unboxing و مراجعة طفيفة لشاشة philips 227e3lh 21.5 inch

**the masked** · 08-03-2013, 16:46

السلام عليكم
انا اخوكم رمضان
دي اول مراجعة ليا في المنتدي
انا بصراحة مش بتاع الحاجات دي لكن المنتدي افادني كتير و لازم اشارك فيه
المراجعة للشاشة اللي ماحدش يعرف عنها حاجة و ماشفتش ليها مراجعات عربي خالص
PHILIPS 227E3LH 21 INCH

المواصفات

Screen size	22 inches
Panel type	TN
Resolution	1920 x 1080 pixels
Response time	2 ms
Inputs (HDMI / DVI / VGA / Component)	1 / 1 / 1 / 0
Other details	Speakers and headphone jack
Viewing angles (H/V)	170 ° / 160 °
3D	no

طيب قبل ان ادخل في المزايا و العيوب دي كام صورة كده للعلبة من برا اول ماجبتها و ال unboxing

صورة العلبة من برا

صورة للعلاف الداخلي

صورة لمحتويات العلبة

محتويات العلبة :
1.الشاشة
2.قاعدة الشاشة
3.كابل D-SUB
4.كابل AUDIO
5.كابل الباور

صورة الشاشة من الخلف

مداخل الشاشة المتاحة

صورة للشاشة من احد الجوانب

صورة المانيوال "الغريب" ..... و هانشرح بعدين ليه غريب

طيب هانبتدي في سرد المميزات و العيوب
انا معلش مش هاعرف اسرد كتير لاني مش خبرة
اولا المميزات :
1. قال لي الخبراء انها افضل شاشة FULL HD في قئتها السعرية "900 جنيه"
2. الشاشة رفيعة جدا من حيث السمك
3. الوانها طبيعية جدا .... ناس كتير بتحس لما بيكون عندها شاشة SRT الكبيرة و تجيب شاش LED ان الشاشة ال LED بيكون لوانها بهتانة شوية عن العادية الي ان يتعود عليها ..... لكن انا لاحظت العكس
الشاشة الوانها احسن بكتير من ال SRT
4. الشاشة فيها سماعات built in
ثانيا العيوب :
1.الشاشة ليها طبعا مدخل HDMI ..... لكن ما بيجيش معاها كابل HDMI مش فاهم ازاي يعني ..... الحمد لله ان كارت الشاشة جاي معاه كابل HDMI .... و طبعا كلنا عارفين ان اقل كابل من دول بحوالي 150 جنيه
2.المفروض ان ليها سوفت وير و تعريف optional يعني مش لازم اسطبه ..... ولكن .... انا ماعنديش CD-ROM .... و مالقيتش السوفتوير بتاعها اصلا خالص علي الموقع الرسمي ليهم ... قعدت ادور عليه يومين ...هوا اسمه PHILIPS SMART CONTROL لو حد لقاه يقولي الله يباركلكم
3. المانيوال ......... غريب الشكل اول مرة اشوف مانيوال مافيهوش كلمة ...... زي مايكون معمول للناس الخرس او اللي مابيعرفوش اي لغة و دي حاجة غريبة جدا ..... و برده مش ملم بكل اعدادت الشاشة ......
4.انا قعدت برده يومين احاول اعمل الشاشة FULL SCREEN و في الاخر طلع المشكلة من كارت الشاشة كان لازن اظبط ال SCALING بتاع الشاشة من ال CATALYST بتاع ATI و ده يدل علي ان الشاشة ماتعاملتش مع الكارت اوتوماتيك انا مش عارف ده عيب ولا كل الشاشت كده
علي العموم انا كمستخدم علي ... محب للالعاب برضه ...... اقدر اديها 3.5 من 5
اتمني تكون المراجعة مفيدة و تمام و مافيهاش حاجة غلط و عذرا لسوء جودة الصور لاني ماعنديش كاميرا محترمة
و شكرا

**SOFTGAME** · 08-03-2013, 17:00

يا ريت يكون ليها صور بعد تشغيلها حاسس ان المراجعة ناقصة حاجه :rolleyes:

**the masked** · 08-03-2013, 17:14

والله هاحاول اتصرف في كاميرا كويسة اصورها بيها
و برضه هيا UNBOXING اكتر منها مراجعة لاني مش قوي في الحاجات دي معلش بقي

**MOSAHADIDI** · 08-03-2013, 17:16

شكرااا لك اخي الكريم على الانبوكس الرائع....

اولا هناك خطا كتابي عندك الشاشات العاديه تسمى CRT وليس SRT...(ذكرتني بالسياره المفضله لدي JEEP SRT):D:D

وثانيا مش شرط الشاشه ان ياتي معاها كابل hd انا عندي شاشه lg 3d ولم ياتي معها كيبل hd....

وبالنسبه لل scaling الشاشه عندي برضو عملتلها مانيوال سكالينج مع كرتي القديم hd 7770 يعني الامر طبيعي...

وبالنسبه لبرنامج philips smart control نزلو من هنا https://www.portrait.com/dtune/phl/enu/upgrade.html

وبس اكمل الاختبار الامني وسينزل البرنامج مباشره باذن الله...

شكرااا لك مره اخرى وتم التقييم...:ah7:

**the masked** · 08-03-2013, 17:48

MOSAHADIDI الف شكر ليك يا صديقي و معلش بقي انا معلوماتي قليلة في الموضوع ده

**abdalla1234** · 08-03-2013, 18:06

اخواني حد يفيدني مامعنى scaling وكيف اطلعها من اعدادات كرت الشاشة وعندي كرت 7850

**the masked** · 09-03-2013, 02:12

بص يا سيدي دي حاجة انا حفيت علي ما عملتها
scalling يعني انتا "بتمط" الصورة لانها مع الشاشات ال HD اول مرة بتبقي الصورة مكرمشة و صغيرة .... بالرغم من ان الريسوليوشن مظبوط
هاتعمل الاتي
هاتفتح catalyst control center
تدخل علي disk top and displays
ثم my digital flat pannel
ثم scalling option )digital flat pannel)
هاتلاقي صورة شاشة و فوقيها بار
البار ده كل ما تحركه ناحية الصفر ... تلاقي الصورة بتكبر الي ان تكون full screen