 18 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    انا لو مكانك كانت ولعة فى شركة وكل الا شغااااالىين فه من زمان من تانى يوم
    الحمدلله على كدا انك صبرة بجد

  12. #9
    عضو الصورة الرمزية Coolermaster
    تاريخ التسجيل
    Apr 2011
    المشاركات
    322
    الدولة: Egypt
    شكراً
    8
    تم شكره 64 مره في 54 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    كان عندى تليفزيون 40 بوصه lcd شحنته مع رابيدوو الى الاسكندريه وصل بعد 11 يوم ودى كانت اخرة مرة اتعامل معهم

  13. #10
    نائب مُدير أقسام الخدمات التجارية الصورة الرمزية azzelden
    تاريخ التسجيل
    Feb 2012
    المشاركات
    3,435
    الدولة: Egypt
    شكراً
    2,538
    تم شكره 3,142 مره في 1,481 مشاركه
    معدل تقييم المستوى
    140

    رد: احذرووووووووو من شركة رابيدو للشحن

    الغالى ثمنه فيه وفيه شركه ميدل ايست رخيصه برضو شويه ومضمونه ومحترمين ومواعيد مظبوطه وبعدين الطبيعى ان الناس بتشحن البضاعة والبيستلم بيدفع الفلوس وتروح الفلوس للبائع مش العكس انك تدفع الاول

  14. #11
    عضو الصورة الرمزية Golden_PC
    تاريخ التسجيل
    Mar 2012
    المشاركات
    208
    الدولة: Egypt
    شكراً
    233
    تم شكره 119 مره في 68 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    انا مقدر المشكله الي انت مريت بيها بس انا عن نففسي بتعامل معامهم ليه سنتين والله كانوا في منتها الذوق واحترام الموعيد وكانوا بيتصلوه بيا لما بيجيلي طرد ميش عارف ليه كل ده حصل معاك جايز علشان انا من سوهاج وبتعامل معاهم شحن سوهاج القاهره والعكس ، على العموم الحمدالله المشكله عندك اتحلت .

  15. #12
    عضو
    تاريخ التسجيل
    Jul 2009
    المشاركات
    264
    الدولة: Egypt
    شكراً
    32
    تم شكره 19 مره في 13 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    الله يكون فى عونك والحمد لله انك مخسرتش كتير
    بس المضحك فى الموضوع ان الشركة اسمها رابيدو

  16. #13
    عضو
    تاريخ التسجيل
    Mar 2012
    المشاركات
    22
    شكراً
    0
    تم شكره 2 مره في 1 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    انا تعاملت مع الشركة وشحنت من اسكندرية لسوهاج وكانوا محترمين جدا والحاجه وصلت سليمة بعد ثلاثة ايام واتصلوا بيا علشان احدد ميعاد لمقابتهم وكانوا فى منتهى الجدية وميزتها انها مش بتتعامل بالكيلو ودى ميزة للاحمال الكتبيرة بس برضو فى تقصير منهم فى موضوعك وربنا يوفقك

  17. #14
    عضو
    تاريخ التسجيل
    Nov 2011
    المشاركات
    264
    الدولة: Egypt
    شكراً
    71
    تم شكره 31 مره في 21 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    على فكرة حتى الشركات الغالية مش كويسة وبيتكلمو باحترام والموضوع مجرد حظوظ (ميدل ايست) على سبيل المثال انا كسبت فى مسابقة عرب هردوير الرمضانية على العموم انا اتفقت ان ادفع فلوس الاول فى فرع اسيوط الشركة تبعت مندوب فى 6 اكتوبر راح المندوب مرة واحدة المشرفين الافاضل اعتذرو للمندوب وقالولو تعالى بكرة اتصلت بالشركة واعتذرتلهم وقالولى هينفذو بكرة روحت اكلم عرب هردوير تانى يوم محدش جه اتصل بميدل ايست يقولولى رحنا وملقناش حد الموضوع ده اتكرر 4 ايام نفس الرد المندوب ملقيش حد اكلم فرع اسيوط يقولى هتولى الامر ده بنفسى شكرا على ذوقك اكلم فرع اكتوبر يقولى نفس الرد مش بيلاقو حد ويكلمنى برد غير محترم احنا مش هنعمل الشغل ان كان عجباك او الراسل يجى المكتب لو كان عجباك بعد عنا 8 ايام او اكتر اخد الفلوس ورحت شحنت من شركة ارامكس تانى يوم الطرد كان عندى ... وانا اتعاملت مع رابيدو هما خدمتهم زى ميدل ايست بس ارخص لاكن الخدمة سى من ناحية انك تبعت فلوس لانهم باخروها نصيحة للجميع الى بيتعامل مع شركات شحن الرخيص لو الموضوع فيه فلوس الافضل تستخدم البريد للارسال او الاستلام وشركة الشحن فقط لارسال الطرد وليس المال لان فى الفلوس بياخدو ممكن 4 ايام او اكتر لان زى ما فهمت من شركة رابيدو انا مثلا بعت فلوس المنيا من اسيوط الاول تروح القاهرة وبعد كدا تروح المنيا والوصل يرجع القاهرو وبعد كدا يرجع اسوط عنى لفا كاملة
    هتقولى تتاكد الزاى الشخص الى بتتعامل معاه امين بسيطة الطرد يروح شركة الشحن تتصل بهم استلمتو اه تمام فى نفس الوقت تبعت الفلوس بريد
    التعديل الأخير تم بواسطة egyrapschool ; 31-10-2012 الساعة 05:17

  18. #15
    عضو
    تاريخ التسجيل
    Sep 2012
    المشاركات
    625
    الدولة: Egypt
    شكراً
    8
    تم شكره 7 مره في 4 مشاركه
    معدل تقييم المستوى
    0

    رد: احذرووووووووو من شركة رابيدو للشحن

    بأمانة الله...شركة ميدل ايست شركة محترمة جدا
    اتعاملت معاه اكتر من مرة ودايما الحاجه بتوصل وممكن ساعات تتاخر يوم بالكتير
    لكن الحاجه بتوصل سليمه مافيهاش خدش وبيوصلوها لحد البيت كمان...اتعامل مع شركات ليها سمعة محترمه حتى لوكانت غاليه شويتين مش مهم تدفع اكتر المهم تكون مطمن
    وربنا يعوض عليك

صفحة 1 من 2 1 2 الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •