النتائج 1 إلى 14 من 14

الموضوع: تجربتى مع LG SMART TV 3D

  1. #1
    عضو الصورة الرمزية zikaselavy
    تاريخ التسجيل
    Feb 2012
    المشاركات
    266
    الدولة: Egypt
    معدل تقييم المستوى
    13

    تجربتى مع LG SMART TV 3D

    اناكان نفسى اشترى جهاز 3d smart

    مع انى كان عندى جهازين سامسونج LCD HDالاول 23 بوصه والتانى 32 بوصه

    وقررت ابيع ال32 عشان اجيب اللى نفس فيه المهم دورت كتير وقريت كتير

    المهم فى الاخر قررت انى اشترى lg smart 3d

    وللاسف اخترت غلط لانى بعد ما اشتريت الجهاز بى4 ايام اكتشفت انه فيه عيب وهو

    Lightingbleeding

    اونزيف الاضاءه من الشاشه وهذه صور للتوضيح



    وبعدما تاكد ان ده عيب مش عادى فى الشاشه لانه بيظهر بوضوح اثناء عمل كونكت والدخول على اليوتيوب من الشاشه فقررت الذهاب لصفحة lg مصر وتاكد ان الجهاز ده من ضمن خصائصه عدم وجود هذا العيب وهويعرف باسم localdynamic

    فقررت الاتصال ب 19960 خدمة عملاء lg

    وشرح الامر وبعد 5 ايام حضر الفنى وقام بالكشف واثبات الحاله وكتابتها فى التقرير وقال سوف يرسل التقرير الى الشركه لان الجهاز فيه عيب صناعه وده لازم يستبدل

    قلت خير وبعد اسبوع محدش عبرنى واتصلت بيهم

    ردعليا خدمة العملاء : احنا اسفين على التاخير يا فندم فى حد من الصيانه هيكلمك

    قلت ماشى .. وبعد 3 ايام محدش عبرنى كلمتهم نفس الرد برده المهم فضلت على الحال ده شهرونص اتصل وابعت ايميلات ولا حياة لمن تنادى المهم اخيرا اتصل ممثل الشركه المحترمه وقالى احنا هناخد الجهاز انت موجود فى البيت قلتلو اتفضل الاولاد فى البيت روح واناهتبعك

    وجه وخاد الجهاز على الفرع الرئيسى فى التجمع الاول وقالى هما هيكلموك قلتلو عارف ياما كلمونى .. وبعد 5 ايام كلمتهم هاه يا جماعه ايه الاخبار عملتو ايه فى الجهاز بتاعى

    وكانت الصدمه الاولى لما رد على المتخصص فى المركز الرئيسى وقالى الجهاز مفهوش حاجه قلتلو نعم والفنى اللى جالى البيت واقر ان فيه عيب صناعه والتقرير اللى بعتو ليك

    وكانت الصدمه الثانيه : لما قاللى ان تقرير الفنى اللى جاللى البيت غير مفيد لانه مش تبع الشركه

    ده تبع مركز صيانه احنا متعاقدين معاه وهما يبعتوا المشكله واحنا نفحصها بعدين

    قلتلو يا راجل يا محترم تبعتو ناس غريبه لبيوت الناس على اساس ان هى تمثلكم وهى اصلا مركز صيانه مش فنيين من lgالشركه المحترمه

    على العموم انت شايف ايه

    قاللى الجهاز زى الفل قلتلو استنى انا هجيلك المقر

    رحت التجمع الاول مشوار طويل جدا

    المهم رحت وقابلت المتخصص اللى مش معترف بالمشكلة قاللى يا فندم الشاشه شغاله اهه قدامك قلتلو يا راجل يا طيب مشغل الشاشه داخل صاله كبيره فيها 20 شباك كل شباك 2 متر وعايز تشوف العيب ازاى مش ممكن يبان ابدا فا قالى خلاص انا هتصل بيك بكره

    المهم متصلش كلمته بعديها بيومين قاللى حولتها لقسم الجوده قلت يا مسهل اكيد بقى الجوده هى اللى عندها الخبره كلها وهتكتشف العيب

    المهم برده محدش كلمنى وبعد 3 ايام كلمت خدمة العملاء وكانت الصدمه الثالثه لما قالى شرفنا يافندم وخد شاشتك مفيهاش عيب

    كنت عايز اخش جوه السماعه واكلو بس هو ماله

    رحت الشركه فى التجمع الاول فى نفس اليوم وانا على اخرى منهم ولما وصلت قلتلهم اناعايز اقابل المدير

