مشكله حصلت معايا في اي بي تورنت و التورنت ليتش !!!!

[youlost]

سلام عليكم
انهارده جيت اخش علي الاكونت بتاعي في IPT و TL لاقيت ان الاكونتين اتقفلو ومش راضين يخشو خاااااالص !!!
جبت دعوه جديده لـ IPT وسجلت وكده ومفيش ثواني جيت اخش لاقيت بردو مش راضي يخش بيقولي اكونت نوت فوند مع اني لسه مسجل من خمس دقايق ؟!!!!!!!!!!

باجي اخش علي صفحه الأستف عشان اكلمهم مش بيخش بيخش علي الهوم بتاعت التراكر بس

ايه حل المشكله دي بقي لحسن انا اتخنقت :mad:

[Bed0o]

جربت اعمل ريكفر للباسورد

[youlost]

^^
عملت وجاب باسورد جديد وبردو مش راضي يخش !!!

[Bed0o]

مش راضى يدخل ازاي؟

أصل بدام اداك باسورد جديد يبقي الاكونت بتاعك موجود وشغال عادي

أظن دي مشكله من التراكر نفسه لو انت قالقك الموضوع حاول تدخل على الايرك وتكلمهم

[youlost]

التورنت ليتش دخل علي الموبايل ومش راضي يخش علي الجهاز هههههههه حاجه غريبه :D :D :D

[Unknown_Dragon]

جرب متصفح تانى او احذف الكويكز يمكن
فيه بيانات معلقة

[Bed0o]

جرب متصفح تانى او احذف الكويكز يمكن
فيه بيانات معلقة

اها فعلاً كلامك مظبوط أنا افتكرت ان كان موقع Nxtgn مكنش بيدخل معايا وكنت بضطر احذف الكوكيز عشان اعرف ادخل على الاكونت.

[JustX]

سلام عليكم
انهارده جيت اخش علي الاكونت بتاعي في IPT و TL لاقيت ان الاكونتين اتقفلو ومش راضين يخشو خاااااالص !!!
جبت دعوه جديده لـ IPT وسجلت وكده ومفيش ثواني جيت اخش لاقيت بردو مش راضي يخش بيقولي اكونت نوت فوند مع اني لسه مسجل من خمس دقايق ؟!!!!!!!!!!

باجي اخش علي صفحه الأستف عشان اكلمهم مش بيخش بيخش علي الهوم بتاعت التراكر بس

ايه حل المشكله دي بقي لحسن انا اتخنقت :mad:

والله ياباشا هما الاكونتين بتوعك اتقفلوا تقريبا بسب نظام hit and run وده نظام لسه حاطينوا جديد فممكن انت كان عندك تورنتات عايزه تعمل سيد وانت سايبها نت غير سيد فا اتحسبت على انها hit and run واتقفل الاكونت بتاعك . او ممكن حد من الاستاف شاف الاكونت بتاعك بالصدفه وشاف انك بتغش مثلا فراح موقفلك الحساب بتاعك .
بالنسبه للحل ايه ؟! اقولك
الحل ياباشا انك اولا تستنى اسبوع كده قبل ما تجيب اى دعوه للتراكرين دولا لان الاى بى بتاعك بيكون متراقب فلازم تستنى كام يوم كده ده اول حاجه
ثانيا تمسح الكوكيز من على الجهاز والمتصفح وياريت تغير المتصفح بتاعك او من الاخر لو معرفتش يبقى تغير نسخة الوندز وتعمل غيرها
ثالثا لو عايز تسجل ببروكسى براحتك مش عايز انت حر هيا هيا التراكرز ديه مش بتعمل بان عند تغير الاى بى فميش مشكله
رابعا لما تسجل ان شاء الله لا تروح وتنزل نفس الملفات اللى انت كنت بتنزلها قبل ما يتوقف الاكونت بتاعك علشان برده لا تتكشف
خامسا لما تيجى تستخدم الغش خلى دايما سرعة الرفع ما بين 100 كيلو بايت فى الثانيه الى 300 لا تزيد عن كده والداونلود تبق من600 كيلوبايت الى 800 كيلو بايت فى الثانيه علشان هما بيبقى عنه لائحه بسراعات النت فى البلاد وهيعرفوا اذا كنت بتغش ولا لا
واخر بعج ما تسجل ان شاء الله لاتحاول ابدا الدخول الى اكونتات القديمه والا عليه العوض واللى الاكونت الجديد هيتلغى برده
وبالتوفيق ليك ويارب اكون افادتك ياباشا

وديه ياباشاشا بعض النصائح ليك لو كنت بتستخدم الرفع الوهمى :
1- ما تستخدمش الغش لو النت كويس عندك والراشيو مفيهوش مشاكل ، بمعنى ما تلجأش ليه إلا لما مايكونش فى حل تانى غيره ، وممكن لو كلمت الأدارة بتاعت التراكر ممكن يساعدوك .

