مشكله بكارت الشاشة ATI 4670 تعيق قيام الجهاز

**mdhyzn** · 05-01-2013, 18:16

السلام عليكم و رحمة الله و بركاتة

الجهاز كان شغال كويس و فجأة بعد عمل رسترات للجهاز صدر صوت مثل الذي يصدر اثناء قيام الجهاز و لكنة عبارة عن صوتين متتالين بدلا من صوت واحد و فرق الزمن فى اصدارهم قليل جدًا ... أعتقد أن غالبًا بيكون السبب هو كارت الشاشة قمت بخلعة و أشتغلت ع ال BUILT IN الجهاز اشتغل عادى ... أرجع اركب كارت الشاشة تانى تحصل نفس المشكلة و قمت بتنضيف الشق أكتر من مرة ولا توجد فائدة .. مع العلم ان مروحة الكارت بتلف عادى أثناء تركيبة ... أنا مش عملت كسر سرعة للكارت و درجة حرارتة ف الخمول كنت شايفها من كام يوم ف حدود 39 درجة مع العلم أنى عامل كسر سرعة للمعالج فقط و البور المستخدم CoolerMaster Extreme 550 Watt و الجهاز كان شغال عادى ..

أرجو الأفادة و شكرًا ...

**unexpected** · 05-01-2013, 18:18

وعليكم السلام
اولا اريد منك تجربة اي بطاقة اخرى على جهازك وتأكد ان كانت تعمل واريد منك ايضا ان تجرب البطاقة 4670 على اي جهاز اخر

**mdhyzn** · 05-01-2013, 18:31

طب ياريت لحد ما أجرب الكارت عند أى حد تانى ... هل ممكن يكون تردد ال PCI اللى تم ظبطة ع 100 هو السبب ؟ ..
هل بحاجة لأعادة تغير ؟

**unexpected** · 05-01-2013, 18:36

المشاركة الأصلية كتبت بواسطة mdhyzn

طب ياريت لحد ما أجرب الكارت عند أى حد تانى ... هل ممكن يكون تردد ال PCI اللى تم ظبطة ع 100 هو السبب ؟ ..
هل بحاجة لأعادة تغير ؟

لا اعتقد ذلك ابدا لان جميع من يكسر سرعة المعالج يقوم بتعديل الخيار على 100 لكي لا يضر البطاقة

**M o h a m a d** · 05-01-2013, 19:19

ممكن تكون المشكلة من الباور
أخي جرب الكارت على جهاز ثاني
وجرب كرت ثاني على جهازك

**mdhyzn** · 05-01-2013, 21:22

مؤشر الكهرباء لم يتجاوز 160 فولت :eek:
أكيد دة خلى الباور يخرج قدرة قليلة لأن القدرة الداخلة قليلة ... أعتقد أن المشكلة ف الكهرباء ... و اللى يأكد كلامى أن الجهاز كان شغال ممتاز دون أى مشاكل يبقى اكيد الكارت سليم و شق pci فى البوردة سليم وطبعًا اى مشكلة ف البور مستبعدة لأن قدرته أكبر بكتير من المطلوبة منة حاليًا وحتى لو زودت .. البور قبل كدا كان شغال ع كارت 560ti دون اى مشاكل ..

**hesham hard** · 06-01-2013, 06:57

هههههههههههههههههه غريب امرك اخي انت وضعت السؤال وبتجاوب عليه بما انك بتعرف الاجابة لا داعي للسؤال

**mdhyzn** · 06-01-2013, 09:03

يمكن أنا أكون مخطئ و أكيد هناك الأفضل منى لأحصل ع أجابات أفضل لتساؤلاتى .. و أنا هجرب الكارت بجهاز أخر كما قال لى الأخ حنا اليوم ..

**ASSEMBLY** · 06-01-2013, 15:54

اخى زى ما قالوا الاعضاء جرب الكرت على جهاز تانى وقولنا

**mdhyzn** · 06-01-2013, 17:06

تم تجربة الكارت ع جهاز أخر و الجهاز يعمل ولكن لا توجد صورة ... يعنى الوندوز قام و سمعنا صوتة بس لا توجد صورة من بداية ال POST الى أقلاع الوندوز ..
أية الحل ؟؟؟ هل الكارت باظ

**unexpected** · 06-01-2013, 17:09

المشاركة الأصلية كتبت بواسطة mdhyzn

تم تجربة الكارت ع جهاز أخر و الجهاز يعمل ولكن لا توجد صورة ... يعنى الوندوز قام و سمعنا صوتة بس لا توجد صورة من بداية ال POST الى أقلاع الوندوز ..
أية الحل ؟؟؟ هل الكارت باظ

لكي تتأكد اكثر ان المشكلة من البطاقة جرب بطاقة اخرى على جهازك

**mdhyzn** · 08-01-2013, 13:53

تم الأختبار ع كارت قديم و بمجرد ان انى عرفت انة شغال شلتة علطول عشان مش أبوظة لصاحبة ^_^ لأنى مش عارف العطل منين و خايف ليكون السبب من المازربورد و الأعدادت اللى وصلت ليها بعد الكسر ... أنا مكنتش بالعب الألعاب أصلا و كان غالبًا الكارت بيكون ف وضع الخمول و مش عارف اية اللى عمل فية كدا جربتة عندى و برة الجهاز بيشتغل والوندوز يفتح بس مفيش صورة من بداية تشغيل الجهاز و الأقلاع اللى بدأ الوندوز .. هل كدا الكارت راااااح

**unexpected** · 08-01-2013, 13:57

المشاركة الأصلية كتبت بواسطة mdhyzn

تم الأختبار ع كارت قديم و بمجرد ان انى عرفت انة شغال شلتة علطول عشان مش أبوظة لصاحبة ^_^ لأنى مش عارف العطل منين و خايف ليكون السبب من المازربورد و الأعدادت اللى وصلت ليها بعد الكسر ... أنا مكنتش بالعب الألعاب أصلا و كان غالبًا الكارت بيكون ف وضع الخمول و مش عارف اية اللى عمل فية كدا جربتة عندى و برة الجهاز بيشتغل والوندوز يفتح بس مفيش صورة من بداية تشغيل الجهاز و الأقلاع اللى بدأ الوندوز .. هل كدا الكارت راااااح

اخي انت تقول انك جربت البطاقة عند صديقك وجربتها على جهازك لكن مفيش صورة تظهر اي يعني نسبة كبيرة المشكلة من البطاقة نفسها وانت جربت بطاقة اخرى على جهازك والجهاز فتح عادي
وانت عندما كسرت السرعة طالما عدلت الخيار

PCI Express Frequency على القيمة 100MHZ مفيش اي مشكلة لكن

حاول تجربة البطاقة مرة اخرى على جهازك لكن على اعدادات الجهاز الافتراضية
وممكن ايضا للتأكد جرب البطاقة على جهاز ثالث لكي تتأكد 100%

**mdhyzn** · 08-01-2013, 14:00

طيب هجرب تانى و ارد عليك

**mdhyzn** · 08-01-2013, 16:55

تمت التجربة تانى يا حنا و عمل نفس السيناريو الجهاز يقوم و مفيش صورة و ال led الخاصة ب errors فى المازربورد كانت مبينة ان فية مشكلة .... كدا يبقى الكارت خلاص أنتهى

.. وهل فية أى خطوات ممكن أتبعها من أجل صيانتة او للمحاولة ؟