    جاللى بعد نص ساعه ( اشك انه هو المدير ) حاكيت المشكله كلها من الاول للاخر وقلتلو اناعايز اجرب الشاشه قدامك فى غرفه مظلمه المهم فضو المخزن وجربنا الشاشه فى المخزن عشان هو ده اللى مفهوش شباك وشغلنا الشاشه بس العيب مش واضح قوى قلتلو طب نوصلهابالنت عشان تشوف بعينك لما بعمل كنكت واخش على اليو تيوب بتظهر جامد جدا قاللى لاللاسف مفيش نت ... هههههه ياراجل الفرع الرئيسى مفهوش نت طب استنى كده انا هعمل بحث بالواى فاى الخاص بالجهاز وعثرت على الشبكه بتعتهم قلتلو حط الباص ورد بتاع الشبكه قاللى للاسف برده معرفوش قلتلو برده متعرفش لا انت ما تتاسفش ليا ده انااللى اسف ليكو انى غلط وتعملت مع شركه

    المفروض ان هى تحافظ على العميل لان العميل هو اهم شئ فى اى مؤسسه محترمه مابالك بقى ودى شركه عالميه انا اسف اتخدعت فيكوا انا هاخد الجهاز وهمشى وامرى لله ممكن عربيه ياسيادة المدير توصلنى لاول الطريق بدل الصحراء اللى احنى فيها قاللى للاسف مفيش عربيه انا اسف قلتلو برده اسف لا شكرا كده حلو قوى عليكوا تعبتكوا والله

    وانتهت الحكايه على كده وخد الجهاز وانا بضرب كف على كف واستعوض ربنا فى 7000 جنيه تمن الجهاز ازاى اغلط الغلطه دى وانا اللى بقول على نفسى شاطر وبدور وابحث قبل مااشترى اى حاجه على العموم كل واحد يقرا الحكايه يراجع نفسه الف مره هو بيشترى منين وهيتعامل مع مين

    ودى حكايتى مع lg
    التعديل الأخير تم بواسطة zikaselavy ; 22-06-2013 الساعة 10:06

  2. #2
    عضو
    تاريخ التسجيل
    Aug 2012
    المشاركات
    15
    الدولة: Egypt
    معدل تقييم المستوى
    0

    رد: تجربتى مع LG SMART TV 3D

    ربنا يعوض عليك يا باشا و ده العادي في مصر مش lg بس
    انا عن نفسي عشت وجع الدماغ مع رايا بسبب موبايل samsung بس الحمد لله كان رخيص 400 بس
    فضلت رايح جاي عليهم طول فترة الضمان مرة غيرنا سوفتوير و مرة سماعة بتاع حوالي خمس مرات علي الحال ده
    وقبل انتهاء الضمان بشهر قالي روح الفرع الرئيسي طبعا نصب واضح و مضيعة وقت
    الي خلاني اتحملت الصدمة ان الناس هناك كتير و شاريين اجهزة بمبالغ اكبر
    واحد كان قاعد جنبي معاه galaxy s2 كان جايبه ب 3000 بيقولي غيرولوا شاشة مرة و بوردة مرتين
    وطبعا ده نصب لان الشركة كانت ادتوا واحد جديد ارخص او لو غيروا كل ده كان المشكلة انحلت دول غيروا الموبايل كله
    المهم متزعلش نفسك هي كل الشركات في مصر نفس الاسلوب .


  3. #3
    عضو الصورة الرمزية zikaselavy
    تاريخ التسجيل
    Feb 2012
    المشاركات
    266
    الدولة: Egypt
    معدل تقييم المستوى
    13

    رد: تجربتى مع LG SMART TV 3D

    اقتباس المشاركة الأصلية كتبت بواسطة AhmedYousef571 مشاهدة المشاركة
    ربنا يعوض عليك يا باشا و ده العادي في مصر مش lg بس
    انا عن نفسي عشت وجع الدماغ مع رايا بسبب موبايل samsung بس الحمد لله كان رخيص 400 بس
    فضلت رايح جاي عليهم طول فترة الضمان مرة غيرنا سوفتوير و مرة سماعة بتاع حوالي خمس مرات علي الحال ده
    وقبل انتهاء الضمان بشهر قالي روح الفرع الرئيسي طبعا نصب واضح و مضيعة وقت
    الي خلاني اتحملت الصدمة ان الناس هناك كتير و شاريين اجهزة بمبالغ اكبر
    واحد كان قاعد جنبي معاه galaxy s2 كان جايبه ب 3000 بيقولي غيرولوا شاشة مرة و بوردة مرتين
    وطبعا ده نصب لان الشركة كانت ادتوا واحد جديد ارخص او لو غيروا كل ده كان المشكلة انحلت دول غيروا الموبايل كله
    المهم متزعلش نفسك هي كل الشركات في مصر نفس الاسلوب .

