مساعدة في كسر سرعة معالج Dual core E5500 2.80

[hmooa]

السلام عليكم ورحمة الله وبركاته

مساعدة في كسر سرعة معالج Dual core E5500 2.8

اريد افضل سرعة للكسر والاعدادت لو مفيش مشكلة

مع العلم ان مش شرط رفع صور لاني على علم ازاي اكسر سرعه بس مش عارف اكسرها على اعدادت ايه ؟؟

ودا فيديو شوفته على اليوتيوب لكيفية كسر سرعة المعالج ونفس شاشة البايوس بتاعتي بس على بروسيسور E5300



نوع المازر بورد اللي عندي G41MT-s2b

كارت الشاشه عندي ATI 4670 512 ddr3

نوع الرامه اللي عندي Kingston HyperX 1600

ياريت لو ينفع كمان ازاي اكسر سرعة الرامه يبقى شاكر ليكم جداً عشان حاسس ان الرامه مش شغاله بكامل كفائتها

منتظر ردكم وجزاكم الله خيراً

[mdhyzn]

ادخل الى البيوس الى قائمة (MB Intelligent Tweaker (M.I.T
CPU Clock Ratio الى القيمة 13
Fine CPU Clock Ratio الى 0.5
CPU Host Clock Control الى Enabled
CPU Host Frequency الى القيمة 230 لتجعل التردد النهائى الناتج من الكسر 3.1GHZ
Memory System Multiplier سيبها هتغيرها لأعلى قيمه بعد أنتهاء الكسر و الأختبار
وخيار PCI Express Frequency خليها 100
Performance Enhance الى Standard
CPU Vcore الى القيمة 1.287
:::::::::::::::::::::::::::::::::::::::::::::::::: :::::::::::::

بعد ذلك أختبر الكسر ببرنامج Prime95 لمدة 30 دقيقة و أرفع الصور لهذا البرنامج و أخرى لبرنامج HWMonitor , CPUZ أثناء الضغط و بعدة ..

[hmooa]

اولا ربنا يكرمك وجزاك الله خيراً

في حاجة بس
اول قيمة اللي هي في Graphics Booster اخليها زي ما هي Auto ولا اخليها Turbo ؟؟

[mdhyzn]

ولا يهمك . أنا تحت أمرك
خليها Auto زى ما هى .. أحنا مش هنغير أى حاجة ف ال Option دة عند كسر سرعه المعالج ..

[hmooa]

الله يخليك يا باشا
طيب دلوقتي في حاجة

انا شوفت موضوع هنا في المنتدى كاتب فيه ان التردد النهائي

كيف يتم حساب التردد ؟؟؟؟
التردد النهائي للمعالج يمكن حسابه بعملية حسايبة بسيطة تتمثل بـ:

ناقل المعالج X عامل الضرب=التردد النهائي

مثلا :

2800=10.5X266

يعني 13X230 =يعني كدا هيساوي 2990 ودا هيبقى التردد النهائي وحضرتك كاتب انه هيبقى 3.1 ؟

مش صح كدا ولا انا غلط ولا ايه ؟؟

[mdhyzn]

معامل الضرب لفئة Dual Core بيكون 13.5 وليس 13

[hmooa]

طيب معلش استحملني

يعني الجملة دي اللي حضرتك كاتبها

CPU Clock Ratio الى القيمة 13

هي دي معامل الضرب ولا دي حاجة تانيه ملناش دعوه بيها ؟؟

[mdhyzn]

أيوة و اللى تحتها كمان ..

[hmooa]

تمام انا هعمل اللي قولتلي عليه

جاري التجربة وبعد التجربة جاري رفع الصور ان شاء الله

شكرا يا استاذ محمد وربنا يكرمك

[unexpected]

وعليكم السلام
اولا معالجك بمعامل ضرب 14 وليست 13
والان قبل ان اكتب لك اعدادات الكسر الخاصة بك يجب اولا معرفة درجة الحرارة لديك كام اثناء الضغط نريد منك ان تضغظ على المعالج لمدة 15 دقيقية ببرنامج Prime95 بواسطة الخيار Belnd...
ونريد منك ايضا صورة من برنامج CPU-Z وصورة من برنامج HWMonitor اثناء الضغط

[mdhyzn]

لو سمحت يا أخ حنا
هو الأفضل نترك معامل الضرب زى ما هو
ولا نقللة ف سبيل ان cpu host clock نكبرة بقدر الأمكان و بالتالى نقدر نرفع تردد الرامات ؟؟

[mdhyzn]

مثلا عندى انا كان معامل الضرب 13.5 و كنت بحصل ع تردد نهائى للمعالج 3.21 بواسطة cpu host 238 و كان تردد الرامات 952
قللت معامل الضرب ل 10 حصلت ع تردد نهائى للمعالج 3.33 بواسطة cpu host 333 و اصبح تردد الرامات 1333 لانى امتلك رامات بتردد 1333
فى الحالة التانية زادت الحرارة بمقدار 6 درجات
فهل الحالة التانية افضل ؟

[unexpected]

مثلا عندى انا كان معامل الضرب 13.5 و كنت بحصل ع تردد نهائى للمعالج 3.21 بواسطة cpu host 238 و كان تردد الرامات 952
قللت معامل الضرب ل 10 حصلت ع تردد نهائى للمعالج 3.33 بواسطة cpu host 333 و اصبح تردد الرامات 1333 لانى امتلك رامات بتردد 1333
فى الحالة التانية زادت الحرارة بمقدار 6 درجات
فهل الحالة التانية افضل ؟

انا افضل الحالة الاولى وهو رفع معامل الضرب الى اعلى قيمة وعلى فكرة اصلا تردد الرامات حتى لو كان عندك 1333 لن تشعر بفرف في الاداء لان الرامات DDR3 لا تقدم زيادة في الاداء مع معالجات التي بسوكت 775

[mdhyzn]

طب ممكن تفسير علمى لأنى مهندس و بحب أفهم ^_^
عايز أعرف ليه معامل الضرب لما يكون كبير يكون أفضل فى حالتنا دى ؟؟ هل عشان هو بيحدد عدد Clocks اللى بيتدخل ع البروسيسور وكل ما تكبر يكون أفضل ؟

[mdhyzn]

بخصوص ناتج زيادة تردد الرامات ... هو صعب انى أحس بالفارق بس لاحظت ان تقيم وندوز 7 أرتفع للرامات من 6.6 الى 6.9
أنا أعلم انه تقيم غير دقيق بس أكيد فية تغير ملموس حدث ..