قررت بأمر الله اشتري لاب جديد و محتار ما بين تلات انواع ارجو المساعدة

[ahlybarca]

بسم الله الرحمن الرحيم

السلام عليكم انا باذن الله قررت انزل اشتري لاب توب جديد و كنت حاطط حد اقصي للسعر 6000 جنيه و بقالي فترة بادور علي النت و دخلت طبعا هنا و الموقع ساعدني جدا ...انا الحمد لله خلاص بقيت مقتنع بجهاز من الاتنين ياما lenovo y570 ياما Dell N5520 ...مع اني من الاول خالص كنت مقتنع جدا بلينوفو لاني عندي جهاز قديم و بصراحة بيستحمل الاستخدام لكن اللي عندي بقاله فترة كبيرة جدا..فمش هل لازال اللينوفو بنفس القدرة علي التحمل و لا بقي اقل....انا اغلب استخدام للالعاب و الافلام و انا مدمن البرو 2013و الفيفا 2013 ده لينك لمواصفات الجهازين من موقع ايجيبت لاب توب

https://egyptlaptop.com/lenovo-ideapad-y570-8-750.html ده اللينوفو

https://egyptlaptop.com/dell-inspiron-15r-i7-8gb.html و ده الديل

أرجو مساعدتي و ياريت تقوليلي احسن مكان اشتري منه اللاب و مشكورين جميعا علي مساعدتكم.

[ahlybarca]

نسيت اقول ان ان النوع التالت هو Dell 7520 ال i7 و ده سعره بيزيد حوالي 400 عن ال6000 و دول هاحاول ادبرهم لو فعلا يستاهل الفرق و لو هو فعلا احسن منهم بمراحل

[rayfire]

انت خليك في الديل لإنه أحدث وممكن متلقيش الـ Y570
وممكن تروح شركة بركة وتحاول تدبر الـ 300 جنيه الزيادة وتبص علي الاتنين الـ 15R العادي والـ SE (الفرق في الخامات وجودة الصناعة والصوت ده غير كارت الفيجا وفرق بسيط جدا في تردد البروسيسور) ولو عجبك الـ SE وحسيت انه يستحق تدفعله 1300 جنيه زيادة يبقي توكل علي الله، ولو لقيت نفسك مش مقتنع يبقي خليك في الـ 5520

[mohamedalaa6]

الأجهزة مواصفاته رائعة

بس أنت مقولتش أستخدامك للاب أيه ؟؟؟

بيتهيأ لى لو على الجيمز البرو وفيفا مش محتاج تدفع كل المبلغ دا

[adora_9015]

انا بردوا نويت اجيب لاب في حدود 6000

وتقريبا رسيت على

HP Pavilion m6-1070se

[ahlybarca]

الأجهزة مواصفاته رائعة

بس أنت مقولتش أستخدامك للاب أيه ؟؟؟

بيتهيأ لى لو على الجيمز البرو وفيفا مش محتاج تدفع كل المبلغ دا

انا حابب اقولك اني مش من هواة تغيير الاجهزة كل فترة صغيرة يعني برده عايز جهاز مفكرش اني اغيره قبل تلات سنين او اكتر مثلا عشان كده باحاول اجيب احدث امكانيات بس في حدود الفلوس اللي معايا

[Khaled Khattab]

خليك في 7520 وهتجيبه مضمون من عند شركة البركة بكومبيو سيتي بجامعة الدول

[ahlybarca]

خليك في 7520 وهتجيبه مضمون من عند شركة البركة بكومبيو سيتي بجامعة الدول

انا نزلت النهاردة و لسه راجع للاسف لقيت الديل 7520 غلي جدا و بقي اعلي من امكانياتي و الغريب اني ملقتش lenovo y570 الا في محل واحد و لقيته ب 5750 ..و كل المحلات بما فيها ايجيبت لاب توب فضلت تقولي ان اللينوفو z580 احسن من ال y570 لان البروسيسور جيل تالت مع ان كارت الشاشة بتاعه nvidia gt 630m و التاني nividia gt 555 ....انا رجعت حيرتي اكبر من قبل ما انزل هل اجيب الz580 اللي هو احدث و لا اجيب ال y570 اللي هو اقدم شوية بس المتريال بتاعته احسن و كارت الشاشة احسن

انا بجد محتااااار و محتاج مساعدة

[Khaled Khattab]

بص نصيحة لو هتشتري اشتري ال570 لأنه خاماته أفضل وصوته أعلى وكرت الشاشة أفضل وفرق البروسيسور ليس بالكبير فقط الجيل الثالث الموجود في 580 أفضل ب8 بالمائة فحسب لكن الجيل الثاني أعلى في الحرارة

[ahlybarca]

طيب هو دلوقتي انا رحت لقيت ان اللاب تقريبا مستعمل و كان اخر لاب عنده فمجبتش اللاب دلوقتي انا قدامي اللاب الديل 7520 اللي هو i5-6GB-1T-ATI radeon HD 7730 2GB ممكن تقولي ايه رايك في الجهاز ده و هل هو احسن و لا اللينوفو اللي انا كنت عايزه

[Khaled Khattab]

لا الديل 7520 أفضل

[saidfon]

على فكرة هتلاقى ال570 ومعاه هارد اس دى بالاضافة الى هارد ساتا 750 و6 او 8 جيجا رامات فى كمبيو مى ميدان لبنان المهندسين بس المشكلة انه بيبيع بفاتورة ضريبية بس هيعدى ال 6000

[وليد33]

يا باشا ابعد عن اى حاجه وخليك فى التوشيبا و السونى هما اكتر نوعين بيعيشو ويستحملو انا معايا توشيبا و شغال بيه تمام

[Khaled Khattab]

إلي بيشكر إن التوشيبا أفضل دي تجربة شخصية مش تجربة عامة أنا عمومًا لسه معايا ديل بقاله أربع سنين وما شتكاش بس ما طلعتش قلت إن باقي الماركات زبالة
الموضوعية مهمة قبل كل شيء