وبعد انهيار الاعصاب... مفاجأة 290

[killerbrain]

السلام عليكم ورحمة الله وبركاته
أشكر كل الاخوة اللي دعو لي بالنجاخ والحمد لله ...الله اتم نعمته علي ولكن بعد حرقة دم وتلاعب في الاعصاب رهيب داخل الامتحان

سيناريو هزلي داخل الامتحان خططت له مايكروسوفت

مع اول دقيقه في الامتحان اتفاجئت:eek: ان اول سؤال simulation قولت قدر الله وما شاء فعل
ومع الدقيقه التانيه اطلق حكم الامتحان صفاره باحتساب:eek: simulation تاني على التوالي

وتوالت اسئله الـ Backup اللي مالهاش حل واللي اول مرة اشوفها وكان عددها حوالي 10 في الامتحان وخدت في حلهم حوالي 30 دقيقه

وفي الدقيقه 31 من احداث الامتحان اعلن الحكم احتساب:eek: simulation تالت على التوالي لتتوالي الاهداف لصالح مايكروسوفت وفي الدقيقه 35 من الشوط نفسه وبعد الفوقان من الـ simulation التالت احتسب الحكم الظالم:eek: simulation رابع في اقل من 35 دقيقه ... لتهبط بذلك معنويات اللاعبين في المباره وغلبت على روحهم اليئس والانهزام:Unhappy:

وتوالت اسئله الـ Backup للمره الـ 600 وكأن مايكروسوفت مش عايزه تسأل اللي بيمتحن غير في الـ Backup بس:q: :q:
وهيا الصدمه الكبرى اكتشفت بعد مرور ساعه ان عدد الاسئله 46 سؤال وهو الغريب في الامر الناس كلها بتقول 42 - 43 سؤال انما 46 دية جديدة pls:
وبعد مرور ساعه وربع الساعه لم يتوانى الحكم الظالم في احتساب(BB) (BB) simulation للمره الخامسه على التوالي ( وعجبي) وبدأت هتافات الجماهير بـ (شيلو الحكم وحطوا خروف يمكن يأمر بالمعروف) ولم استطع ان احتمل كل هذا الضغط وشعرت ان الامتحان راح مني ولأول مرة في حياتي بدأت(B) بالبكاء داخل الامتحان بسبب الشعور بالضياع اللي حسيت بيه بسبب الحكم وقام المراقب وهدء من روعي وقاللي معلش هما اوحش امتحانين 290 و 291 وكأنه بيطبطب على طفل صغير علشان يديله حقنه

وبدء الشعور بالارتياح(H) قليلا بعد الاستراحه والنزول للشوط التاني من اللقاء ( النصف التاني من الاسئله) وبعد ان جهز المدرب اللاعبين لخطه:up: للهجوم المرتد على مايكروسوفت نفذها اللاعبين بكل براعه ولم يتوانوا قط عن احراز هدف متاح امامهم ليطلق حكم المباره صافره نهاية امتحان 290 بنتيجه 715 بالعافيه بالعافيه مقابل 275 لمايكروسوفت
!Clap !Clap ليتأهل بذلك الفريق لنهائيات دورة MCSA2003 ليقابل في المباراة النهائية فريق 291 والحاصل على اللقب لمده 3 سنين متتاليه!Clap !Clap

كان معكم معلقكم الرياضي كريم العشري من استاد مايكروسوفت بالقاهرة

[killerbrain]

ودية معلومات الامتحان:
Test Series: 070-290 Managing and Maintaining a Microsoftr Windowsr Server 2003
Environment English (ENU)
Date: Sunday, April 23, 2006
Time: 02:30 PM
Appointment Length (minutes): 240
Price : $ 50 paid
Passing Score : 700
Your Score : 715
Result : Pass
--------------------------------------------------------------------------------

وكان عدد الاسئله في الامتحان 46 سؤال (جديده الحركه دية ) وكان منهم 5 سيميولايشن وهم
SUS - 2 (files permission) - IIS - fax number (555)555-5555
ولله ملكوت السماوات والارض يحيي ويميت وهو على كل شئ قدير

[belal_bel]

ههههههههههههه .....مباراة حلوة ...بس انتا الأحلى اللي غلبتهم........بفهم من كلامك انو طبيعة الإمتحانات بلشت تتغير

[tofy79]

مبروك يا عزيزي وعقبال بقية الأمتحانات بالنجاح

[almokhtar]

مبروك ودير بالك من المباريات الجاية وخود لعيبة مدربين منيح

[Iraq IT]

ودية معلومات الامتحان:
Test Series: 070-290 Managing and Maintaining a Microsoftr Windowsr Server 2003
Environment English (ENU)
Date: Sunday, April 23, 2006
Time: 02:30 PM
Appointment Length (minutes): 240
Price : $ 50 paid
Passing Score : 700
Your Score : 715
Result : Pass
--------------------------------------------------------------------------------

وكان عدد الاسئله في الامتحان 46 سؤال (جديده الحركه دية ) وكان منهم 5 سيميولايشن وهم
SUS - 2 (files permission) - IIS - fax number (555)555-5555
ولله ملكوت السماوات والارض يحيي ويميت وهو على كل شئ قدير

مبروك على النجاح

الرجاء الرجاء توضيح مال المطلوب من اسئلة السموليشين؟

شكرا

[mcse]

مبروك على النجاح

[haytham.f]

مبروك يا باشا بس انا رأيى انت السبب المفروض كنت تتمرن شويه شكلك ليه راجع من اصابه ولياقتك ضعيفه او ماعملتش حساب الفريق المنافس المهم الحمد لله على النجاح عقبال كأس العالم بس كنت عايز اعرف منك حاجه هو كل المشكله فى السيمولشن ولا كان فى اسئله جديده جاتلك من بره تيست كينج؟؟؟؟؟

[bayoumisoft]

المهم انك كسبت الماتش
هى دية اهم حاجة فى الموضوع

[killerbrain]

الاخ haytham.f
اسئلة السيميولاشن كلها موجوده في التيست كينج ولا داعي للقل منها خالص
بس بجد جاب 10 اسئله جداد في الـ Backup وكان عدد اسئله الـ Backup كتييييييييييير جدااااااااااا

[samia]

مبروك ,, بس غريب انا امتحنت الامتحان اكتير قريب اجاني 4 simulations وكان عدد الاسئلة 44 بس

الف مبروك

[Elnagy101]

بس اهم حاجه ان مكنش فى وقت ضائع فى الموضوع ولا طرد ولا ضربات جزاء
وعقبال الماتش القادم ياباشا انشاء الله

[killerbrain]

طرد ايه بس يا الناجي ده انا كنت اروح فيها خالص وان شاء الله حدبر خطه محكمه للـ291 وحستعين بمدير فني اجنبي علشان مايكروسوفت مينفعش معاهم غير الاجانب