المشاركة الأصلية كتبت بواسطة deplome
وعليكم السلامه ورحمه الله وبركاته
والله يا برنس هو انا لا مشرف ولا كنت مشرف ولا هكون مشرف
بس هقول رأيي في الحوار ده
مع احترامي الشديد لحضرتك
كل المواضيع او الافكار اللي انت بتتكلم فيها دي
اللي ينفع يتعمل منها معمول فعلا ومن زمان
ماشي عادي لو انت شايف حاجه تتعمل زياده اعمل وعيش وطلع مواهبك
بس ماتاجيش تقول للناس ادوني تقييم علشان انا بعمل
والله يا اخي اللي عاوز يعمل حاجه او اللي عنده علم عاوز يشارك الناس فيه
بيعمل الموضوع
والله خد تقييم خير
ماخدش تقييم
خير برضوا
الواحد المفروض يقول ان الموضوع مش قد كده
ناقص حاجه
مش منظم كويس
المفروض تطلع العيوب في مواضيعك وتحاول تظبطها بعد كده
مش تقول ع الناس اللي في المنتدي دول عالم ولاد ...... مش بيدوني تقييم
الحاجه اللي تستاهل التقييم عليها هتاخده
واللي ماتستاهلش خلاص
وحتي لو موضوعك او مشاركتك تستاهل التقييم
والعضو يا سيدي خد المعلومات اللي في الموضوع وخد تعبك ع الجاهز ومشي من غير ما يديك تقييم
ايه يعني ؟؟
هو انت عامل الموضوع علشان تاخد تقييمات وتترقي وتبقي عضو برونزي وذهبي ومش عارف مين ؟؟؟
المفروض ان المبدأ في الحكايه دي هو المشاركه
انت بتساعد الناس في التورنت مثلا
علشان لما تروح قسم الهارد وير تشتري كارت شاشه تلاقي اللي يرد علي اسئلتك ويعرفك كل حاجه
وهو الراجل بيرد عليك علشان لما يحتاج حاجه من قسم السوفت وير يلاقي اللي يرد عليه
الموضوع مشاركه فقط لا غير
لا هو ترقيات
ولا مشرفين واعضاء وصاحب المنتدي وصاحب الموقع
الموضوع مجرد معلومات عندك بتطلعها تفيد بيها الناس
بتتعرف علي ناس هما كمان هيساعدوك في يوم من الايام
وزي ما انت هتعلم الناس الجديده
ماتنساش انك انت نفسك في يوم كنت جديد ماكنتش تعرف حاجه وكنت بتدور علي مواضييع تقراها او ناس تسألها
لو كل واحد قال زيك كده انا مش هعمل علشان مافيش تشجيع وتقييم
ماكنتش انت لقيت حاجه تقراها
وماكنتش اتعلمت حاجه
وماكانش بقي عندك معلومات تعملهالنا في مواضيع اصلا
ده رأيي المتواضع
ياريت تاخده من غير زعل
اسف ع الرد الناشف
المفضلات