مشكلة بلوحة أم ASRock

[amoor.ahmed]

السلام عليكم ورحمة الله وبركاته

أنا أشتريت من سنة تقريبا جهاز جديد و بلوحة أم ASRock Z68 Pro3 المهم من حوالي 3 شهور تقريبا واجهتني مشكلة أني لما بفتح الجهاز المرواح تلف ثانية و تقف ثانية وهكذا و لما بشيل كابل ال 4 بن بتشتغل بس طبعا فاصلة داتا و كانت المشكلة بتتحل بأني كنت بشيل كابل ال4 بن و و أشغلها و أحطه و هي شغالة و بعدين أعمل ريستارت حصل الكلام ده 3 مرات تقريبا خلال أسبوعين و بعدين فضلت شغالة تمام و بعدين من أسبوع حاولت أفتح الجهاز مفتحش نهائيا فكيت كل المكونات و شلت بطارية الماذر و ركبتها و عملت المستحيل و بعد كدة أشتغل و بنفس اعدادات البايوس بس مع تأخير 6 ساعات( مع أني شلت البطارية لمدة دقيقتين تقريبا) و أمبارح حصل نفس المشكلة و عملت نفس اللي عملته بس مفتحتش نهائيا فخدتها هي والبروسسور لمركز صيانة قالي أنها فاصلة باور و وديها الضمان بس للأسف معرفتش أجرب البروسسور لوحده نهائيا لأني ملقتش أي محل عنده بورد بتقبل ساندي بريدج!!
أنا قبل مأوديها للمحل اللي أشتريتها منه عايز أتأكد هل العيب 100% منها؟ ولا ممكن يكون من البروسسور ؟ وها كلام الفني صحيح؟
و اسف علي الاطالة

[H_KIMO]

مش هتخسر حاجة خد الاثنين للمحل اللى اشتريت منه وهناك هتعرف

[majed_qd]

هذا العطل يكون بالمذربورد من دارة تغذية البروسيسور
وديها للضمان يمكن يستبدلون الترانسستورات أو المكثفات المضروبة

[mostafaeng_2011]

ممكن جدا يكون من الباور سبلاي يا أخي جرب الأول وبعدين دور على البورده

[amoor.ahmed]

جربته و اشتغل و جربت البوردة والبروسسور فب مركز صيانة و مشتغلوش بس المشكلة أن أنا جايبهوم من ماكسيمم هاردوير اللي في اسكندرية و ده منفذ بيع فقط يعني لازم أكون متأكد 100% أن العيب بوردة علشان يبعتها التوكيل
و شكرا علي الردود