هندسة اتصالات ام هندسة حاسبات .. سؤال صعب ... ساعدني في الإختيار

[ViRus-BoY]

السلام عليكم

انا طالب بكلية الهندسة .. حاصلت علي اول شهاده هيا الــ ICDL سنة ( Dated 2009 )
و بعدها مفكرتش في الشهادات خالص 
دلواقتي انا بذاكر CCNA و MCSE 2003 'انا عارف ان ملهاش امتحانات 
:)
 بس انا محتار اكمل فيها ولا ادور علي كورسات MCSA 2012 علطوول علشان امتحنها 

سؤال بقي بخصوص الإمتحانات كمان ... انا دلواقتي لنفرض اني خلصت ال MCSA 2012 ,و ربنا كرمني و امتحنت و خلصت .. هل ممكن اجد شغل PART Time بيها ولا اية الشهادة اللي هينفع تشغلني PART- Time بمرتب محترم ... علما اني بسأل اكمل و امتحن ولا لأ لأني لسة فاضل 4 سنين و نخلص و بعد كدا 3 جيش و ربنا يكرم فهل كدا برمي الفلوس في الأرض ... و اية الشهادات اللي هأحتاجها علشان اكمل طريقي 

انا عايز اكمل في مجال السيكيوريتي و الهاكنج طبعا 

و يريت حد يقوول لنا علي مرتبات الوظائف اللي تنفعني لأني بردوا ليا في الويب ديزاين ( فوتوشوب - و معايا HTML , CSS , , و شوية PHP و استطيع تصميم المواقع و الجرافكس و اللوجوز و حجات كدا علي قدنا ) بس مفيش حاجة معتمدة غير الـ ICDL و ازاي ممكن احصل علي وظيفة بجانب الدراسة بشرط ان الوظيفة دي تكووون مساعدة و تساعد في المجال بردو مكونش بضيع وقت وخلاص 

دا كان تعريف بيا .. انا عايز اعرف اية الأفضل ليا اني اكمل فية هندسة اتصالات ... ولا هندسة حاسبات .؟ اية اللي هيكون افضل لمجالي ؟ يريت اللي يرد يقول هوا خبرته اية و خريج اية علشان اعرف باخد المعلومة من ميين (طبعا لا اقصد اي شئ بذلك .. فأنا لازلت اتعلم الكثييير و الكثيير من حضراتكم لكن علشان اعرف) ؟؟ و يريت يقول سبب اختيارة ؟

و الف شكر

[Michael Youssef]

سواء هتختار هندسة اتصالات ام حاسبات فالقرار راجعلك انت فقط مش لحد تاني ، احنا في مصر محتاجين ناس فاهمة في مجال تكنولوجيا المعلومات و مع ان في الاف بتشتغل فيه و لكن للاسف مفيش اكتر من 10% اصحاب مهارات مناسبة في المجال.
طبعا باين انك مهتم بمجال تكنولوجيا المعلومات بس مش عارف تبدأ منين ، عموما بما انك ناوي علي امن المعلومات في المستقبل يبقي الصح انك تدخل هندسة حاسبات و تبدأ تذاكر انظمة التشغيل (windows 2008 and linux) و ادارتها و بعد كدا معدات الشبكات زي Cisco و قبل التخرج بسنة تبدأ في امن المعلومات و بكدا هتوصل ان شاء الله.
انا بقالي 12 سنة في المجال و ممكن تقرأ عني في https://www.devarticles.com/cp/bio/Michael-Youssef/ او https://www.c-sharpcorner.com/author...l-youssef.aspx

[ViRus-BoY]

الف شكر ليك ي باشا علي النصيحة و في انتظار باقي اراء الشباب

[mohamedcns]

لو بتحتب تشتغل فى الشبكات هاردوير سيسكو وجنبر وكده يبقى هندسة اتصلالات لو بتحتب تشتغل فى السيرفرات يبقى هندسة حاسبات لكن على حسب خبرتى البسيطه الدنيا ابتدت تقلب clouds computing ففرص السيستم ادمن هتبقى اقل من الاول واكتر حاجاتين هتطلبو ياما ال unified netwrk ياما developen java , andriod and php فحال تبقى فى حاجه منهم


رينا يوفقك