حد يقولنا ارخص محلات بتبيع اللابات دلوقتى بدل الاستغلال ده

[ebnkhaldon]

انا كنت نازل اشترى لاب
Dell Inspiron 15R N5520 (i7/8/1TB/R7670

يوم الخميس ان شاء الله ولكن لما بسأل ع سعر الاب من اسبوعين كان 4700 جنيه فقولت كويس جهزت نفسى وجهزت المبلغ الحمد لله

وقولت اسأل مره كمان قبل ما انزل اسأل بقا

لقيت الاب سعره 5800 جنيه بسبب رفع سعر الدولار

انا مش عاارف اعمل اييه

حد يا جماعه يعرف محل معين لسه بيبع بالسعر القديم ولا ايه ؟

بصراحه انا مضايق جدا اصل فرق 1100 جيه كبير اووى

والكلام دا ف شركه البركة

نفس مشكلة الاخ بالظبط بكل تفاصيلها
هو دلوقتى سعره عامل 5333 فى ايجيبت لاب توب
والغريب 4888 فى رايه -على الموقع بتاعهم-
انا مش عارف اعمل ايه !!!!!

[rayfire]

الدولار ارتفع بنسبة حوالي 8% يعني اللابات اللي بـ 4000 جنيه هتزيد حوالي 300 جنيه فقط.... ولا يجب شراء اللاب بأكثر من ذلك، ورايا عندها اللاب ده بـ 4888 من قبل زيادة الدولار بس كان ناقص وممكن تتصل عليهم تلاقيه خلصان...... والحل انك لو ملقتش بالسعر الصحيح متشتريش واستني ولو الكل عمل كده هما هيرجعوا الأسعار تاني عشان يبيعوا وإلا هتتخرب بيوتهم

وعلي فكرة المحل اللي واجته واللي فعلا يصح اطلاق لفظ مستغل عليه بجدارة هو محل بركة اللي في كمبيوسيتي مول واللي الناس هنا في المنتدي بيشتروا منه، حاطط دلوقتي اسعار بمزاجه ولا انصح احد بالتعامل معاه

[Ahmed.Elsayed]

أحنا أكتر دولة سعر الدولار بيأثر فيها حتى مع السلع المحلية اللى ملهاش دعوة بسعر الدولار والمفروض أن الأسعار تتغير لكن كله عايز يحط أسعار بمزاجه فسايبين الأسعار القديمة زى ما هى بدون تغيير.

[Ronozoro]

ايوه والله البركه دى نااس مستغلين اووى استغفر الله العظيم ده الدولار لسه رافع وكان نص جنيه بالظبط وفجأه بدخلت ع الصفحه بيقول5800 اى سرقه وخلاص والدليل انى ف نفس الوقت بالظبط لقيت محخلات لسه شغاله بالسعر القدم وفى محلات السعر رفع عندها 300 جنيه فعلا مش عااارف اييه الجشع دا

وفعلا بما ان البركه عملت كدا يبقا كدا بيأكد انه فى سرقه ونصب من الاخر

وبعدين احنا بنشترى من البركه علشان ضمان كويست او bdl

وبتتأكد من السرفيس تاج مش محتاج اكتر من كدا

اى حد

[ahmedfathi]

يعنى نشترى دلوقتى ونخلص قبل ما الدولار يوصل 7 جنيه ولا نستنى شويه ؟؟ انا محتار جداااااااااااااا ومش عارف اعمل ايه ؟؟

ناقص اجيب ورده واقعد اقول هشترى .مش هشترى .هشترى .مش هشترى ........................

[Ahmed.Elsayed]

يعنى نشترى دلوقتى ونخلص قبل ما الدولار يوصل 7 جنيه ولا نستنى شويه ؟؟ انا محتار جداااااااااااااا ومش عارف اعمل ايه ؟؟

ناقص اجيب ورده واقعد اقول هشترى .مش هشترى .هشترى .مش هشترى ........................

