ينقل الى القسم الصحيح
لو سمحتم كنت عايز اشتري شاشة LG 3D
42 بوصة ومش عارف اجيب انهي موديل
في قدامى مودلين
LM5800
والتانى
LA6130
ياريت تفيدونى وشكرا
استاذ TERGAAA
انا شفتك ما شاء الله عندك خبرة في جميع انواع الشاشات
وعندك الردود الوافية الناهية في كل المواضيع المتعلقة بالشاشات
فياريت ترد عليا وتفهمنى بقا وتخلصنى من حيرتى لان الفلوس قربت تتصرف
زي ما انا موضح فوق ان عايز اجيب شاشة 3D 42 LG
ومش عارف اجيب موديل ايه
انا معنديش مشكلة اجيب حاجة اعلى لو الفرق في الفلوس بسيط
وكمان انا فكرت كتير انى الغى موضوع ال 3D خالص
واجيب واحدة بلازما LG
50 بوصة لانى شفت صورتها جمب LED ما حستش بفرق خالص
يعنى كنت متعود ان شاشات البلازما لما تتحط جمب الليد بيبقا صورتها زبالة
لكن البلازما ال LG ما شاء الله صورتها جامدة
المهم عايز اعرف اجيب موديل ايه في الـ 3D
ورايك ايه في الشاشات البلازما LG
صورتها فعلا كويسة زي ما شرحت ولا لا
كنت هجيب lm5800 وبعدين ناس قالتلى في مشكلة في الصوت ساعات بيفصل
ولازم تحول صيغة الصوت بتاع الافلام
قولت بلاش منها خالص لقيت موديل la6130
وعاملة 4900
كنت هجيبها خلاص لقيت الهرتز بتاعها بصيغة mci اوmcu
حاجة زي كده يعنى المهم انها 100 هرتز ومخارج الـ 5800 اكتر منها
فا مش عارف اجيب ايه بصراحة الموديلات كتير
ومش لاقى حد فاهم يفيد الواحد وشكرا
وفي لسه موديل نازل جديد LA6210
معرفش عنه اى معلومات
LG 42LA6210 42 inch Cinema 3D Smart LED LCD HDTV
ده افضل واحدث من 5800 والهرتز بتاعو 240 ولسه صاحبي شاريه النهارده من التوكيل ب 5400
توكيل LG والشراء كان في الاسكندريه
اهلا بيك اخى الكريم
واعزرنى على التأخير فى الرد نظرا لدخولى المتقطع بسبب المذاكرة والامتحانات
بالنسبة لو حضرتك ناوى على شاشة بتقنية 3D
ارشحلك الشاشة دى لا غبار ليها من كل شىء ممتازة
LG Cinema 3D 42LM6610 42 inch 3D Smart LED LCD HDTV
سعرها 6990
وبالنسبة لشاشة ايضا دىLG Cinema 3D 42LM5800 42 inch 3D LED LCD HDTV + 5 Glasses سعرها 4990
الشاشة جيدة جدا ولكن اذا كان فى استطاعتك شراء الشاشة الاولى يكون افضل
...........
بالنسبة لرأى عن تقنية 3D
والله هيا بتجيب صداع ودة معروف ومأخرا ظهرت نتائج واخبار عن تصريح بعض الشركات الكبرى ان التقنية بتأثر على الاطفال وليها اعراض جانبية كتير
مثل الصداع الدوخة الصرع
لكن بعض الاشخاص المقربين لــى جربو الشاشة باستخدام علمى وهيا راحة بعد كل نص ساعة من مشاهدة بالتقنية 3D
لكن لو حضرتك عايز تجبيها وتبقى جربت التقنية وعايز تشغلها متشغلها اهية التقنية موجودة عندك وتجربها وقت ما تحب
...........................
