موضوع هام جدا

[haytham.f]

سلام عليكم يا شباب انا انهارده بس عرفت ليه الناس اللى واخدين شهادات MCSE او اى شهاده عالميه أصبحوا كتير عن الاول

هادخل فى الموضوع انا امبارح كنت المفروض هامتحن فى مركز المهم المركز ده كان فى مشكله قلت اروح امتحن فى مركز تانى واكتشفت ان المركز ده فاتحها على البحرى الرجاله بتدخل مبرشمه التيست كينج كله ويدخلوا معاهم الروق ويتقفل عليهم الباب وهما شغالين نقل من البرشام والاكتر من كده واحد كان داخل امتحان ال 91 وطبعا جاله سيمولشن وانا كنت قاعد مع واحد صاحبر بره مستنيه اما يخلص والفجأه قلت لصاحبى شوفوا كده لو عايز حاجه

ودخلتله بالفعل وحلتله السيمولشن وكمان رجعتله على كل الاسئله هو طبعا مش محتاج مراجعه بس كان فى اسئله طبعا عن subnetting فكانت ماينفعش ينقلها

المهم ده اللى حصل وكمان نفس اللى حصل ده حصل انهارده مع ناس تانين


بصراحه حسبى الله ونعم الوكيل

ده انا بئالى بتاع شهر ونصف باحضر لامتحان ال91 ده

انا قلت اعرفكم بس جايز يكون حد قابل الموضوع ده قبل كده ولا جايز يكزن ده حاله خاصه


وربنا يوفقنا جميعا

وادعولى انا داخل امتحن يوم الخميس

بس مش فى المركز ده طبعا فى مركز تانى

[haytham.f]

بالحق نسيت اقلكم الراجل جاب كام

جاب 975

فى احسن من كده وفى امتحان ايه كمان ال70-291

[Hossam]

لا حول ولا قوة الا بالله

والله احنا العرب نتفنن فى الغش والسرقة ....

من كان يبرشم ويغش فى امتحانات الكلية والمدرسة ويأخذ شهادة ليس له حق فيها فليس بغريب عليه هذا السلوك

الموضوع ليس بالفارق الكبير شهادة جامعية بالغش والرشوة او شهادات مايكروسوفت او غيره

غالبيه الشباب اخى يريد ان يصل اعلى المراتب دون بذل اى مجهود ... اصبح صراع بطرق مشروعة او غير مشروعة

كله اصبح فهلوى ... كله بيمشى حاله .... اللى بيبرشم واللى بيغش واللى يدخل شخص اخر بدلا منه واللى بيشوف اسهل طريقة للحفظ "بارقام الاجوبة فقط "

يا جماعة حتى المذاكرة من تسيت كنج مباشرة دون المعرفة العملية والخبرة للشهادات اعتبره هذا من درجات الاحتيال

انا على يقين ان مثل هذا السلوك سيؤثر علينا جميعا من اجتهد وذاكر لمدة شهور ومن لا يفقه اى شىء

شهادات مايكروسوفت وغيرها ستصبح دون المستوى مع الزمن وقد تقل قيمتها عن الشهادة الاكاديمية

فانا اتذكر منذ عدة سنين من كان يحمل شهادة من مايكروسوفت كان يعتبر عملة نادرة ويدل فعليا على الكفاءة

ربنا يعفينا جميعا لأن الموضوع يخلى الواحد ييأس فعلا ولكن انا على يقين ان الله سيبين كل شخص على مستواه الحقيقى فى الواقع العملى

[العمرين]

بعين الله يا شباب

[elmadysm]

لو كنت مكانك كنت ابلغت شركة فيو و شركة ميكروسوفت على طول
و هما هيعملو اللازم
على فكرة انا لم اصادف مثل هذا العمل السىء من قبل
كل ما حدث معى اننى عندما دخلت امتحان ال290 وجدت 3 اصدقاء جاءو ليمتحنو نفس الامتحان اى ال290
ووجدت احدهم مزنوق قلت له (((ولا يهمك .....اهدى و ركز .....وبعدين حل ... وربنا يوفقك )))
وكنت عاوز اساله جالك كام سميولاشن و ؟؟؟؟
وجدت المشرف جاى عندى جرى
و قال بصوت عالى (((ياجماعة اى صوت هاسمعه هالغى الامتحان)))
كنت فى قمة الاحراج
ولم اجد امامى كلمة تعبر عن موقفى سوى اننى قلت له ماحدث
و لكنه لم يهتم
فقلت له انا خلصت الامتحان وقمت من على الكرسى
فطلب منى ان انهى الامتحان بنفسى
فانهيته
فاعطانى بيان النجاح
و اخيرا ابتسم وقال مبروك