الأسعار هتزيد مش هتقل ولو عايز تشترى أشترى من محل أسعاره معقولة.

[Ronozoro]

بص انا نازل بكرا كدا كدا وهشوف الاسعار لو لقيت جهاز بضمان quest او bdl وكويس وتأكدت من السرفيس تاج وطلع تمام اخرى 5000 جنيه وهشوف ربنا يسهل (( هشترى ال i7 ابو 8 رام )) تاجى تنزل معايه ؟ :D :D

[ebnkhaldon]

بص انا نازل بكرا كدا كدا وهشوف الاسعار لو لقيت جهاز بضمان quest او bdl وكويس وتأكدت من السرفيس تاج وطلع تمام اخرى 5000 جنيه وهشوف ربنا يسهل (( هشترى ال i7 ابو 8 رام )) تاجى تنزل معايه ؟ :D :D

للاسف والله انا نزلت واشتريت خلاص والحمد لله
جبت جهاز كويس برضوا
hp m6-1091se
وخلاص عامل 5450 بالظبط
وبالمناسبة لقيت سعر ال5520 I7 عامل 4800 عند اكتر من محل
بجد ايجيبت لاب توب والبركه كنت بحترمهم فقدت الثقة فيهم خالص
الاتنين الصبح قالولى 5300 قبل ما نزل ولما نزلت لقيت الاسعار اقل بكتير من اللى بيقوله
الحمد لله على كل شئ

[rayfire]

الف مبروك يا باشا الـ m6 لاب محترم جدا

[ebnkhaldon]

الف مبروك يا باشا الـ m6 لاب محترم جدا

الله يبارك فيك

[msspower]

طيب يا جماعة ايه رأيكم في computer shop تعاملاتهم كويسه ولا لا؟ انا لقيت عندهم lenovo z580 ب3888ج بس بيقوللي ان الضمان سنة ضمان computer shop هل ده معناه انه جهاز من بره ضمان دولي مش ضمان محلي ولا اجهزتهم مضمونه؟ نفس الجهاز الخميس اللي فات من ايجبت لاب توب 3900 كلمتهم امبارح قاللي 4400 ببصراحة استغلال وقلة ادب.
ياريت تنصحوني اشتري منين ولو فيه حاجة نفس مواصفات اللينوفو لكن hp قولولي موديلها ايه انا شوفت البرو بوك 4540s لكن في ناس هنا في المنتدي ما شكرتش فيه

[md3000]

ابعد عن كمبيوتر شوب لو لا قدر الله الجهاز طلع فيه مشكلة معاملتهم بتكون سيئة جدا

ادخل على الموضوع ده وشوف عملو معايا ايه لما اشتريت جهاز منهم وطلع فيه مشكلة https://arabhardware.net/forum/showthread.php?t=282003

شوف كمبيومي شركة محترمة جدا

[msspower]

يعني ايه الاماكن الموثوقة اللي نشتري منها ونضمن ان الجهاز أصلي مش مبدلين منه حاجة؟ لاني رحت كارقور لقيت ولاد النصابه حاطين شاحن معفن تحس انه شاحن موبايل لاجهزة لينوفو 3.25 امبير والاصلي 4.5 امبير وكابلاته محترمة فضلا عن انه معاه كابلين باور واحد عادي والتاني ثلاثي بصراحة حاجة تحير

[md3000]

منا قولتلك كمبيومي compume محل مضمون جدا

بس عيبه انا اسعاره اغلي شوية من المحلات التانية بس دلوقتي اكيد اسعاره اقل من ايجيبت لابتوب والبركة بعد ما رفعو الاسعار

وعشان تبقي متأكد ان الشاحن والبطارية بتوع الجهاز اصليين قول للمحل انك عاوز الجهاز مقفول يعني الكرتونة بتاعته مقفولة

[msspower]

لكن انا دخلت علي موقع لينوفو ولقيت ان كمبيوتر شوب large format retailers