يعني ما شاء الله على الافاضة في الشرح ... لكن لم تذكر اي شيء عن المعالج لا موديله ولا نوعه.
الرجاء ذكر كامل مواصفات جهازك لنساعدك.
اولا انا اسف لاننى قمت بانشاء موضوع جديد غير القديم ولكن ذلك لتغير المشكله ..... انا اشتريت بروسيسور وماذر بورد من اسبوع وبعدين لقيت البروسيسور درجه حرارته بترتفع عشان كده رجعته وجبت واحد تانى درجه حرارته مظبوطه .....بس بعد ما جبت البروسيسور الجديد لقيت الالعاب عندى كلها بتشتغل ابطأ بكتير ومبتستهلكش اساسا من البروسيسور .....مع العلم انها كانت شغاله تمام مع القطعه االقديمه(اللى كانت بتسخن بسرعه)...... البروسيسور مقرى تمام واالتقييم بتاعه في windows experience index متغيرش عن القطعه القديمه ونفس الموضوع بالنسبه لكارت الشاشه ....... البرامج كلها بتشتغل طبيعى جدا ......وبرامج مثل video convert master شغاله تمام وبتستهلك البروسيسور لحد اخره في كل الانويه ......لكن دى البرامج الوحيد اللى بيستهلك البروسيسور ...... الباقى كله مبيستهلكوش خالص .....حتى برنامج زى furmark المفروض انه يقيس كارت الشاشه .النتايج فيه اقل بكتير من الطبيعى ومبيستهلكش غير نواه واحده بس ..... غيرت الويندوز والتعريفات وعملت ابديت ليهم الى احدث نسخه وعملت ابديت لل bios وسكان على الفيروسات ...ولسه المشكله موجوده ....انا اسف على ازعاجكم المتواصل بس ارجوكم ساعدونى ...... هل ممكن تكون المشكله من البروسيسور نفسه وللا من الماذر بورد ؟.....وللا من الباور وللا ايه؟
يعني ما شاء الله على الافاضة في الشرح ... لكن لم تذكر اي شيء عن المعالج لا موديله ولا نوعه.
الرجاء ذكر كامل مواصفات جهازك لنساعدك.
طيب اخوي على القليل شو المعالج شو الكرت شو البوردة
أخي عليك دكر مواصفات جهازك بالتفصيل
معلش انا اسف ...... البروسيسور core i7 3770 ...... كارت الشاشه ati hd 6850 .......والبورده b75m-d3h
انا لم اغير الشاشه ....بس هى 19 بوصه 1366*768 ... والباور لسه جايبه من حوالى 5 شهور كولر ماستر 500 وات ...... المعالج درجه حرارته في وقت الخمول حوالى 30-35 ولكن معرفش عند الضغط عليه في الالعاب بيوصل كام (لأنه اصلا زى ما قلت مابيستهلكش في الالعاب ) ..... ودرجه الحراره مع برنامج مثل video convert master بتوصل 70 .....ودرجه الحراره مع برنامج prime95 ...مع الضغط نصف ساعه بتوصل 80 .......الالعاب عامه شغلها كله ابطأ....لكن الالعاب المعروف عنها استخدامها للبروسيسور بشكل اكبر هى اللى فيها مشاكل ....زى لعبه prototype 2 .....اللعبه دى كانت مع البروسيسور التانى (اللى كانت فيه مشاكل حراره)....كانت بتبقى بين ال 55-60 fps طول وقت اللعب ..... دلوقتى مبتعديش 20 في الخريطه الاساسيه واللعبه كلها بالعافيه ممكن توصل 30 على نفس الاعدادات السابقه .....نفس الكلام في far cry 3 ...كانت شغاله في حوالى 40 fps دلوقتى مبتعديش 25 .....لعبه زى assassin creed 3 ......واللعبه دى اصلا معروف عنها انها بتهلك البروسيسور .....شغاله في boston على حوالى 20 على الرغم انها كانت 30fps كحد ادنى مع القطعه السابقه ......انا معتقدش ان الباور فيه مشكله لان لو فيه مشكله كنت لاحظتها في كارت الشاشه مثلا (لأنه بياخد وصله خارجيه من الباور ).....لكن درجات الحراره في الكارت طبيعيه جدا ....... ومش عارف اذا كان العيب من البروسيسور .....لانى غيرت اتنين لحد دلوقتى وكل واحد فيهم كان بيعمل مشاكل (بس مشاكل مختلفه وده اللى محيرنى)......اللى انا شاكك فيه فعلا هو الشيب بتاع البروسيسور بس معرفش ازاى اتاكد ان العيب منه وللا لأ....وانا اسف اننى تعبتكم معايا
خلاص ...انا رجعت الماذربورد عشان طلع العيب فيها .....السنون اللي تحت البروسيسور كان فيه منها مكسور بسبب سوء التركيب....طبعا كده طلعت من الضمان ....بس الله يسامحه اللي ركبلي البروسيسور التاني
يغلق.
المفضلات