اية نوع المعالج
فك المروحة وقم بتركيبها مرة بعد تغير المعجون
الجهاز بتاع ابنى الصغير للالعاب( تم الشراء يوم الخميس 9-5-2013) والمعالج على يورده
msi fm2 a75ma e35
4 g ram
درجة الحرارة القصوى للمعالج maximum processor temp = 74c
زى الصور ديه
درجة الحرارة المعالج من الداخل tjunction بتوصل ( كما بالصورة لغاية 100 درجة )( لو هى ديه المقصوده بدرجة الحرارة القصوى يبقى البقاء لله )
بينما درجة الحرارة بتاعة سطح المعالج tcase هى 62 درجة
ملحوظه درجات الحرارة الى فوق ديه بعد الضغط على الجهاز ببرنامج prime95
السؤال هو ما هو المقصود بدرجة الحرارة القصوى ( الى هى فى حالة المعالج ده 74c ) هل هى tcase أم tjunction؟
انا عاوز اعرف عشان لو البروسيسور فيه مشكلة ارتفاع درجة حرارة استبدله قبل 14 يوم وللأسف خبرتى فى الامور ديه بسيطة خالص
وجزاكم الله خيرا
اية نوع المعالج
فك المروحة وقم بتركيبها مرة بعد تغير المعجون
المعالج amd a10 5800k
إن شاء الله بكرة افك المروحة واركبها تانى
بس هل حضرتك عندك إجابة للسؤال الى سالته بخصوص الرقم الى بتعلنة intel او amd على أنه درحة الحرارة القصوى فهل بيقى tcase أم tjunction؟
جزاك الله خيرا على الاهتمام
TCASE Max بتكون اقصي درجة حرارة بيصل ليها السنسورTCASE Max is the maximum temperature that the TCASE sensor should reach. Both TCASE and the thermal specification information can be found on the web site.
.Tjunction Max is the maximum temperature the cores can reach before thermal throttling is activated. Thermal throttling happens when the processor exceeds the maximum temperature. The processor shuts itself off in order to prevent permanent damage
Tjunction Max دي اقصي درجة حرارة بيصل ليها الكور قبل ان يقوم المتحكم بغلق البرسسور لعدم حدوث ضرر دائم في الجهاز
الافضل تقيس الحرارة من داخل البيوس بتكون ادق او ببرنامج core temp
اية اخبار الحرارة بعد تضيف المروحة
t junction ma دي المفروض انها اقصي درجة حرارة يصل ليها المعالج قبل ما يغلق منعا للضرر
درجة حرارة المعالج 62 مع الضغط جيدة بالنسبة للمروحة القياسية لو تريد حرارة اقل يبقي لازم تبريد احترافيللأسف اخى الكريم
شلت المعالج وركبته تانى -بعد تغير المعجون -ومازال الوضع كما هو
سؤال مهم هل قمت بكسر المعالج يرايت صورة لاول تبويب ببرنامج cpu z ودرجة الحرارة من علي core temp
اولا المقصود في الحرارة القصوى المكتوبة على موقع الشركة هو سطح المعالج
اريد منك ان تقوم بفك المشتت وتنضيفه من المعجون القديم بقطعة قماش مبللة بالكحول ومن ثم تقوم بوضع معجون جديد بحجم حبة الارز بمنتصف
المعالج ومن ثم تقوم بتركيب المشتت بطريقة محكمة وتتاكد انه لا يتحرك من اي زاوية ( مع اني اشك ان سبب الحرارة الان هو تركيب المشتت الخاطئ )
ومن ثم تقوم بتحميل اخر اصدار من HWMONTOR وتقوم بالضغط على المعالج لمدة 10 دقائق وتقوم برفع صورة للحرارة قبل ايقاف الضغط
ملاحظة : لا تقم بفتح اكثر من برنامج لقياس الحرارة حتى لا تضهر نتائج خاطئة
درجة الحرارة طبيعية مع الضغط ولا توجد مشكلة حيث أن معالجات AMD تميل لإرتفاع درجة حرارتها بشكل سريع وكبير
لدى المعالج AMD FX-6300 وتصل درجة حرارته مع الألعاب إلى 62 درجة فما باللك بالضغط هيوصل كام ؟
كثرة فك المروحة وتنظيفها ربما تتلفها
دع الأمور كما هى عليه أفضل أو إستخدم تبريد إحترافى
- بعد عمل كل التجارب الى الاخوة تفضلوا بيها ناصحين .... نفس النتيجة
رحت التوكيل والمهندس محترم جدا وجرب التجارب الأتية
- جاب باور سبلاى من عنده وجرب بيه .... نفس النتيجة
- جاب بروسيسور من عنده جرب بيه ... نفس ا لنتيجة
- خد البروسيسور بتاعى جربه على بورده ثانية .... نفس النتيجة
- غير المعجون بمعجون احترافى من عنده ( اسمه مش عارف حاجة 75 او 72 ) وقفل البورده وجرب تانى .... نفس النتيجة
قالى فى الاخر "عموما اضغط على الجهاز فى الاستخدام لفترة واى حاجة تحصل تعالى وانا اغيرلك اى حاجة فيها تبوظ - بروسيسور او بورده ( الاثنين من عندهم ) وأنت واقف "
معتقدش المهندس المحترم ده -جزاه الله خير-( اسمه المهندس علاء ) يقدر يعمل اكتر من كده
الى ما اتغيرتش فى القصة ديه
- برنامج HWMonitor_x32 - ( الى هو اخر اصدار من موقع البرنامج )
- ونسخة الويندوز
- وأنا شخصيا
مفيش باقى غير الاحتمالات الثلاثة دول وانا ارجح الاحتمال الثالث
وانا مروح عديت على شركة ماكسميم وقلوتلهم ( الى ماسك الفرع فى المهندسين اسمه أ - حسن ) الى حصل وقالى برضه وبمنتهى الذوق " اضغط على الجهاز واى حاجة تحصل الجهاز بتاعنا "
محصلة المشوار نسبت كبل الساتا فى التوكيل - جبت واحد تقليد عشان ما اضربش المشوار ده تانى من المعادى للمهندسين - ولم استفد اى حاجة الا أنى قابلت الشخصتين المحترمين دول
جزاك الله خيرا على اهتامك وفعلا مفيش امامى غير كده
التعديل الأخير تم بواسطة zkralla ; 16-05-2013 الساعة 14:33
اخي الكريم حرارة المعالج ( سطح المعالج ) جيدة تصل الى 62 درجة مع الضغط جيد جدا
ولكني اشك في قرائة packag اتوقع ان تكون خاطئة من اللوحة الام
دامئا مع معالجات AMD لا نتهم لحرارة الانوية وانما لحرارة سطح المعالج وهي لديك جيدة استخدم الجهاز بدون مشكلة واذا حدث اي
شيء اعلمنا مع اني اشك في ذلك
أخى تأكد من أن درجة حرارة الغرفة جيدة لأن درجة الحرارة فى مصر مرتفعة الاَن وستؤدى لأرتفاع درجة حرارة المعالج كأنه مضغوط عليه
ولتقليل درجة الحرارة :
إذا كانت الكيسة غير إحترافية قم بفتح جانب الكيسة الأيسر وأتركه مفتوح لتهوية الكيسة بشكل أفضل وقم بتشغيل مروحة بالقرب من الكيسة للتهوية عليك وعلى الكيسة
وإذا كانت الكيسة بتبريد أحترافى تأكد من وجود مروحة خلفية كبيرة لطرد الهواء الساخن ومروحة بأسفل الكيسة من الأمام لأدخال الهواء بأستمرار للكيسة بالداخل.
المفضلات