    تحياتى ليك وربنا موجود

  4. #4
    عضو
    تاريخ التسجيل
    Aug 2012
    المشاركات
    15
    الدولة: Egypt
    معدل تقييم المستوى
    0

    رد: تجربتى مع LG SMART TV 3D

    واضح ان العيب ده عادي مع lg شوف اللينك
    https://www.avsforum.com/t/1416419/l...hting-bleeding

  5. #5
    مشرف سابق الصورة الرمزية kingtifass
    تاريخ التسجيل
    Sep 2007
    المشاركات
    4,128
    الدولة: Egypt
    معدل تقييم المستوى
    89

    رد: تجربتى مع LG SMART TV 3D

    للاسف شركات الضمان فى مصر لاتحترم عملائها
    ودى حاجة مستفزة جدا

  6. #6
    عضو ذهبي الصورة الرمزية shery5
    تاريخ التسجيل
    Aug 2011
    المشاركات
    1,865
    الدولة: Egypt
    معدل تقييم المستوى
    47

    رد: تجربتى مع LG SMART TV 3D

    ربنا يعوض عليك اخى و شكرا على تعبك لتنبية الاعضاء و انت ممكن تبيع الشاشة طالما ان هذا امر طبيعى و تشترى نوعية اخرى محترمة مثل Samsung

  7. #7
    عضو الصورة الرمزية zikaselavy
    تاريخ التسجيل
    Feb 2012
    المشاركات
    266
    الدولة: Egypt
    معدل تقييم المستوى
    13

    رد: تجربتى مع LG SMART TV 3D

    للتذكره

  8. #8
    عضو فضي الصورة الرمزية wild cat
    تاريخ التسجيل
    Oct 2007
    المشاركات
    799
    الدولة: Egypt
    معدل تقييم المستوى
    20

    رد: تجربتى مع LG SMART TV 3D

    طيب مجربتش ليه في اول 14 يوم تكلم جهاز حماية المستهلك ول معملش حاجه

    تراسل LG العالميه بايميل تمسح بيه كرامة الوكيل هنا جربها كده مش هتخسر ممكن واكيد هيقفو معاك لانها سمعه في الاخر

  9. #9
    عضوية جديدة
    تاريخ التسجيل
    Jun 2013
    المشاركات
    12
    معدل تقييم المستوى
    0

    رد: تجربتى مع LG SMART TV 3D

    هذا حال الوكلاء في الوطن العربي الا من رحم ربي

    لذلك عليك بالشراء من النت والتوكل على الله فأن حصل عطل في جهازك لن يقبلة الوكيل وان كان تحت الضمان سيتحجج بأي حجة تلغي ضمانك

    لذلك لا تفقد شي عند الشراء من النت في الحالتين لن نستفيد من الضمان

    الله يعوضك خير منها اخوي

  10. #10
    عضو
    تاريخ التسجيل
    Mar 2011
    المشاركات
    21
    الدولة: Egypt
    معدل تقييم المستوى
    0

    رد: تجربتى مع LG SMART TV 3D

    الببليدينج ميعتبرش مشكله وهي موجوده في معظم الشاشات led
    وانا عندي نفس الشاشه ومفيهاش بلدينج بالشكل ده ومش ماثر وانا بتفرج علي الافلام

  11. #11
    عضو
    تاريخ التسجيل
    Jul 2012
    المشاركات
    34
    الدولة: Vietnam
    معدل تقييم المستوى
    0

    رد: تجربتى مع LG SMART TV 3D

    اتصل بشركة LG العالمية و اشر ح المشكلة بالتفصيل مع ذكر اسم التوكيل في مصر و عنوانه و اشرح كل اللي حصل معاك و انا متاكد انهم هيعتذروا و يصلحوا المشكلة دي.

  12. #12
    عضو الصورة الرمزية zikaselavy
    تاريخ التسجيل
    Feb 2012
    المشاركات
    266
    الدولة: Egypt
    معدل تقييم المستوى
    13

    رد: تجربتى مع LG SMART TV 3D

    شكرا جميعا لكم ولكن انا روية الحكايه عشان كل الناس تعرف ان الضمان مش كل شئ لانهم ساعات كتير مش بيعترفو بيه اصلا

  13. #13
    عضو الصورة الرمزية zikaselavy
    تاريخ التسجيل
    Feb 2012
    المشاركات
    266
    الدولة: Egypt
    معدل تقييم المستوى
    13

    رد: تجربتى مع LG SMART TV 3D

    للتذكره

  14. #14
    عضو برونزي الصورة الرمزية rsamir
    تاريخ التسجيل
    Aug 2009
    المشاركات
    498
    الدولة: Egypt
    معدل تقييم المستوى
    28

    رد: تجربتى مع LG SMART TV 3D

    اقتباس المشاركة الأصلية كتبت بواسطة Eng.Michel مشاهدة المشاركة
    اتصل بشركة LG العالمية و اشر ح المشكلة بالتفصيل مع ذكر اسم التوكيل في مصر و عنوانه و اشرح كل اللي حصل معاك و انا متاكد انهم هيعتذروا و يصلحوا المشكلة دي.
    ^^^^
    +111

    ربنا يصبرك بس اعمل زاى الاخ ميشال ماقال واتعامل مع المشكلة كانها ليست موجودة بالتوفيق

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •