مشكلة عجزت عن حلها منذ سنة في راوتر تي بي لينك و مودم aztech

[sudden_xxx]

انا عندي مشكلة دايخ عليها بقالي سنة و دورت في كل الانترنت بس الحلول ما جابتش نتيجة معايا

عندي راوتر تي بي لينك قديم TD 8816 و شغال كويس معايا .. و عندي مودم aztech hw550-3g كنت من سنة بوصل عادي وصلة بين الراوتر و المودم و كان بيشتغل عادي و بيوزع وايرليس .. دلوقتي المشكلة الراوتر مش قاري المودم خالص .. عملت له ريسيت و ضبطه تاني انه يشتغل WAN يعني . برده مفيش فايدة .. لمبة الانترنت في المودم بترعش كل دقيقة بس و كأنه مش حاسس بالراوتر .. و الراوتر شغال عادي جدا .. بالله عليكم ايه الحل؟ انا دورت كتير و قريت اني اغير في DHCP في اعدادات الراوتر بس برده مفيش حاجة .. عملت باور سايكل و برده مفيش فايدة المودم مش قاري الراوتر و الراوتر لمبة LAN اللي فيه برده مش منورة و مش حاسس بالمودم .. غيرت الايبيه بتاع المودم و الساب ماسك برده مفيش حاجة .. ما الحل؟

[sudden_xxx]

بالله عليكم حد يساعدني

[memoragaa]

جربت تغير الكابل اللى ما بين الراوتر والموديم
جرب وشوف وعرفنى بالنتيجة

[sudden_xxx]

جربت تغير الكابل اللى ما بين الراوتر والموديم
جرب وشوف وعرفنى بالنتيجة

غيرته يا باشا و برده مفيش فايدة مش لاقط خالص للاسف مفيش انترنت برده وصل للمودم خالص و لمبة الانترنت فيه بتشتغل و تطفي كل نص دقيقة بترعش بس .. و لمبة LAN في الراوتر مش قايدة خالص و كانه مش حاسس بالمودم .. و فعلا دخلت و قفلت DHCP و عملته static ip و كمان خليت الراوتر بريدج و عملت المودم PPOE و كتبت يوزر النت و الباسورد و برده مفيش فايدة

ايه الحل الله يرضى عليك

[wild cat]

جرب المودم عند واحد صديقك مثلا لو نفس القصه مستمره يبقى اكيد المودم فيه مشكله

Sent from my GT-N7100 using Tapatalk 4 Beta

[memoragaa]

طيب سؤال صغير للتأكيد بس جربت تركب كابل ما بين الكمبوتر والراوتر مباشرة والنت اشتغل ولمبة LAN نورت ولا لأه
لو اشتغل تمام جرب تركب كابل ما بين الكمبيوتر والموديم وشوف لمبة LAN فى الكمبيوتر هتنور ولا لأه علشان تتأكد ان Hardware تمام والمشكلة فى ال Software وطبعا انت بتركب كابل Cross ما بين الراوتر والموديم صح ؟

[sudden_xxx]

طيب سؤال صغير للتأكيد بس جربت تركب كابل ما بين الكمبوتر والراوتر مباشرة والنت اشتغل ولمبة LAN نورت ولا لأه
لو اشتغل تمام جرب تركب كابل ما بين الكمبيوتر والموديم وشوف لمبة LAN فى الكمبيوتر هتنور ولا لأه علشان تتأكد ان Hardware تمام والمشكلة فى ال Software وطبعا انت بتركب كابل Cross ما بين الراوتر والموديم صح ؟

كابل كروس ؟ الف الف شكر يا باشا ما خدتش بالي من النقطة دي .. اشتغل الحمدلله يا كبير ربنا يبارك فيك

[memoragaa]

لا شكر على واجب تحت امرك فى اى حاجة

[mohamedashour70]

هو انتا اصلا محتاج المودم فى ايه؟