السلام عليكم .. لدي مشكلة في لعبة كول اوف ديوتي مودرن ويرفير 3 رغم انها كانت شغالة طو

[barclays]

السلام عليكم ورحمة الله وبركاتة
كل سنة وانتوا طيبين وبصحة وعافية دائما يارب

معاكم اخوكم أحمد محمد من أسكندرية

المهم
لعبة كول اوف ديوتي مودرن ويرفير 3 كانت شغالة عادي الاول
جيت النهاردة مع اني جبت فيجا جديدة الحمد لله
بدخل على اللعبة وتشتغل عادي جدا وبجي اشغلها بتجي عند اللود وتدي الرسالة دي



طبعا الكل حيقولي سطب الدايركت اكس تاني اللي مع اللعبة
وانا عملت دة فعلا وجيت اشغلها من المرحلة الاولى واشتغلت تمام وعند المرحلة الثانية في اللود
وقفت وجت الرسالة دي تاني

جيت برضة سطبت البرنامج الدايركت اكس اللي مع اللعبة تاني
وفي الاخر برضة عند اللود جاتلي الرسالة دي


دي بقى يا جماعة مشكلتها ايةةةةةةةةةة ؟؟؟

رغم ان كول اوف ديوتي 2 وباتل فيلد 3 شغالين تمام
طيب المشكلة فين هنا ؟؟؟

ومستني منكم الحل يا أهل الخبرة
وكل سنة وانتوا طيبين ..

[Black foxer]

وعليكم السلام وحضرتك طيب

ممكن اسم الفيجا الجديد ده بالكامل + مواصفات الجهاز لان الرسالة دي ليها علاقة بالفيجا احتمال كبير

[Black foxer]

ودول كراكين فيكس للعبة جرب اي واحد فيهم وشوف الي هيشتغل معاك

https://rghost.net/47455189

يا ريت تجرب كراك 3dm لان الفريق ده بصراحة مبدع في التهكير

[barclays]

دي مواصفات الجهاز يا باشا

Intel® Core™ i3-3240 Ivy Bridge 3.4GHz Processor
Gigabyte GA-P75-D3 Socket 1155 Motherboard
Kingston ValueRAM 4GB DDR3 1333MHz CL9
Seagate Barracuda ST1000DM003 1TB 7200 SATA 6Gb/s
Galaxy GeForce® GTX 650 Ti GC 1GB GDDR5
Cooler Master Elite 250 Desktop Case + 460w PSU

ويندوز 7 هوم بريمين 32 بت

قلقتني .. ازاي ليها علاقة بالفيجا ما باتل فيلد 3 وكول اوف ديوتي 2 شغالة .. هوة لسة حجرب العاب تاني بإذن الله
بس زي ما بقولك اول مرة تحصل المشكلة دي مع كول اوف ديوتي 3

[barclays]

معلشي يا باشا الكراكات مش بتحمل خالص .. اتمسحوا من الميديا فير ..

[Black foxer]

حضرتك بتستخدم تعريف ايه بس لو باتل فيلد 3 شغالة عادي يبقى عيب لعبة وهنشوف والكراكات هرفعها تاني

https://rghost.net/47455189

[barclays]

تعريف النفيديا 314.20 لان بيقولوا الاخير فية مشاكل ..

[barclays]

المشكلة زي ما هي يا باشا برضة بس بتطلعلي الرسالة الاولى مش الثانية .. بتاعة الدايركت اكس ..

[Black foxer]

طيب غير الويندوز او صطب الدايركت اكس

لانها كدة اصبحت مشكلة سوفت وير في النسخة مش من اللعبة لان الرسالة التانية كانت من اللعبة

[barclays]

ما انا سطبتة امبارح وراحت طلعت الرسالة الثانية وجة اهوة النهاردة طلعت رسالة الدايركت اكس تاني ..

