رأيكم في GIGABYTE G1.Assassin / LGA 1366 ! ؟

**Sir-Mando** · 27-05-2013, 17:27

السلام عليكم !
ما رايكم في هذه الماذر بورد ! اذا ركب عليها معالج FX AMD 8350 ! ? للإستخدام الكثيف في الالعاب والتصميم ! ؟
وهل تسمح بتركيب مشتت ! احترافي + بطاقة صوت ! ؟

**unexpected** · 27-05-2013, 18:45

وعليكم السلام
اللوحة GIGABYTE G1.Assassin هي لمعالجات انتل I7 اول جيل صدر بسوكت 1366
والمعالج المذكور في الموضوع هو معالج لشركة AMD ولا تستطيع تركيبة على هذة اللوحة
وتحتاج للوحة من AMD لكي تتوافق مع المعالج

**M o h a m a d** · 27-05-2013, 20:01

وعليكم السلام
مع معالج FX AMD 8350 تحتاج الى لوحة بسوكت+AM3

**Sir-Mando** · 28-05-2013, 02:09

زي ايه طيب ! ؟ ما هي الماذر التي تنتمي لهذا المعالج وتكون جيدة جداً واستخدامي براج تصميم والعاب !

**Haythamovic** · 28-05-2013, 02:13

في عندك ماذربورد Asus M5a99X EVO R2.0 socket AM3+ ب 1125

**Sir-Mando** · 28-05-2013, 03:08

ايه الفرق بينها وبين الجيجابايت مفيش حاجة جيجا بايت تركب عليها يعني ال z77 وايه الفرق بين السعر في اللوح الام ! ؟

**kingtifass** · 28-05-2013, 03:13

المشاركة الأصلية كتبت بواسطة Sir-Mando

ايه الفرق بينها وبين الجيجابايت مفيش حاجة جيجا بايت تركب عليها يعني ال z77 وايه الفرق بين السعر في اللوح الام ! ؟

بورد بشريحة Z77 بشتغل معالجات انتل فقط الجيل التانى والتالت بسوكت 1155 زى معالجات I7 3770K & I7 3770& I5 3570K & I5 3570 الخ

اما معالج FX 8350 بيشتغل على بوره بسوكت +AM3

**Sir-Mando** · 28-05-2013, 03:19

المشاركة الأصلية كتبت بواسطة kingtifass

بورد بشريحة Z77 بشتغل معالجات انتل فقط الجيل التانى والتالت بسوكت 1155 زى معالجات I7 3770K & I7 3770& I5 3570K & I5 3570 الخ

اما معالج FX 8350 بيشتغل على بوره بسوكت +AM3

تمام

هل فرق السعر في الماذر بوردات يكون بسبب القدرة علي كسر السسرعة !
لو كده ممكن اجيب ال I i7 3770 + GTX 660 + لوح ام لا تدعم كسر السرعة وفي نفس الوقت تكون ممتازة ! لان انا كنت اختارت G1 assasin لقيتها شكلها حلو ! يعني اي حاجة معنديش معايير ! معينة !
فما رأيك؟ ! وهل المعالج بدون كر السرعة هيبقي افضل من ال AMD ولا اخليني علي ال AMD مع كارت ال HD 7870 علما ان استخدامي تصميم + العاب ! والتصميم (برامج ثقيلة ) واي لوحة بسوكيت am3+ بغض النظر اني معرفتش حتي لو هجيب لوحة +AM3 ففيه مليون واحدة ف ايه الفرق بين اسعارهم ! ؟ هل كسر السرعة كما ذكرت ! ؟

**Haythamovic** · 28-05-2013, 03:28

انا مش عارف اركز معاك انتا فاتح كام موضوع ؟؟ :D

**unexpected** · 28-05-2013, 03:43

المشاركة الأصلية كتبت بواسطة Sir-Mando

تمام

هل فرق السعر في الماذر بوردات يكون بسبب القدرة علي كسر السسرعة !
لو كده ممكن اجيب ال I i7 3770 + GTX 660 + لوح ام لا تدعم كسر السرعة وفي نفس الوقت تكون ممتازة ! لان انا كنت اختارت G1 assasin لقيتها شكلها حلو ! يعني اي حاجة معنديش معايير ! معينة !
فما رأيك؟ ! وهل المعالج بدون كر السرعة هيبقي افضل من ال AMD ولا اخليني علي ال AMD مع كارت ال HD 7870 علما ان استخدامي تصميم + العاب ! والتصميم (برامج ثقيلة ) واي لوحة بسوكيت am3+ بغض النظر اني معرفتش حتي لو هجيب لوحة +AM3 ففيه مليون واحدة ف ايه الفرق بين اسعارهم ! ؟ هل كسر السرعة كما ذكرت ! ؟

اخي تم الرد عليك في ذلك الموضوع ومن رايي افتخ موضوع في قسم تجميع الاجهزة

**Sir-Mando** · 28-05-2013, 04:00

المشاركة الأصلية كتبت بواسطة Ữńếẋṕếčťẽđ

اخي تم الرد عليك في ذلك الموضوع ومن رايي افتخ موضوع في قسم تجميع الاجهزة

اشكرك علي الإهتمام !
ولكن الرد يكون بدون تفسير واضح للسائل ! فقط جملة غامضة لذلك تكون كثرة اسئلتي ليس الا !
وعل كل !
شكراً !

**ahmed601** · 28-05-2013, 09:59

المشاركة الأصلية كتبت بواسطة Sir-Mando

ايه الفرق بينها وبين الجيجابايت مفيش حاجة جيجا بايت تركب عليها يعني ال z77 وايه الفرق بين السعر في اللوح الام ! ؟

Z77 دة كنترولر فى المذربورد اسمه الحقيقى intel z77 فا شى طبيعى لا يدعم AMD لانها شركة اخرى

**Sir-Mando** · 28-05-2013, 11:49

ايه رايك في الماذر بورد دي !
SABERTOOTH Z77

ام هذه ! ؟

GA-Z77X-UD3H

**Sir-Mando** · 28-05-2013, 12:01

المشاركة الأصلية كتبت بواسطة ahmed601

Z77 دة كنترولر فى المذربورد اسمه الحقيقى intel z77 فا شى طبيعى لا يدعم AMD لانها شركة اخرى

طيب حلو الكلام !
لو انا هجيب معالج انتل I7 3770 ! + لوحة ام
اختار اي واحدة من دول
SABERTOOTH Z77

ام هذه ! ؟
GA-Z77X-UD3H

وف حين اختارت ال AMD FX 8-350 اختار اي لوحة !

Asus M5a99X EVO R2.0 socket AM3

ام
GA-970A-UD3 (rev. 1.2)

لا اعلم من الافضل في عالم اللوح الام جيجا بايت ام اسوس ! وانا اريد شراء لوحة ام بها كارت صوت جيد + حفظ الطاقة يد فيها ! يعني لوحة ام تقدر تشيل المعالج 3770 او ال fx 8350 وتستحمل الضغط !
ومتبقاش اي كلام ! يعني لا تقل عن 1000 جنيه لان في وجهة نظري كلما اتع السعر كانت آداء افضل وخصائصها افضل ! ولهذا رشحت كذا واحدة من الشركتين فما رأيكم !

**kingtifass** · 28-05-2013, 12:29

ياريس زى مارديت عليك فى الموضوع التانى
فى القسم هنا هتعرف اكتر عن المعالجات والبورد عشان تعرف هتحدد هتجيب انتل ولا AMD وبقى عشان تحدد التجميعة النهائية , بنصحك عمل موضوع فى قسم نصائح تجميع الاجهزة , زى ما قلتلك فى الموضوع الاخر

تانى شئ ردا على استفسارك , زى ما قلتلك فى الاول هتعرف تجيب I7 يبقى ده الخييار الاول , وادامك 3 خيارات الان
1- تجيب معالج 3770K وماذربورد بشريحة Z77 على الاقل فى حدود 1000 جنيه , وهتستفيد من كسر سرعة المعالج , ولازم تجيب مروحة كويسة للمعالج لو هتكسر سرعته
2- تجيب نسخة عادية 3770 وماذربورد فى حدود 500 جنيه , وادائها كويس وملهاش علاقة ان سعرها كده ,
3- لوملكش فى الكسر و عايز ماذبورد بشريحة z77 يبقى هات 3770 العادى وماذربورد بشريحة z77
اما بانسبة للفرق مابين Asus , Gigabyte , ٌٍِASRock ف دى راحة شخصية لاى من الشركتين بالضافة للميزات ورفاهيات تميز احداهما عن الاخرى , يعنى شوف اللى تعجبك وهاتها بس اسال على ادائها قبل ما تجيب عشان تعرف كل حاجة عنها

ده لو هتتجه لانتل , لو هتجيب AMD يبقى خد معالج 8350 ومعاه ماذربورد بسوكت +AM3 وبرضه الفرق بين اشركات المصنعة على حسب ميزانية وراحة الشخص ومميزاتها

ف زى مابقلك حدد انت هتجيب انتل ولا AMD على حسب ميزانيتك , وبعد ماتقرر افتح موضوع فى قسم نصايح والاعضاء هناك هيكتبولك تجميعة مناسبة على حسب ميزانيتك سواء Intel او AMD