2- ما تبالغش فى سرعه الرفع ، فلو عندك مثلا خط 2 ميجا وبتحمل ب 240 خلى الأبلود نص السرعه على أقصى تقدير يعنى ، هو فى مواقع مش هتاخد بالها بس مش كله برضه .

3- ما تنساش ان معظم بل كل المواقع عندها ليست بالسرعات بتاعت كل بلد ومصر هنا تقريبا أخر حاجه 32 ميجا يعنى ما تشطحش.

4- يفضل توقف الغش لما الراشيو بتاعك يوصل 1.5 أو 2 ، ولما تحتاج تانى غش ، علشان ما تلفتش الأنظار وما تقعدش تخزن كأنك أول مره تشوف أبلود (الغش مش هيطير ولا هيخلص)

5- سرعه الرفع تبقى متغيره يعنى ما تثبتهاش على 50 مثلا او 60 لأنها هتتكشف علطول ، خليها ارقام عشوائيه ، ودى موجودة فى Vuze Extreme Mod وأعتقد فى الغش الخاص بـ Utorrent .

6- ما تشتركش فى المنتديات بتاعت التراكر ولا تحط أى تعليق على أى تورنت علشان ما يجيش واحد من المديرين يشوف بروفايلك ويشيك عليه وينكشف المستور

8- أوعى ثم أوعى ثم أوعى انك تغش فى تراكر Ratioless ، لأن كدا كدا لو مارفعتش اى حاجه مش هيحصلك حاجه ، فما تخاطرش وتغش فيه وأنت مش هتستفاد بالغش فيه أى حاجه، التراكرات دى قليلة وناردة زى BTN و PTN ..إلخ .

9- فى تراكرات كتير فيها نظام نقاط مكافئات كويس جدا ، ممكن ما تغشش وتحول النقط دى لجيجات أبلود .

10- ما تغشش على تورنت فيه Peers قليلين اوى علشان هتبان .

11- لما الدنيا تنسد فى وشك خالص ، شوف أى واحد صاحبك يحولك جيجات أو نقاط ، أو أسأل هنا فى القسم ممكن تلاقى حد يديك نقط او جيجات .

12- لما تلاقى نفسك مظبط فى كل التراكرات ومش محتاج تغش خالص ، شيل برنامج الـ Cheat واشتغل عادى لأن كل ما قلت المدة اللى بتغش فيها كل ما يكون أحسن علشان بتقلل فرصة أنك تتمسك

للامانه هذه النصائح 12 منقوله من منتدى اخر

[youlost]

^^

التورنت ليتش مش ماشي بنظام hit and run ده اولا :D
ثانيا انا عارف نظام ال hit and run أصلا ومش موجوده عندي ده ثانيا
ثاليا بقي الاكونتتات بتخش علي الموبايل عادي انما الجهاز لاء مش عارف ليه ؟!!!!!!!!!!
في حاجه غريبه !!! :ah24:

[Unknown_Dragon]

يبقى كده المشكلة فى الكمبيوتر اكي
اولا اتأكد ان الكيبورد سليم علشان ممكن يكون فى حرف معلق او حرف مبيكتبش وبالتالى بتكتب اليوزر والباس غلط وناقص حرف او الشيفت او ال
معلق Cap Locks
جرب تكتب اليوز والباس بلوحة الكترونية
لو نطلعتش كده شيل النسخة الويندوز بقى
لو متصلحتش بعد ما تشيل النسخة جرب تفتحهم من عند اى حد صاحبك على كمبيوتر لانه كده يبقى الايبى او الماك بتاعك اتبدند (غريب رغم ان الاكونت شغال )

[mezo92]

نزل برنامج cc cleaner وشغله وامسح الكوكيز واعمل ريستارت للراوتر ،،

[AbdullahEGY]

بالظبط ... هوا حوار الكوكيز بس ^^

[youlost]

للاسف بردو بخش علي الاكونت من جهاز تاني بس في نفس الشبكه بردو مش راضي يخش وبيخش من الموبايل ؟!!!!!!!!!!!!!!!!!!!!!!!

وعملت ريسترت للراوتر وبردو نفس المشكله !!!!!!!!!!!

مسحت الكوكيز وكل حاجه وبردو نفس المشكله في حاجه غريبه انا مش فاهمه وانا اتخنقت كده لانها مشكله اول مره اشوفها !!!!!!!!!!!!!

[youlost]

AbdullahEGY

ايه يا حبي الـ ies دي ؟!!!

[AbdullahEGY]

^ هيا الكوكيز بالانجلش بس المنتدى بيشفرها :|