وبالنسبة لو حضرتك ناوى تبعد عن تقنية 3D
ارشحلك الشاشة دى
LG 42LS5700 42 inch LED LCD HDTV السعر 5290
ودى ايضا
Samsung 42EH5300
تحياتى
بص يا باشا وحد الله
اولا انا عايز اجيب 3d
ثانيا الشاشة الاولانية دي متاكد انها كويسة بس غالية اوي عليا
الشاشة التانية بقا سمعت انها فيها مشاكل في الصوت وساعات بتقطع
كده يبقي في شاشتين قدامي
الشاشة الاولى وهيا LA6130 ودي عاملة 4900
بس دي اللى قالقنى منها انها الهرتز بتاعها 100 MCI وفي شركة LG قالولى يعنى 100 هرتز
وناس كتير قالولى بدام 100 تبقى قليلة
الشاشة التانية وهيا موديل جديد اسمه LA6210
ودي عاملة 5490
ودي الهرتز بتاعها 240 وسمارت وكويسة
فا لو 6130 دي هتبقى كويسة ومش هيفرق معانا ال 100 هرتز ويبقى وفرنا 500 جنيه ماشي نجيبها
لو مش كويسة نجيب 6210
ولو فكرت اسيب الثري دي هسيبه عشان اجيب 50 بوصة
هجيب بلازما 50 بوصة
انا شفت صورتها وما شاء الله صورة محترمة غير البلازما بتاعة سامسونج والشركات التانية
فا قولى رأيك بقا بالنسبة للموديلات اللى انا قولتها وبالنسبة للبلازما برضو
وشكرااااا
6610 سألت توكيل ال جي عليها وقال انو موديل قديم من 2012 وان LA6210 دي احدث و240 هرتز والهرتز بيفرق في سرعه في الفيديو
ابعد عن اى شاشة الهرتز بتعها 100 هرتز يفضل يكون الهرتز اعلى علشان متزغللش عنيك و تجبلك صداع لان الشاشة لو 3d بتبقى الصورة منقسمة الى جزئين فكل لما يزيد الهرتز كل لما يكون افضل انما الشاشة العادية لو 60 هرتز مش هتحس باى فرق ( و هل تعلم معلومة على الماشى ان كهربة البيت 50 هرتز ؟ و ان اللمضة النيون او اى لمضة مبتبقاش ولعة على طول لا بتتفى و تولع 50 مرة فى الدقيقة ؟؟؟؟ يعنى مثلا قول لو 60 هرتز كل ثانية بتطفى و تولع مره و العين البشرية لا تلاحظ هذا الشى تلاحظة فقط لو اقل من ذلك على ما اسمع 30 هرتز و لو عاوز تتاكد هات كاميرا و ليكن موبيل بس تكون كاميرا عالية 8 ميجا بكسل مثلا و صور اللمضة النيون او شاشة الكمبيوتر هتلاقى رعشة فى الفديو ) يعنى باختصار اى شاشة عادية لو 60 هرتز مش هتفرق معاك فى شى لا افلام ولا العاب و لكن لو شاشة 3d يفضل كل ما تجيب هرتز عالى يبقى افضل
و معلومة برضة على الماشى الية بيتحكم فى تردد الشاشة هى دائرة ال oscillator و قطعة الكترونية اشبة بدى و الساعة فى المذربورد فيها نفس دائرة الاوسيليتور لكى يولد نبضات كل ثانية
لو ال جى يبقى تشترى LM 6610
حاجه ملهاش حل
واسال مجرب
ومش لازم من حته معينه اى توكيل ال جى
البلازما جيدة جدا اخى الكريم ولكن ليها بعض العيوب
وهيا
1- وجود مشكلة الــ BURN IN وتعــنى التطبيع
وتعنى ( عند مشاهدة قناة تليفزيونية يوجد بها لوجو ثابت فكان اللوجو يظهر كظلال على الصورة الجديدة فتم حل المشكلة بعرض لوجهات متحركة لشاشات البلازما)
2- مشكلة الديد بيكسل اى احتراق البيكسلات بكثرة
3- ضعف السطوع بها
4- استهلكها العالى للطاقة
5- مشكلة GLOSSY اى تعــنى اللمعة وتسبب انعاكسات فى الاماكن التى توجد بها الاضاءة عالية
وانا انصحك بالابتعاد عن الثرى دى
واذا كنت تنوى شراء ثرى دى
فا اى من الشاشتين التى تم ذكرهما جيدة
انصحك بشراء شاشة2D اسمارت تى فى
المفضلات