سؤال لاصحاب كرت الشاشة NX7800GT

**SaUrEs** · 12-04-2006, 00:43

اخواني انا بدي مساعدتكم لاني كرت الشاشة الي عندي مالي متاكد من اداؤا
الكرت هو MSI NX7800GT هل الكرت الالعاب الجديدة مافي اروع منو بس لما انا بشغل الجنيرالز
ما بعرف شو بصيبو اكتر من نص ساعة ما بيتحمل وبعدا بيجمد الكومبيوتر وبعد الريستارت باعداد الانفيديا بشوف درجة حرارة شريحة كرت الشاشة صارت 50 درجة فالرقم هاد طبيعي ولا مو طبيعي
مع العلم اني جهازي مواصفاتو ممتازة بس يمكن البور سبلاي شوي ضعيفة 300 W
الي ممكن يفيدني بالمعلومة لا يبخل علي لاني خايف يكون المشكلة من الكرت مع العلم اني انا مشغل عليه العاب كتير وكلا على اعلى دقة والكرت متل الصاروخ فشو السبب كل هل الحرارة
يعني هي الحرارة طبيعية ولا في مشكلة بالكرت وشو تاثير البور على الموضوع
انا منتظر الردود من اخوتنا بالموقع الي اكيد ما رح يبخلو علينا بالنصيحة

**الحاتمي** · 12-04-2006, 02:48

أخوي SaUrEs
البور هو أهم جزء في جهاز الكمبيوتر .. ومع الأسف الشديد الغالبية تهمله

أرى أن تجرب أولاً عملية فتح غطاء الجهاز وتسليط مروحة إن أمكن للتأكد من تأثير الحرارة على الكارت .. ومن ثم تجرب اللعبة

**Feras MCP** · 13-04-2006, 09:37

لعبة جنرلز فيها مشاكل خصوصا زيرو اور وعند لعب خريطة كبيرة مكونة من 6 جيوش او اكثر
اللعبة تصبح ثقيلة وتفصل او يعلق الجهاز
بخصوص الحرارة 50 درجة عادي مش مشكلة

**الصقر القادم** · 13-04-2006, 14:38

السلام عليكم
كيفك SaUrEs العزيز وين هالغيبة ..مبروك عليك الكرت من اي وكيل MSI اشتريته وبكم...؟
ثانيا :لعبة الجنرالز فيها بعض المشاكل ولكن ليس لهذه الدرجة لذلك انت بحاجة لبور لاتقل عن 450W أو 500 لكي يحصل الكرت على الطاقة الازمة ...اذاكان كرت 6600GT 128 يحتاج الى 350W
فعلي فكيف مع 7800GT 256 ..؟
واعتقد ان البور عندك تجارية(مع الكيس) فهي لاتقدم سوى 150W مع انو مكتوب عليها 500 واذا كانت ماركة
جاكوار 350W فهي لاتقدم سوى 250W واتمنى لك التوفيق
اخيرا هل ستذهب الى معرض شام ...انا ساكون هناك على الاكثر في 20 او21 نيسان يعني خميس وجمعة وربما السبت ايضا...سلام

**SaUrEs** · 15-04-2006, 02:12

السلام عليكم
اول الشي شكرا للي ردو علي
ومتل ما ذكر اخي فراس المشكلة بس بالجنيرالز وبالاخص بالزيرو هاور
وكمان سلام خاص لاخي صقر وتسلم يا غالي وبالنسبة للغيبة والله كلو من ورا راس هل الكرت
الكرت يا عزيزي سالت عليه بالامارات وبالتحديد بدبي السعر اجاني بحدود 22500-24000 يعني كمان زيادة عن سعرو بالنت فانا شخصيا يئست من شراء الكرت لبين ما خبرت قريب لالي بيشتغل بمجال الكومبيوتر بشركة بحلب وببيع بضايع للشام قلي اني مالك غير تطلع معي وتشوف
رحت معو على الشام وانزلنا على سوق البحصة وكالعادة مافي شي
وقبل ما ارجع انا وهو لحلب اخدني على محل المبدع القريب من فندق الشام اذا بتعرفو طابق رابع وقلي هاد وكيل ام اس اي وبالصدفة دخلنا لعندو كان الكرت بيومتا جايبو على الصالة يعني ما صلو 5 ساعات سالتو على سعرو قلي 26000 . غير, بدل الزلمة كان مصر انا قلت يا ولد خلص هل المعضلة واشتري هل الكرت وارتاح لاني الكرت اذا بدو يجي من الامارات بدو يكلف يمكن اكتر من هيك لاني متل ما بتعرف مصاريف الشحن والتهريب
بالنسبة للمعرض اذا الخميس الجاية انا رح ازورو لاني انا بكون بالشام لاني في الي اوراق بوزارة التعليم العالي لازم استلمن فانا بخلص من الوزارة وبروح بعدا على الالمعرض وانشاء الله بشوفك بالمعرض وبتعرف عليك

**الصقر القادم** · 15-04-2006, 10:40

السلام عليكم
كيفك SaUrEs :اولا تهانينا على الكرت...المبدع بعرفو وعندك كمان التقانات السورية
ثانيا سعر الكرت غالي شوي يعني كان ب22500 بقدر حصلو الك ولكن المشكة لا اعرفك شخصيا
او بالاحرى لو مخبرني عن طريق المنتدى كنت امنتو لك وعلى فكرة انا كل 15 يوم تقريبا بسافر على حلب وعلى فكرة كمان ماني بعيد عنك شغلة ساعة ونص وبالتوفيق عزيزي