شكلها عيب لعبة .. لان لسة اهوة الحمد لله جربت مافيا 2 وكول اوف ديوتي 4 وشغالين تمام الحمد لله
يبقى شكلعا عيب لعبة وعاوزة تسطيب من جديد .. مع انها كانت شغالللللللللة ..

[Black foxer]

هو حضرتك مش مصطبها؟؟!!!!:eek:

لا لازم تتصطب ولو مش عندك وعاوز تحملها من النت اتفضل اطلب اللعبة هنا وهاجيلك على روابط مباشرة

https://arabhardware.net/forum/showthread.php?t=353267

[barclays]

لا مسطبها طبعا .. انا اقصد ان ممكن اسطبها تاني واشوف المشكلة دي حتكرر ولا لا .. انت فاهم قصدي بس مفيش مساحة حاليا ههههههههههههههه

وبقولك معلشي فية مشكلة ثانية كدة
وفية مشكلة ثانية بس محصلتش ادامي هي حصلت ادام اختي .. امبارح بتقولي ان الشاشة ادت اسود فجأة وفتحت تاني في ثانية .. بس الجهاز عادي معملشي ريستارت .. يعني الحاجات زي ما هي .. بس لما الشاشة فتحت تاني كان فية بطيء في حركة الماوس

السؤال هنا .. دة سببة اية .. والشاشة 17 crt سامسونج بقالها 7 سنين الحمد لله ههههههههه
والسؤال الثاني هي لو الفيجا سخنت جامد او فصلت باور .. بيحصل اية .. يعني هل الجهاز بيعمل ريستارت ولا الشاشة تقفل وتفتح ؟؟؟

وللعلم انا بفضل سايب الشاشة شغالة عادي لما بحمل او بقوم من على الكمبيوتر مش بعمل حوار انها تريح دة ..

[على السيد جمعه]

لا مسطبها طبعا .. انا اقصد ان ممكن اسطبها تاني واشوف المشكلة دي حتكرر ولا لا .. انت فاهم قصدي بس مفيش مساحة حاليا ههههههههههههههه

وبقولك معلشي فية مشكلة ثانية كدة
وفية مشكلة ثانية بس محصلتش ادامي هي حصلت ادام اختي .. امبارح بتقولي ان الشاشة ادت اسود فجأة وفتحت تاني في ثانية .. بس الجهاز عادي معملشي ريستارت .. يعني الحاجات زي ما هي .. بس لما الشاشة فتحت تاني كان فية بطيء في حركة الماوس

السؤال هنا .. دة سببة اية .. والشاشة 17 crt سامسونج بقالها 7 سنين الحمد لله ههههههههه
والسؤال الثاني هي لو الفيجا سخنت جامد او فصلت باور .. بيحصل اية .. يعني هل الجهاز بيعمل ريستارت ولا الشاشة تقفل وتفتح ؟؟؟

وللعلم انا بفضل سايب الشاشة شغالة عادي لما بحمل او بقوم من على الكمبيوتر مش بعمل حوار انها تريح دة ..

أللى حصل مع أختك ده تقريبا مشكلة ضعف فى تيا الكهربا

[Black foxer]

كلام صحيح 100%

ممكن يكون ضعف كهرباء او تغير مفاجىء في التيار سوء زيادة او نقصان

ويا ريت تصطب اللعبة من جديد وتجرب الكراك فيكس ال مساحته 14 ميجا الي اديتهولك

[barclays]

خالي بالكوا هوة هوة نفس الجهاز .. انا عندي جهاز واحد الاسرة كلها شغالة علية ههههه .. الحمد لله ..

طيب وبالنسبة للسؤال دة ؟؟
والسؤال الثاني هي لو الفيجا سخنت جامد او فصلت باور .. بيحصل اية .. يعني هل الجهاز بيعمل ريستارت ولا الشاشة تقفل وتفتح ؟؟؟

وبالنسبة للعبة .. افضي مساحة بس ربنا يسهل واروح اجبلي علبيتين اسطوانات انسخ اللي عندي واسطبها عالطول بإذن الله تعالى ..