الكمبيوتر لا يظهر اى بسانات بعد فتحه

**ghostbug** · 05-12-2012, 17:59

السلام عليكم ورحمة الله وبركاته

وصف المشكلة: اول ما اضغط على زر تشغيل الكمبيوتر يشتغل باور و مبسمعشى صوت الصفارة و مافييش اى شيئ بيظهر فى الشاشة
لازم اسيب الكمبيوتر 5 او 10 دقائق و اعملو ريستارت عشان يشتغل بعدها كل حاجة تشتغل تمام و الكلام ده بيحصل لما اكون قافل الجهاز طول اليل وافتحه الصبح
وانا برجح المشكلة ممكن تكون من مزود الطاقة وللعلم ده من النوع التجارى (55جنيه) بس مش متأكد انه السبب فاستعين بالله اولا ثم بكم

معلومات عن جهازى

**MOUSA AL-SARI** · 05-12-2012, 18:27

اخي هل الصور الملتقطة للحرارة هي بعد التشغيل مباشرة اذا نعم حرارة كرت الشاشة عالية 71 درجة وهي عالية بدون تشغيل اللعاب

**ghostbug** · 05-12-2012, 19:08

لا يا اخى الصورة ملتقطة بعد ساعات من تشغيل الكمبيوتر بس كنت فاتح لعبتين فى نفس الوقت

انما الحرارة طبيعية الان 33 درجة للبروسسيسور و 58 لكارت الشاشة

**BAZOOKA_N2O** · 06-12-2012, 00:05

المشكلة تتعلق بالاتي :

ضعف الكهرباء في منطقتك (الوقت الذي تحدث به المشكلة صباحاً ام مساءاً)
هل تعاني من اعادة تشغيل حتى لو لم يكن هناك ضغط على الجهاز ؟

ضعف بالمكثفات او تلفها سواءاً الخاصة باللوحة أو مزود الطاقة

الحلول :

التأكد من عدم ضعف التيار الكهربائي عن طريق قياسه
تجربة مزود طاقة اخر او تجربة الجهاز ككل في مكان اخر

**ghostbug** · 06-12-2012, 05:16

شكرا على ردك اخى Bazzoka
الكهرباء مش ضعبفة فى المنطقة لانى عندى جهاز اخر مش بتحصله المشكلة دى
ان شاء الله هجرب مزود الطاقة للجهاز االاخر واتمنى تكون المشكلة من مزود الطاقة لان ده الى انا حسه
مبعانيش من مشكله اعادة التشغبل
المشكلة بتحصل فى اى وقت الكمبيوتر يتفتح فيه بعد فترة طويلة من غلقه
وانا كده كده كنت ناوى اجيب مزود طاقة جديد 350 او 400 وات بس كنت متردد لتكون المشكلة من حاجة تانى

**ghostbug** · 06-12-2012, 12:43

السلام عليكم
انا جربت تغير مزود الطاقة و المشكلة لازالت قائمة و اتعقدت اكتر و جربت تنظيف كل محتويات الكمبيوتر
محصلسى حاجة وجربت اشيل الرامات وا شغل الجهاز و اشوف فيه استجابة لاقيتو استجاب و الصفارة صفرت كذا مرة
لازم دلوقتى عشان اشغل الجهاز اغير اماكن الرامات ولما الجهاز فتح اخيرا حبيت اعملو نورمال ريستارت من الوندوز عادى حصل نفس المشكلة
ولما فتح مرة تانيه قلت اعمل فحص على الرامات ب windows memory diagnostic ومطلعليش اى ايررور
انا دلوقتى مش هقفل الجهاز نوهائى

و مستنى الرد شكرا ........................

**BAZOOKA_N2O** · 07-12-2012, 04:00

جرب تعمل reset للبايوس
اضغط مفتاح del بعد التشغيل مباشرة واختار loud defult settings
أو افصل الكهرباء عن الجهاز وشيل البطارية لمدة دقيقة وبعد كده اضغط زر الباور وركب البطارية واخيرا ركب كابل الكهرباء وشغل

**ghostbug** · 07-12-2012, 06:02

يعنى بعد اما اشيل البطارية لمدة دقيقة اشغل الجهاز من غيرها وبعدين افصله و اركبها تانى ؟

**BAZOOKA_N2O** · 07-12-2012, 07:03

فقط انزع البطارية واضغط على زر التشغيل بدون ما توصل كابل الكهرباء
لضمان تفريغ اي شحنة كهربائية مخزنة
بعد ذلك ركب البطارية ووصل كابل الباور وشغل الجهاز

**ghostbug** · 07-12-2012, 19:18

للاسف فشل الكلام ده كله وكلمت المحل الى انا اشتريت منو البوردة و عرضت عليه المشكلة
وقلتلو ان الرامات لما بتتشال و اشغل الجهاز الصفارة بتاعت السبيكر تصفر وقالى ده معناه البوردة مافيهاش عطل
والمشكلة فى الرامات
ممكن اعرف رايك !؟ انا بفتح الجهاز بصعوبة جدا و مقدرش حتى اعمل ريستارت