سؤال عن تعطيل الاكونتات بسبب عدم تسجيل الدخول لفترة طويلة

**Unknown_Dragon** · 26-02-2013, 00:25

السلام عليكم ورحمة الله وبركاته
اخوانى احتاج منك مساعدة
انا هكوت مشغول جدا جدا جدا الفترة القادمة لمدة اربعة اشهر و فى الفترة دى مش هتقدر ادخل على مواقع التورنت و لا افتحها حتى
يعنى مجرد الفتح حتى مستحيل و مينفعش خالص ولو حتى خمس دقايق مستحيل
بالاضافة الى ان الجهاز بتاعى خلاص روحه طلعت ومبقاش ينطق و حاولت معاه و خلاص هو سلم نمر و مش شغال نهائى و بالتالى مش هعرف افتح حاجة لحد اما اجيب جهاز جديد ان شاء الله بعد اربعى اشهر
يعنى مجرد تسجيل الدخول للتراكرات فى الفترة اللى جاية مستحيل

سؤالى بقى : ايه الحل دلوقتى لانكم زى ما انتوا عارفين التراكرات بتحذف الاكونات اللى مش بتدخل على الحساب و فترة اربعة اشهر طويلة جدا و كفيلة بانها تمحينى من اجدعها تراكر
فانا عايز الحل دلوقتى
هل ابعت للاستف بتاع التراكرات اقلهم ان انا هبقى مشغول و اقلهم انهم يعملولى Parking لفنرة
و هل لو عملت Parking الاكونت هيفضل فى الحفظ و الصون ولا شوية و هيخلعوه
و هل كل التراكرات بتعمل Parking للاكونتات
وهل هيصدقونى ولا هيقعدوا يعلمولى فيها مباحث
وهل لما اجى ارجع الاكونت Active هعرف
و هل ال parking ليه مدة هو كمان وبعدها الاكونت يتحذف
معلش اسألة كتير يس علشان عندى اكونتات كتيرة وحلوة و مواقع ممتازة ومنها مواقع نادرى صعبة تتعوض تانى الا بطلوع الروح
ولكم جزيل الشكر

**abosta** · 26-02-2013, 01:37

بص اغلب المواقع بتطلب منك الدخول على الاقل مره كل 3 شهور زى الليتش وبى تو بى وغيرها انك تعمل بارك للاكونت ده حل بس بردو كلم الستاف دايما على الاقل التراكرز الصعبه او اللى انت عامل عليها بفر كبير

**The Jocker** · 26-02-2013, 13:03

فى تراكرات عندها خاصيه ال parking
+
انت ممكن تكلم الاستف و تستفسر منهم عن المده اللى ممكن تغيب عنها على التراكر

**ahmed.elgamasy** · 26-02-2013, 15:08

وانت ممكن تسيبها لحد يفتحها مجرد الفتح بس انا لمات اروح الجيش حعمل كده

**Blak** · 28-02-2013, 23:19

نصيحة من أخ ليكم
متخلوش التورنت يشغل تفكيركم أكثر من الازم

كل مواقع التورنت تعتبر مواقع حقيرة فى نظرى و ملهاش أى قيمة
والسبب بسيط جدا , انى اى عضو يقدر يجيب اى موقع فى الدنيا عن طريق المال مهما كانت صعوبته
بدل ما الواحد يوقف حاله سنة او سنتين او زى حالاتى 6 سنين بسبب موقع او موقعين وفى الاخر نتكشف انى الموقع اقدر اجيبه بسهولة عن طريق المال

عرفتم ليه التورنت حقير مقابل المال
يا ريت الزمن يرجع بيا مكنتش افكر انى استنى بالشهور علشان اجيب الموقع ده والموقع ده واكتشفت انى غبى فى الاخر

**ahmed.elgamasy** · 01-03-2013, 00:44

والله عند حق الواحد عنده موقع او موقعين مكفين كل احتياجته سواء عربى او اجنبى ادور ليه على الصعب مع انه كله واحد ونفس الاشياء مع اختلاف بسيط بس هو صعوبه التسجيل فى بعص المواقع والناس تحس انها عندها حب التجميع مع ان الواحد عمره ما حيستخدم كل المواقع ده هو واحد او اتنين بالكتير