مشكلة فى الرامات

**haleemelkholy** · 03-08-2013, 05:12

السلام عليكم

اولا دى صور الرامات لى عندى من برنامج سى بى يوز

انا كان عندى الرامة 2 جيجا كنج ستون لوحدها من اسبوع وكان الجهاز شغال كويس بيها من غير تعليق بس الالعاب كانت بطيئة شوية
فقلت ارفع الرامات 6 روحت جبت الرامتين G.Skill الى فى Slot #1 و Slot #2 وبصراحة باتل فيلد 3 اشتغلت كويس جدا بعد ما رفعت وبقيت ادخل الاجيام 64 لاعب من غير بطىء ولا حاجة
المشكلة بقا ظهرت بعد ما رفعت الرامات 6 وهى ان ساعات الجهاز بلاقيه وقف خالص وكل حاجة وقفت والماوس واقف والشاشة علقت تماما وكل شىء واقف والوندوز معلق
بس هى مبتحصلش علطول الصراحة هى ساعات وساعات ممكن الكمبيوتر يفضل شغال كتير ومتعلقش وساعات تعلق بعد شوية وممكن تقعد اليوم كله متعلقش
بس الصراحة المشكلة عمرها ما حصلت وانا فاتح باتل فيلد 3
وفى اغلب الاوقات بتعلق وانا بعمل Shutdown للكمبيوتر وبيكون فى حجات مفتوحه فالكمبيوتر بيضطر يقفلها الاول عشان يعمل Shutdown انا الوندوز بتاعى سفن التيميت 64 بت
بضطر ارستر الكمبيوتر من الزرار او اطفى زرار المشترك

وانا اسف عالاطالة
ارجو الحل فى اسرع وقت :D

**Ahmed Elbrbry** · 03-08-2013, 14:30

انت ايه مشكلتك بقى
:D:D:D

**mahmoud_a1** · 03-08-2013, 15:03

اولا جرب تشغل الرامتين الجى سكيل لواحدهم و شوف النتيجه بدون الرامه الكينجستون و لو الجهاز استقر يبقى العيب من الرامه الكينجستون مش هينفع تشتغل مع الجى سكيل لو مستقرش يبقى الرامات الجى سكيل فيها مشكله و ممكن تكون مش متوافقه مع البورده بتاع حضرتك