ممكن مساعده فى تامين شبكه النت من سرقه الوصلات؟؟؟

[roksen]

بسم الله الرحمن الرحيم
السلام عليكوم ورحمه الله وبركاته
انا عندى شبكه نت احنا 9 على خط 2 ميجا
كل شويه الاقى ناس بتجيب سويتش وتدخل ناس تانيه وانا معرفش ومش عارف احمى الموضوع ده ازاى
انا شوفت فى حاجه اسمها الميكروتك بس ده عايز جهاز كمبيوتر يشتغل سيرفر بس انا كنت عايز اعرف لو فى راوتر اقدر اجيبوا يبقى فى خصائص الميركوتك ويكون بيحط يوزرنيم وباسورد لكل مستخدم على النت
ياريت تساعدونى

[Ḿǿĥâmeḋ Ấḅḑ Ệlậẑiz]

ممكن تفصل عليهم ببرنامج net cut لو انت تعرف ip بتاع كل جهاز
و ممكن تجيب كيسة حقيرة كدة تعلملها سيرفر مايكروتك
و فى روتر link sys نازل جديد معاه سيرفر تحكم يعنى السيرفر داخل الروتر و تتحكم فيه عن طريق 192.168.1.1
بس مش فاكر الموديل بالظبط و سعره 400 ج
بس نصيحة : سيبك من الناس جيرانك دول و اللى يعمل معاك الحركة دة شيله من عندك و حسسه انه ولا حاجة و فى داهية ال 30 جنيه اللى بيدفعهم

[roksen]

شكرا ليك يا محمد على ردك بس فى ناس مبعرفش انهم عاملين كده كمان انا هكبرها وهنبقى 16 واحد فا عايز اعملها حاجه نظيفه
هو راوتر اللينك سيس ده بيعمل يوزر نيم وباصورد لكل مستخدم يدخل على النت ؟؟؟
وكمان عايز اعرف لو فى مستخدم معاه اليوزرنيم بتاعه يقدر يدخل على جهازين بنفس اليوزرنيم ؟؟؟؟

[Ḿǿĥâmeḋ Ấḅḑ Ệlậẑiz]

اه بيبقى مقسم يوزرات حضرتك تقدر تتحكم فيها
و اليوزر نيم يشغل جهاز واحد فقط استحالة يشغل جهازين

[roksen]

شكرا ليك يا محمد وانا هنزل اشوف الراوتر ده وياارب الاقيه

[MaHmOuD ZeRo]

سيرفر الميكروتك جااااااااامد برضوا

[حماده شبرا]

السلام عليكم ورحمة الله وبركاته

بدون ما تكلف نفسك تمن سيرفر انت كل مشكلتك ايه انك عايز محدش يحط وصلة زيادة على اجهزة بدون ما انت تعرف لا يا عم بسيطه انت هتدخل على صفحة الروتر وهتعمل اللى هقولك عليه دلوقتي ركز معايا يا ريس :-

1 - هتخش على dhcp سيرفر وهتلاقيه عندك بيبدء مثلا 192.168.1.1 الى 254 انت بقي عد انت عندك كام جهاز فى الشبكة مثلا 15 جهاز بالجاز بتاعك يبقي غير رقم ال 254 ده وخليه 16 هتقولي ليه 16 منا بقولك 15 واحد بيا هقولك عشان اول رقم ده محجوز للروتر

2- تخش على جهاز كل واحد سواء بقي هو يجبلك جهازه انت تروحله وتاخد من على جهازه حاجة اسمها mac adress ده عنوان كارت النت بتاعه وده عمره ما بيتشابه مع كارت تاني طيب ازاي تجيبه خش على جهاز كل واحد وادخل run وبعدها اكتب cmd هيفتح لك شاشة الدوس شاشة سمرا كده اكتب فيها الامر ده اسمه getmac هيديك مجموعة ارقم وحروف كده خدهم عندك فى ورقة تمام كده

3- هتروح على صفحة الروتر هتلاقي كلمة reservation ودي معناها حجز هتحز لكل ماك ip هتكتب مثلا اول شخص الماك بتاعه كذا مثلا 0d:5f:sd:7s هتكتب جنبه ip مثلا 192.168.1.2 وهكذا لحد ما تظبط الناس كلها وعلى فكرة فى الخطوة بتاعت ل dhcp server ممكن اصلا تعمله Disable يعني توقفه وبكده انت اللى هتحط للناس ips بايدك كمان لو حبيت يعني بص تحكم فى الناس اللي معاك فى كل شىء حتي كمان فى الايبهات وخلي بالك من مميزات الطريقة دي ان لو هو واخد منك كابل انترنت وعنده لاب توب فى البيت غير الجهاز اللى انت واخد منه الماك بتاعه مش هيعرف يخش على النت

واي سؤال انا فى الخدمة