مساعدة ضروري جدا من مهندسين الشبكات بالسعودية

[Ahmed147]

السلام عليكم ورحمة الله وبركاته
في البداية انا عاوز اعتذر للاخوة المشرفين لو موضوعي في المكان الخطأ
بس والله مش لاقي مكان مناسب

باختصار شديد يا شباب انا مش هطول عليكم
انا مصري مقيم في الرياض من سنة
كنت جاي على شركة كبيرة جدا جدا هنا في السعودية شغالة في مجال الآي تي
وطبعا جاي من مصر على شغل مهندس شبكات
بس لما جيت فعلا لقيت نفسي شغال مهندس شبكات بس نظري
استلم سويتشات جديدة واعمل بلاغات عن دواير واقعة وكده
يعني مبشتغلش حاجة بأيدي خالص
بس صبرت وقلت لنفسي الشركة كبيرة جدا وممكن امسك بوزيشن تاني ولا حاجة
آخد منه خبرة
بس للأسف مع مرور الوقت بدأت احس ان ده صعب جدا
لأني اعتبر جاي من مصر فريش
أنا الوقتي زهقان جدا جدا
لدرجة اني مليش نفس ازاكر اي حاجة ولا أقرا اي حاجة
وانا حاسس ان العمر بيعدي مني ولسه معنديش خبرة
انا كل اللي انا عاوزه يا شباب اني انزل مع اي حد شغال في اي شركة مهما كانت صغيرة
على سبيل التدريب
بحيث اني اتعلم واطبق اللي بزاكره
وممكن اساعده بأي حاجة اقدر اعملها كمان
يعني ممكن تعتبرني واحد هيشتغل معاك ببلاش
انا معايا ccna
كمان انا على استعداد اني ادفع مبلغ شهري في مقابل التدريب ده
والدوام بتاعي من الساعة 8 ل2 ونص يعني فاضي من الساعة 3
مش كده وبس انا ممكن افضي نفسي ثلاث ايام في الاسبوع يكون من بينهم يوم الخميس طوال اليوم
يعني تقدروا تقولوا ان وجودي من عدمه وغيابي مش بيأثر قوي
شباب بالله عليكم اللي يقدر يساعدني ياريت ميتأخرش
انا مقيم في الرياض

كمان نصيحة من الاخوة في مصر انا احيانا بفكر اني انزل مصر ادور على شغل
بس كل زمايلي اللي هنا بيعترضوا على الفكرة بحجة ان وضع البلد صعب جدا الايام دي
ويوم عن يوم بيزداد سوء
اية رأيكم يا شباب الوضع في مصر اخباره ايه الوقتي

[FunctionSys]

بسم الله الرحمن الرحيم
اللهم صل على محمد وآل محمد ..

كان الله بعونك اخي الكريم... مفروض ماتوقع عقد الا وانت عارف شنو المتطلبات من الوظيفه... عل عموم تقدر تبحث عن وظيفة اخرى.. عن طريق موقع بيت دووت كوم

https://www.bayt.com/en/job-seekers/...FY3HtAodGxMAzA

ياربي يفتح لك ابواب الخير كلها ويسهل امورك وتتحسن حالك الى افضل حال .. بحق النبي وآله الطاهرين ..