ساعدنى شكراً :)
السلام عليكم ورحمة الله وبركاته
أولا شكرا لكل واحد كتب موضوع او تعليق على كل المواضيع الى فاتت ... عشان بجد أنا أستفدت منها كتييير
ثانياً أنا عايز أسأل أسئلة يا ريت حد ياجوبنى عليها
انا ان شاء الله عايز أشترى لاب اليوميين دول بس من المواضيع السابقة فهمت ان اللابات الأيام دى غالية.
هل هى فعلا غليت بشكل ملحووظ؟ ولا فرق بسيط فى السعر؟؟
واذا كان هى غليت فعلا ... فهل أستنى شويتيين ولا هى هتفضل غالية ومش هتنزل الا كمان فترة كبيييرة؟
كمان انا عايز اجيب لاب فى حدوود 4000 جنيه لاب يستحمل التشغيل لفتراات طويلة فى اليوم نظرا لطبيعة شغلى ودراستى الى بتعتمد بشكل كااامل على استخدامه ... فناس كتير قالتلى هات Dell Inspiron عشان بيستحمل التشغيل لفترات طويييلة و مش بيسخن بسرعة فياريت تقولولى ايه نوع Dell الى هيكون مناسب للمبلغ دة؟
أخر حاجة ياريت تقولولى ايه هى الأماكن الى يفضل اشتري منها
وشكرااااااااا جزيلاً لكم
بص يا معلم مبدئيا كده اللابات فعلا غليت وغليت اووووووى وده بسبب نطة الدولار والدولار دلوقتى عامل 6.7 - 6.8 والخبراء بيقولو انه هيكمل لل7 قبل ما يفكر ينزل
يعنى اللابات هتغلى اكتر لو معقلش ونزل الفترة ده ورجع لاصله
ثانيا انت محددتش ايه طبيعة عملك ولا دراستك ولامحتاج اللاب لايه بالظبط ولا الامكانيات اللى عاوزها فيه عشان نقدر نرشحلك الحاجة اللى تنفعك فى شغلك
ومتفكرش فى موديلات دلوقتى شوف الاول بس احتياجاتك ايه
واحنا معاك ان شاء الله
أسعار الابتوبات اليومين دول في زيادة كما قال أخي kogi2010
ولكن أنصحك بلابتوب Toshiba برغم ان عندي لابتوب DELL Inspiron 5520 وهو جيد الأداء ولكن خاماته ليست بالمستوي الجيد
أما بالنسبة لدرجة الحرارة فأي جهاز محمول سيكون هناك مشكلة بالحرارة فقط ابتعد عن HP
هناك أيضا لابتوب لينوفو ومواصفاته جيده جدا
تجول في محلات الابتوب وتفرج عليها واختر ما يعجبك اذا ناسبك السعر :ah7:
شكراً جدا لرد حضرتك والمعلومات القيمة...
أنا بدرس computer science وحاليا عندى جهاز كمبيوتر فى البيت غالباً بشغله طول اليوم
مثلا 14 ساعة متواصلة ..
