يااااااه كل دي مشاهدات، مع ان محدش حتى دعالي ان ربنا يوفقني، بس الله المستعان، ان شاء الله اكيد في حد هيرد عليا
السلام عليكم ورحمة الله وبركاته
عندي مشكلة لم أعهدها من قبل، وأسأل الله عز وجل انكم تساعدوني
عندي راوتر تي داتا موديل echolife hg520b وايرلس، ومشترك في خدمة ستاتيك اي بي
لحد هنا حلو
والوايرلس شغال تمام وكل حاجة الحمد لله
جيت بقى عايز اوسع شوية في المدى بتاع الوايرلس، أعمل إيه؟! صح ، روحت جبت 2 أكسس بوينت TP-Link موديل WA801N، وصلت الأكسس رقم 1 كأسس بوينت بسلك يعني مع الراوتر يشتغل تمام وزي الفل، طيب دلوقتي عايز اوسع المدى، يبقى أحط الأكسس التاني يونيفرسال ربيتر مع الأكسس الأول، تمام كدة، المشكلة بقى بعد الرغي ده كله يا رغاي، إن بعد كل ده وبعد ضبط الإعدادات آجي في المدى بتاع الأكسس رقم 2 ألاقي على إشارة النت مديني المثلث الأصفر اللي فيه علامة تعجب، حد يقولي ليه، هتجنن، جربت أكتر من أكسس على الوضع ده، مش عارف ليه، عملت كل حاجة، خليت الأكسسين من غير سكيورتي خالص، ولغيت الجيت واي بتاع الأكسس الأول والثاني وخليته اصفار، dhcp في الأكسسات مقفول، حد يقولي اعمل ايه، أنقذوني، شغلي كله متعطل جامد، والله اللي هيساعدني هدعيله.
التعديل الأخير تم بواسطة salem osama ; 01-05-2013 الساعة 14:38
يااااااه كل دي مشاهدات، مع ان محدش حتى دعالي ان ربنا يوفقني، بس الله المستعان، ان شاء الله اكيد في حد هيرد عليا
لماذا تبخلوا علينا بالردود، أوسع الله عليكم، أنا أعتقد أن الأمر بإذن الله بسيط بالنسبة لكثير منكم إن شاء الله، أجيبوني بالله علكيم
أخي نري تفاصيل أكثر
هل الرواتر شغال والاتصال بنت شغال هل زبطت إعدادت الأكسس بوينت بطريقة صحيحة
هل جربت أكثر من حاسوب ولم يتصل
وأعطينا إعدادت الرواتر والأكسس بوينت
جزاك الله خيرا على الرد والاهتمام
متأسف اني اختصرت في التفسير
أولا الأكسس رقم واحد، اعداداته كالتاليqss: disabledبالنسبة بقى للراوتر
network type: static ip
ip adress: 192.168.1.11
subnet mask: 255.255.255.0
gateway: 0.0.0.0
جربت اكتب في gateway رقم الراوتر اللي هو 192.168.1.1 مفرقتش في حاجة
operation mode: access point
channel: auto
جربت اخليه القناة نفس القناة بتاعت الراوتر اللي هي (1) أو أخليها مثلاً (2) واخلي الأكسس الثاني على نفس قناة الأكسس الأول لكن برضه مفيش فايدة
mode: 11bgn mixed
channel width: 20/40mhz
Enable Wireless Radio
Enable SSID Broadcast
الاتنين متعلم عليهم صح
security: disabled
dhcp: disabled
لو في حاجة نقصاني أرجوك صححلي
الحاجة اللي فيه كتيرة أوي
والنت شغال تمام على الوايرلس بتاعه
وعلى الأكسس بوينت رقم واحد اللي هو متوصل معاه بسلك
لكن لما آجي أوصل أكسس تاني سواء يونيفرسال ربيتر مع الأكسس الأول أو حتى أوصل أكسس تاني على بورت تاني في الراوتر على أنه أكسس بوينت برضه، واحد فيهم مبيشتغلش
إن شاء الله هنعرف الحل
بس في ملحوظة
هل المشكلة في راوتر تي داتا نفسه (يعني النوع ده مبيقبلش ربيت) ولا المشكلة في الآي بي الديناميك اللي في الراوتر بيعمل مشاكل مع الربيت، أنا بخمن وبحاول أشرح اللي مدوخني
ربنا يباركلكم، ساعدوني ربنا يخليكم
جرب هذه الخطوات وأخبرني بالنتيجة
https://crazy-eng.com/350/
جزاك الله خير الجزاء
هجرب بعد صلاة العصر إن شاء الله وهقولك
جربت كل اللي فات، بس عملت حاجة جديدة:
طبعا بعد ما المحاولات فشلت كلها والحمد لله وحده
جربت أعمل كبل بين الأكسس الأول والراوتر اللي مزهقني ده بس كابل كروس على أكسس مود
الحمد لله اشتغل تمام
بس في مشكلة برضه، اعمل عليه ربيت من أكسس تاني، يشغل جهاز واحد بس، والباقي مش عايز يشتغل خالص، يديني برضه العلامة الصفراء، جبت أكسس يدعم wds repeater اشتغل تمام بس برضه في حتة استهبال.
ولما أجرب أعمل على الأكسس التاني ربيت برضه ميشتغل، والشبكة بقى بعيد عنك عمالة الإشارة راحة جاية شرطتين وبعد ثلاث دقائق اربع شرط وأحيانا كاملة، مع العلم اني قاعد جنب الأكسس بتفرج عليه، إيه رأيكم بقى، وبالخصوص أنا متشكر جدًا abo_omar100 علشان تعب معايا أوي وهمتكم معانا ربنا يعينكم، أما نشوف أخرتها إيه مع تي داتا، على فكرة، أنا مستعد أغير الراوتر بأي نوع تاني، بس المشكلة عند الست هانم تي داتا علشان اشغل ديناميك IP مع استاتيك IP لازم يكون على الأقل عندي راوتر تومسون أو ثري كوم V-Lan ولا ده موجود في السوق ولا التاني بعيد عنكم، وطبعا مفيش غير راوتر تي داتا، الاحتكار بعينه، يعني هتشتري الراوتر بتاعنا هتشتريه، لو حد عنده أي حل في الموضوع ده يقولي الله يباركلكم، وفي انتظار الردود
بقولكم ايه يا جماعة في سؤالين، ممكن الموضوع يكون متعلق بـ dhcp بتاع الراوتر، ولا يكون الموضوع متعلق بإن الأكسس من نوع N والراوتر من النوع G؟ ولا دي حاجة متفرقش إن يكون نوع الأكسس مختلف عن نوع الراوتر، أديني بكلم نفسي لحد ما حد يرد عليا.:ah24:
جزاكم الله خيرًا أجمعين، أهداني الله إلى نصف الحل، ألا وهو: توصيل كابل بين الراوتر وبين الأكسس الأول بس يكون كابل كروس، والحمد لله الأكسسات اشتغلت بنسبة تقريبًا 80% كويسة، أفضل من مفيش خالص، وربنا يباركلكم، واللي عنده أي معلومة لا يبخل علينا، علمنا الله وإياكم ما ينفعنا ولا يضرنا
المفضلات