مساعدة في اختيار مركز تدريب

[elkholy]

السلام عليكم ورحمة الله وبركاته

انا مبتدأ في موضوع الشبكات بس حابب المجال نفسه فبدأت في الـnetwork + عشان اعرف الاساسيات و الموضوع ممتع فعلا
و فكرت اني اخد ال ccna طبعا ولما سألت في مركز new horizons لقيت انهم عاملين عرض للـ ccna و ccna voic و ccnp مع بعض كدورة مكثفه
وكان كلامهم ان المركز معتمد من سيسكو واني حتى مش محتاج امتحن عشان اشتغل
يعني يكفي التدريب في المركز بما انه معتمد
فهل الكلام دا صح والموضوع تمام ولا بيشتغلوني ولا ايه !!!!؟؟؟؟

[Gawad]

اوعي تقولي انك روحت نيوهورايزون الطيران وقابلت سامحححححححححححححححححححححححححححح
علشان انا خلاص اتعقدت

[elkholy]

هو انا رحت الفرع اللي في المنصوره قدام الجامعه
هيا العمليه تعبانه ولا ايــــــــــه ؟؟؟

[Gawad]

بسم الله و الحمد لله والصلاة و السلام علي رسو الله وآله وصحبه وإخوانه وسلم:
بالنسبة للدورات ديه مع بعض ب2000 جنيه رخيص الي درجة اني مش مصدق لان الccnp لوحدها لو مركز علي قده ب2000 جنيه، وفي نيوهواريزون بالذات مبالغ خيالية انت متاكد انه فعلا نيوهورايزون ولا نيو بس من غير هورايزون!!!!!!!!!!
عامة النقطة ان المركز يكون فيه لاب علشان تتدرب عليه ويكون الإنستراكتور كويس وممكن تفهم منه
وبعدين ياسيدي ما الشروحات ملية المنتدي وببلاش ووفر فلوس الكورس للامتحان، عامة استخير ربنا سبحانه و تعالي واسال الناس اللي بتدرس فعلا في المركز عن النظام والشرح وكده
بالنسبة لانه يقولك انك مش محتاج تمتحن فده كلام غلط اساسا لانه سيسكو مبتعترفش حتي باللي بيدرس عندها سيسكو اكاديمي هي بتديك شهادة وكل حاجة بس في الماركت بيعترفوا بس بامتحان الاندستري 640-802 اللي هو حاليا ب1700 جنيه بس، ده تمن الامتحان من غير الكورس، فعلي أي ساسا هو بيقولك انك مش محتاج امتحان
فيه نقطة تانية ان الناس اللي بتدرس اكاديمي لو نجح في اخر تراك بنسبة 75 في المية بياخد خصم علي امتحان الاندستري بنسبة 40 الي 50 في المية تقريباًيعني لما تيجي تمتحن بتدفع 700 جنيه بس وديه ميزة

وصلي الله وسلم وبارك علي النبي وآله وصحبه وإخوانه وسلم