كسر سرعة e8500 مع خفض الفولت

**wessam-pro** · 09-01-2013, 04:33

السلام عليكم شباب

حبيت اشارك الاخوة فى المنتدى الى فادونى بعلمهم كتير بموضوع بسيط وفكرة بسيطة ممكن تساعد كتير فى موضوع كسر السرعه خاصة للمستخدمين العاديين

فكرة تقليل الفولت مش منتشرة لكن بشوفها فى منتديات اجنبى وهى عبارة عن تخفيض الفولت بالتدريج للوصول الى استقرار مع اقل درجة حرارة - وطبعا تخفيض الفولت حتى بشكل بسيط بيساعد كتير فى خفض درجة الحرارة

بلاحظ لما مثلا واحد يسأل عن كسر سرعة بروسسور زى e7500 يتم نصحه مثلا برفعه ل3.4 مع رفع الفولت ل 1.3
وغالبا ده بيسبب ارتفاع درجة الحرارة عنده بشكل كبير لما يضغط على البروسسور ويمنعه انه يوصل لكسر اعلى او حتى ان يحصل على اى كسر سرعة على المشتتات العادية او المشتت الاصلى

دى تجربة بسيطة لكسر e8500 ل3.5 جيجا مع مشتت تجارى حجمه كبير شوية مركب عليه مروحة انتل الاصلية بشكل يدوى
طبعا الفولت الافتراضى بتاعه بيكون 1.250 لكن انا وصلت لفولت 1.168 مع استقرار ودرجة حرارة جيده

https://img189.imageshack.us/img189/5416/w234.jpg

وتم تجربة خيار blend ايضا لمدة 47 دقيقة بحرارة اقل ومفيش مشاكل الحمدلله
الكسره اخره عندى لظروف البوردة والرمات ميسمحوش باكتر من كده :o
بس الفكرة هى اننا نتخلص من فكرة ارفع سرعة البروسيسور يبقى لازم ارفع الفولت او اظبطه على auto
واتمنى اقدر افيد حد بالموضوع ده ولو بشكل بسيط
وشكرا لكم

معلش الصورة كان فى مشكلة فى اظهارها والمرفقات اتحط فيها حاجات مع نفسها كده ههههه

**beutimind** · 09-01-2013, 05:56

هو عادة مش بنرفع الا لما نبقى عاوزين كسر اعلى
يعنى انت فى حالتك لو معاك مشتت احسن اكيد هيبقى وضعك احسن بس لما تبقى عاوز تزيد هتحتاج تعلى الفولت بلاشك
وعموما برضه ياريت تجرب الاختبار ب prime لساعتين او اكتر لان كتييييييييير من الاحيان العيب مش بيظهر الا بعد ساعة و45 دقيقة واحيانا اكتر
وفى ناس هنا عاملين نادى كسر سرعة وشرطهم لازم تعمل اختبار 12 ساعة :D

,وفى مثلا موضوع هنا https://arabhardware.net/forum/showthread.php?t=332094 واحد كسر معالجه صحيح بفولت اعلى منك
لكن برضه اقل من الفولت المسموح بيه لانه المعالج بتاعه يتحمل من .8 -1.3625 على حسب بيانات شركة انتل

وعموما قريب هعمل موضوع ان شاء الله عن تخفيض الفولت

**unexpected** · 09-01-2013, 08:15

اخي في العادة انا شخصيا عندما اساعد شخص بكسر السرعة اقوم بأعطاء فولت اعلى من المطلوب لتردد معين طبعا في الحدود الامنة ايضا وليس فولت خطير
ونبدا بالكسر والرفع وعند الاننهاء من الكسر والثبات على تردد معين اقوم بطلب من الاخوان

ارى ان الامور جيد ومبروك الكسر
لكن لو استطعت حاول كل مرة تقليل فولت المعالج درجة واحدة واختبر الثبات واعمل الموضوع دة في كل مرة لحين ان تصل الى اقل قيمة يستقر المعالج فيها مع الكسر

ولو راجعت الموضوع الذي وضعة اخي احمد ستجد ردي الاخير يقول نفس الكلام
وانا شخصيا معالجي كان يعمل على فولت افتراضي قبل الكسر هو 1.21 لكن قمت بتعديلة يدويا الى 1.16 واختبرت الثبات ولم يكن اي مشكلة
طبعا الكلام دة على التردد الافتراضي مع معالج Q9450 لكن بعدها قمت بكسر السرعة
وعلى فكرة حتى لو كان معالجين بنفس النوع ممكن معالج يثبت على فولت اعلى من الثاني لان باتشات المعالجات تختلف

**wessam-pro** · 09-01-2013, 08:38

كلامك مظبوط جدا لكن الفكرة اننا نوصل معلومة ان الفولت الافتراضى مش لازم يعلى لما تكسر السرعه بالعكس ممكن تقلله كمان وتحصل على استقرار وطبعا درجة حرارة ممتازة على مشتت مش مكلفك حاجه

صحيح انا مجربتش 12 ساعه لان معنديش الصبر لكده
لكن انا شغال بالاعدادات دى من فترة وبحكم انى لسه جايب كرت gtx 660 فعمال اقفل كل الالعاب التقيلة اخرهم crysis 2 ومصادفتش مشاكل الحمدلله

بعيدا عن جهازى ومستقر او لا المهم توصيل فكرة انك توصل للاستقرار على اقل فولت ممكن حتى لو قللته درجة واحده م البايوس هتحس بفرق فى الحرارة وممكن توفرلك فلوس مشتت الى بيسموه احترافى والكلام ده - ومش شرط ان الفولت الافتراضى يبقى اقل فولت للبروسيسور يشتغل عليه .

وفى انتظار موضوعك علشان نستفيد كلنا

**wessam-pro** · 09-01-2013, 08:46

المشاركة الأصلية كتبت بواسطة unexpected

اخي في العادة انا شخصيا عندما اساعد شخص بكسر السرعة اقوم بأعطاء فولت اعلى من المطلوب لتردد معين طبعا في الحدود الامنة ايضا وليس فولت خطير
ونبدا بالكسر والرفع وعند الاننهاء من الكسر والثبات على تردد معين اقوم بطلب من الاخوان

ولو راجعت الموضوع الذي وضعة اخي احمد ستجد ردي الاخير يقول نفس الكلام
وانا شخصيا معالجي كان يعمل على فولت افتراضي قبل الكسر هو 1.21 لكن قمت بتعديلة يدويا الى 1.16 واختبرت الثبات ولم يكن اي مشكلة
طبعا الكلام دة على التردد الافتراضي مع معالج Q9450 لكن بعدها قمت بكسر السرعة
وعلى فكرة حتى لو كان معالجين بنفس النوع ممكن معالج يثبت على فولت اعلى من الثاني لان باتشات المعالجات تختلف

اكيد انت تعرف عنى يجى 10 مرات هههههههههه ومش هيفوتك موضوع زى ده
وانا بصراحة مشفتش الموضوع انا كتبت التجربة الى عملتها وحبيت اشارك بيها المنتدى علشان مثلا محدش يجيله احباط لو حاول يكسر ولقى الحرارة عليت وده كمان يشجع الناس انها تكسر بامان ولان الناس العادية بتخاف اوى يقلك لو عليت الفولت هيتحرق :D

والاهم توضيح العلاقة الكبيرة بين الفولت والحرارة