فعشان كدة أحتاج للاب يتحمل وكتير قالولى روح لل dell هيسد كويبس
وانا طبيعة عملى مبرمج و مصمم أحتاج لتشغيل اللاب لفترات طويلة وأحيانا تشغيل أكثر من برنامج فى نفس الوقت واحتاج كارت شاشة مناسب مش عالى أوى يعنى
وبشكر حضرتك تاااااانى
شكرا جداا لرد حضرتك
هو انا بالفعل الأول كنت بفكر فى توشيبا بس ناس قالتلى ان لو اللاب حصله حاجة باظ مثلا أو أحتاج قطع غيار أو صيانة ... هتعب عقبال ما ألاقى الى يعمله عشان صيانته مش منتشرة زى ال hp و dell
وناس أصحابى معاهم hp بس هو فعلا بيسخن بسرعة معاهم عشان كدة قولت أروح لل dell
و شكرا جداا لحضرتك
العفو يا ريس احنا معملناش حاجة وبخصوص التوشيبا او الاتش بى او الديل لو حصله حاجة لا قدر الله انت معاك ضمان يحميك و التغير هيبقا من التوكيل نفسة وتوشيبا توكيلة العربى يعنى القطع موجودة بس متجبش لاب بضمان محلات عشان النصب اللى بيحصل ومش هيبدلولك حاجة
يعنى باختصار لو عاوز حاجة ديل خليك مع البركة
لو عاوز توشيبا خليك مع البركة او مع العربى التوكيل نفسه
لو عاوز لينوفو خليك مع جوميا وهى هتديك ضمان ريدينجتون توكيل لينوفو فى مصر
المهم متشتريش حاجة من غير ضمان عشان توفر 400 ج ولا حاجة
نيجى بقا للشغل والامكانيات والله هو الديل والتوشيبا واللينوفو 3 شركات محترمين جدا
بس انت عاوز حاجة فى حدود ال4000 وتستحمل شغل وبهدلة وامكانيات حلوة
فنصيحتى ليك هات lenovo z580 i5
وده رابط ليه ومعتقدش انك هتلاقى افضل منه خامات و معالج وكارت شاشه فى حدود السعر ده ابدا
https://www.eg.jumia.com/IdeaPad-Z580A-15.6-86688.html
شكرا لرد حضرتك
والجهاز شكله حلو فعلا وامكانياته حلوة
هو طب وايه رأيك فى
Dell inspiron 7520
هل أقدر الاقى أمكانيات فيه زى بتاعة ال lenovo ويكون قريب من السعر دة؟؟
للاسف الديل دلوقتى سعره عالى عالفاضى النسخة الi5 منه عاملة 5900 ج والنسخة الi7 عاملة 7200المشاركة الأصلية كتبت بواسطة mohamed_mamdouh
يعنى فوق امكانياتك بكتير
تماااااااااااام ... شكرااا جدااا
العفو يا معلم وابقا طمنى كده عملت ايهتماااااااااااام ... شكرااا جدااا
لو عاوز لينوفو مقارب لامكانيات الديل 7520 عندك Lenovo Y 580 ونفس السعر تقريبا عامل 7000
شكرا لحضرتك
طب ال dell أحسن ولا ال lenovo
فى القدرة على التشغيل لفترات طويلة و عدم السخونية الزايدة؟
ولو عايز dell فى حدود 4000 أجيب ايه؟
شكرا لحضرتك
طب ال dell أحسن ولا ال lenovo
فى القدرة على التشغيل لفترات طويلة و عدم السخونية الزايدة؟
ولو عايز dell فى حدود 4000 أجيب ايه؟
انا واحد من الناس بحب اللينوفو جدا انا طالب واحد حتى وقدامه كام يوم ويوصل و الديل كويس بس الديل تاخد منه امكانيات متاخدش منه خامات
اسال اى حد معاه لينوفو اى موديل واى امكانيات هتلاقيه معاه بقاله 3 او 4 سنين و لسه زى ماهو
لكن الديل للاسف خاماتة عيانة ومش بتاع شغل وبهدلة باستثناء طبعا الديل 7520 لانه ده خاماته فعلا جامدة بس يعيبه ارتفاع سعره
لكن انا ملاحظ انك مقلق من اللينوفو عشان مش منتشر اوى وكده طبعا حقك لكن لو عاوز تجيب حاجة ديل فى حدود المبلغ قدامك
dell 5520 i5 او dell 5110 i7
او dell 5521 i5
وزى ما قلتلك الديل امكانيات جامدة لكن محتاج معاملة من نوع خاص لكن السونى و اللينوفو و التوشيبا امكانيات اقل بس خامات افضل
التعديل الأخير تم بواسطة kogi2010 ; 21-02-2013 الساعة 01:07
السلام عليكم اولا يا نجم الdell او lenovo من وجهه نظرى الاتنين تمام وانا واحد من الناس بفاضل الاتنين بس الليتوفو حمار شغل لاب ميقولش لالالالا
وdell برضو لاب تحفه بس من وحهه نظرى lenovo ثم dell
المفضلات