الي هكتبه النهارده حقيقي و الله و حصل يعني ما كنتش بحلم و لا حاجة
من اسبوع كده عرفت ان وزارة التموين ووزيرها الهمام اللي ملوش زي عملوا اضافة للمواليد بعد 2005 علي بطاقة التموين علي موقع الحكومة الالكترونية قلت ياااااااااااه اخيرا في تطور في تقديم الخدمات الحكومة يعني مفيش لا طابور ولا كلام من ده .. ده يبقي روعة المهم شديت حيلي و شمرت و دخلت علي الموقع .......... انا داخل اهوه .......... اصبروا شوية ............ صبرت 3 ايام عشان ادخل قولت مش مشكلة اصبر كمان جايز الدنيا زحمة و السكة قافلة . المهم اخيرررررررررررا دخلت و الحمد لله جيت ادخل الرقم و الاسم لقيته بيقولي بياناتك خطأ حاولت تاني برضه خطأ قلت لنفسي انت ياض نحس و الخضرا في ايدك ناشفة رحت لمكتب التموين و حكيت المشكلة بصلي الموظف ببلاهة و قالي حاول تاني قلتله حاولت كتير و مفيش مشكلة قالي بابتسامه عريضه خليك وراه لحد ما يزهق و يفتحلك صفحة التسجيل ( بيني و بينكم جه علي بالي كل الكلام القبيح اللي في الدنيا بس مش قدرت اقوله ) قلتله مين اللي يزهق يا افندم قالي الموقع يا استاذ ! بمنتهي الادب حاولت افهمه ان ده آلة لا تقبل الاضافة بهذه الطريقة رد عليا بمنتهي التكبر و الألاطة يا عم ده شغلنا و انا عارف انا بقولك ايه سيبته و رحت لمديرية التموين بلا اي فائدة مفيش حد بيفيدك طلبت رقم وزارة التموين بلا اي رد كل ده و انا بسب و بلعن في الاخوان و مرسي و البلد و اللي جايبين الحكومة الالكترونية ايه المشكلة في الطوابير يا جدعاااااان ما احنا كنا زي الفل يلعن ابو الكمبيوتر بس انا وراه لحد ما يزهق و يسجل .... يقطع ابو الجهل و سنينه و عاوزينا نتقدم يا اخي تيييييييييييييييييييييت نفس اشتم نفسي اشتم بس عيب خلاص كفاية كده
بالحق نسيت انا نازل يوم 30 و اللي حصل النهارده زود قناعتي بالنزول ..