الويندوز مش بيشتغل غير لما يكون موجود اسطوانة فى السى دى روم !!

**RIKA** · 12-07-2013, 06:39

السلام عليكم

المشكلة بإختصار إن الويندوز مش بيشتغل غير لما يكون فى اى إسطوانة فى السى دى روم ولو مافيش إسطوانة يقولى BOOTMGR IS MISSING ومايرضاش يطلع على الويندوز

الحكاية بدأت بعد ما صطبت ويندوز 8 وياريتنى ماصطبتة
وحاليا المشكلة موجودة فى ويندوز 7 - 64
ولما صطبت الويندوز 8 المشكلة كانت موجودة برضو بس كان بيقولى المشكلة فى ال BOOTIBCD
والحالة : OXC000000F

انا مش عارف فى اية ياريت حد يساعدنى
علماً إنى جربت طرق كتير لحل الموضوع من خلال الاسطوانة إللى صطبت منها على الويندوز 8 والويندوز 7 وحاولت اعمل اصلاح لكن مانفعش جربت اشيل السى دى روم لكن مانفعش جربت اجيب الملف دة واغير برضو مانفعش
ياريت الاقى حل عندكوا هنا

وشكرا

**etheghost** · 12-07-2013, 09:53

معلش يا فندم في اكتر من حل بس قولي هية المشكلة حصلت بعد ما سطبت ويندوز 8 علي ويندوز 7 ؟

وهل يا تري بعد ما ظهرت المشكلة دي نزلت نسخة تانية جديدة ؟ وبرضه بيعمل معاك كدة

بناء علي الاجابة بتاعتك هحلك المشكلة ان شاء الله

**etheghost** · 12-07-2013, 13:20

طيب بم انك لسة مردتش علي الموضوع انا هشرحلك وخلاص

اول حاجة الظاهر ان حضرتك نزلت ويندوز 7 علي 8 او 8 علي 7 من غير ما تفرمت او لعبت في ملف البوت المهم ملف البوت باظ كدة الموضوع ابسط مما تتخيل نزل نسخة جديدة وانتهي الموضوع

وانا عايز اقولك يا ريت تنزل 8 بجد حاجة تحفة فنية انت بس اتعقدت منها عشان عملت معاك كدة بس الي حصلك ده غريب ومش بيحصل عند حد يعني العيب مش في النسخة العيب في جهازك

انت :D:D

طيب في حل تاني اسهل من انك تنزل نسخة بص يا باشا اول حاجة نزل البرنامج ده من

هنا

بعدين اول لما تدخل علي الموقع اعمل زي الي في الصورة

بعدين حمل البرنامج وافتحه وتابع معايا في الصور

2

3

4

5

بس كدة ورستر الجهاز وهتلاقي الدنيا فل يا باشا

**RIKA** · 12-07-2013, 19:55

أنا أسف أنا حطيت الموضوع ونمت بعد مافضلت يوم كامل بحاول احل المشكلة دى

فى الحقيقة انا ماصطبتش نسخة على نسخة ولا أى حاجة انا شلت النسخة السفن عادى جداً وفرمت السى ونزلت ال 8 على نظافة بعد مانلزتها عملت التحديث والابديت بتاعها بس لقيت التحديثات مش عاوزة تتصطب حتى تعريفات جهازى مش عاوزة تتصطب علية قولت لا مش هياكل معايا الكلام دة قومت شيلتها خالص ونزلت السفن تانى بعد مانزلت السفن لقيت المشكلة دى بقى حصلت ,, وبعد محاولات اصلاح ماعرفتش قومت رجعت شلتها وصاحبى قالى نزل ال 8 وهاظبطهالك نزلت ال 8 برضو لقيت نفس المشكلة بس برسالة خطأ تانية فى البوت قومت رجعت تاااااااااااااااااااانى شلت ال8 ونزلت السفن والمشكلة مازالت موجودة إللى الأن انا اسف على كل الكلام دة بس دة كل إللى حصل ودى كل الخطوات إللى انا عملتها ,, انا لسة ماجربتش البرنامج إللى انتا ادتهونى دة هاجربة وابلغ يمكن الاقى امل بجد المشكلة دى عملالى تربنة فى دماغى خنقانى بجد

**RIKA** · 13-07-2013, 07:46

انا عملت حوار البرنامج إللى حضرتك قولتلى علية والمشكلة إتعقدت اكتر والوييندوز مابقاش يفتح حتى لو حاطط اسطوانة فى الويندوز عملت اصلاح من النسخة رجعت تفتح تانى بس ماتزال المشكلة الاولانية موجودة انا بجد زهقت ومش عارف أعمل إية ارجوك حاول تساعدنى

**RIKA** · 13-07-2013, 18:02

الحمد لله المشكلة إتحلت بعد ما عملت لود ديفولت للبويوس بس فتح الويندوز بقى بطىء شوية بعد ما عملت كدة ,, أنا متشكر جداً ياجميل على تعبك معايا

**MohammedsF** · 13-07-2013, 22:41

الكود 0XC000000F يعني أن قطاع الاقلاع على القرص الصلب تالف ، الحل هو باستخدام Startup Repair اثناء الاقلاع ثم استخدام الأوامر FIXBOOT و FIXMBR من خلال شاشة دوس أو استخدام البرنامج EasyBCD لاعادة بناء قطاع الاقلاع ، و الحل النهائي طبعاً هو تثبيت ويندوز من جديد... :D

أما المشكلة الثانية و هي رفض ويندوز الاقلاع إلا بوجود قرص في المشغل "أي قرص" هذا يعني أن قطاع الاقلاع لويندوز ملخبط و الحل هو كما ذكرت فوق بالاضافة إلى الدخول للبيوس و جعل أولوية الاقلاع هي للقرص الصلب أولاً و لذلك اختفت المشكلة عن استعادة الاعدادات الافتراضية في البيوس...

الحمد لله أن المشكلة انحلت,,, يغلق الموضوع