السلام عليكم و رحمه الله و بركاته
النهارده اشتريت الديل5521 و لقيت فيه حبه عيوب و مميزات حبيت اشارككم بيه خصوصا الي هيشتري الجهاز لسه و مش عارف يقرر
المواصفات
( i7 - 8gb - 750gb - 8730m )
السعر 5250 جنيه بضمان BDL
1- المميزات
شكل فخم
حجم و وزن و سمك ممتاز
مواصفات رائعه
كيبورد ممتاز
بطاريه رائعه تستمر 5 ساعات شغل فوق المتوسط
حراره منخفضه
اداء عالي جدا
2- العيوب
الجهاز لاقط للبصمات
التتش باد محتاجه تعود
الخامه في الفريم الي باللون الفضي بلاستيك ردئ جدا .. الجهاز مكملش ساعات و الا اني لقيت خدوش ف الجهاز في الفريم البلاستيك الفضي لا و كمان اللون ممسوح و في مسحات! كمان الخامه ف الفريم حولين الشاشه نفسها بس اللون مختلف
الدليل بالصور
تصميم خلفيه الكيبورد رديئه و سايبه فراغات واسعه تسمح بمرور الاتربه بكل راحه و سهوله ده غير ان زرار المسافه استجابته مش قويه
اختصار الموضوع .. الجهاز ممتاز لكن الخامه خصوصا ف الفريم الفضي ( مقلب ) .. ملحقتش افرح بالجهاز و الاقيه فيه خدوش واضحه زي الشمس مع انه لسه علي اول شحنه و مستخدمتش الا ساعه تقريبا !!!
حد عنده حل؟
التعديل الأخير تم بواسطة iAhmed-07 ; 09-09-2013 الساعة 08:14
يا باشا خدوش ازاى بس انا الجهاز معايا اسبوعين مفهوش خدش واحد ممكن تكون وساخه هو فعلا العيب الكبير اللى فيه بيلم وساخه وبصمات جامد اوووووووووى بس كل يوم بنضفه وبيرجع زيى الاول عادى بس هاتله السائل اللى بيتباع ونضف بيه ابعد عن الميه
بس الخدوش اللى عندك دى خبطه مش خدوش عاديه يعنى ده اللى باين اوى ممكن يكون جالك كده بس باينه فعلا انها خدوش غير طبيعيه والله اعلم انا عندى مفهوش خدوش بس مليان بصمات ههههههههههههههههه
طيب انت رايك اعمل ايه دلوقتي؟المشاركة الأصلية كتبت بواسطة suske555
رايى انك لسه فى فتره ال 14 يوم اتصل ورجعه ولو عايز تغير اللون غيره بس انا رايى اللون ده احسنهم وبقلك تانى هات مثلا ظفرك ومشيه على اى حته فى الجهاز مش هتلاقى خدوش ظهرت الخدوش اللى عندك دى خدوش خبط او حاجه حاده
طيب لو موافققش و قال اني السبب مثلا و مينفعش يرجع؟ مع اني والله ماستخدمت الجهاز اصلا لاني تعبان و مش متاقلم مع اللاب توب
Sent from my GT-N7100 using Tapatalk 2
لا مفيش حاجه اسمها موافقش قله انا اتفاجئت بكذا كذا ومتسبش المحل الا لما تاخد حقك
تمام هعمل كده .. المشكله بس لو ملاقتش اللون السيلفر تاني مش عارف هعمل ايه
Sent from my GT-N7100 using Tapatalk 2
اللون الازرق فيه حلو جدا عجبنى بس عيبه انه بناتى شويه بس جمييييييييل
انا هتصل بيه بكره و اقوله لقيت كام عيب ف الجهاز و هجيلك تبدله و هقوله احجز نسخه سيلفر بدل دي قبل ما اجيلك .. السؤال بقي لو قالي معنديش سيلفر و ده وارد عشان يتهرب اعمل ايه؟ مش عايز أدب المشوار عالفاضي ده سفر
الازرق حلو و مميز بس فاتح قوي مينفعناش
Sent from my GT-N7100 using Tapatalk 2
كلامك صحيح فى خدوش فى اماكن مستخبيه و المفصله بتاعت الشاشة برضو فيها خدوش بالرغم ان الجهاز جديد و معاه ضمان
كل الملاحظات الى انت قولتها صحيحة بس فى المقابل واخد امكانيات عاليه و لو حبيت تشترى نفس الامكانيات فى جهاز هتدفع مش اقل من 7 تلاف جنية و ده كلنا عارفينه كويس
فلو على الفريم و اخد نفس الجهاز طظ فى الفريم رخيص رخيص مش مشكله بس اداء الجهاز و درجة حرارته و عمر بطاريته و وزنه يخلونى اتجاهل موضوع الفريم ده خالص
التعديل الأخير تم بواسطة 0Ahmed.Magdy0 ; 28-07-2013 الساعة 02:48
و ده رايي برضه و والدتي بتقولي مش باين عادي مش مهم مدام مش هياثر عالضمان و أداء الجهاز، الجهاز تحفه ف كل حاجه بس مش حابب يكون معايا جهاز فيه مشاكل .. فاهمني؟ الجهاز ممتاز بس الفريم في الضياع! و من رايك اغيره و لا لا؟
و حوار زرار السبيس؟
Sent from my GT-N7100 using Tapatalk 2
التعديل الأخير تم بواسطة iAhmed-07 ; 28-07-2013 الساعة 02:53
اعتقد انى سمعت ان الفريم بيتغير من الراجل نفسه سنه كده وغيره كله وريح نفسك
بصراحة انا عندى خدوش اه بص مفيش خدش طويل كده كلها زى الحجات الصغيره الى عندك دى انما التجريح الى يشبه تجريح بمفتاح ده مش عندى
الفريم الفضي؟ انت متاكد انه 5521؟
Sent from my GT-N7100 using Tapatalk 2
ياريت لو تتأكدلنا من الموضوع ده برضو مع انه ميفرقش معايا كتير ولا هغير ولا هعمل :D
ضوابط المشاركة
رد مع اقتباس
المفضلات