[haytham.f]

اكيد مش انا لوحدى الى حصلى المواقف دى يا شباب اكيد فى مراكز تانيه بيحصل فيها كده واكتر من كده

بس بصراحه منظر وحش جدا وكمان مالوش حل

[almokhtar]

شباب هدا كلو مش مهم بس الاهم انك تفهم الكورسات ودراستك للتست بتعطيك خبرة عن مشاكل صارت
وتحصيل الشهادة مو مهم لانو اي شركة قبل ما توظفك رح تسالك والي عندو معرفة رح يبين والي متل صاحبنا الي مبرشم صدقني ما رح يمشي حالو الا ICDL مو شبكات لانو الموضوع مو مزح
المختار

[killerbrain]

لالا ولا حتى حيمشي في ICDL اكيد حيضرب لبخه كمان وعاوز اقولك حاجة ارتاح خالص لأن محدش بيشتغل في شركة بالكورس ده غير لما يطحن اسئله في الاول متخفش احنا اماكنا محفوظه علشان احنا عارفين ربنا في اللي بنعمله

[عضو محذوف]

انا لم اسمع بهذا الكلام من قبل . فمراكز Prometric تشاهد اتنين بطاقة تعريف بصورة مثلر الهوية + رخصة القيادة او جواز السفر . وتأخذ الهاتف المحمول خارج قاعة الامتحان . والكاميرات مسلطة عليك . إلى أخره . وهذا شىء يثير الغضب فى بعض الأحوال . وخصوصاً أخذ الهاتف المحمول . والأفيد أن اقوم بغلقه والاحتفاظ به لدى . لكن الغش فى الامتحان هذا شىء سىء ..الشهادة عبارة عن تقييم لمدى استيعابك من الدورة . والشهادة فى حد ذاتها ليست لها قيمة كبيرة . فهناك امتحانات صعبة عند أى مقابلة للعمل . وعلى أساسها يتم الاختيار
والله اعلم

[subhanallah]

جزاكم الله خيرا جميعا علي كل الردود بس انا عايز اسئل واحد فيكم دخل الإمتحان من غير ما يبص في التست كينج دة يبقي راجل كويس لكن علي شان تدفع ما يقارب 400 ج وتدخل ما تنجحش دي طبعا حاجه صعبه جدا علي اي حد وانا لا اري فرق بين الي يبرشم التست كنج والي بيحفظه ويدخل يحله علي الأقل الي برشمه ما ضيعش شهر و نصف في حفظه واستغل الشهر ده في المذاكره * وبعدين يا اخ هيثم لما انت مضايق من الموضوع ده روحت تستناه ليه و دخلت حليتله ليه رغم انك ما تعرفوش وكمان راحعتله علي الإمتحان يعني بس مش حلتله الي مش عارفه لاء دنتا راجعتله علي الإمتحان فلو في اثم تكون مشارك معاه فيه

[شعاع المستقبل]

والله كل هؤلاء الغشاشين سينكشف أمرهم فوراً

لأنه عند طلب أي وظيفة وعمل مقابلة شخصية سينكشف الإنسان الفاهم من الغشاش

وأذكر أحد أصدقائي أثناء عمله لمقابلة شخصية لموظف جديد حاصل على شهادات عديدة، يفترض على حاملها أن يثير الإعجاب

ولكنه لم يعرف أتفه الأسئلة في مبادئ الشبكات التي وجهها له صديقي

لا تقلقوا يا أصدقاء فالإنسان الفاهم مميز دائما

[compuman]

لا تقلقوا جمعا
فاي شركة بتعمل interview والمستخبي هيبان
وعاوز اقلكم شئ
المهندس اللي كان بيشرحل لي se في الكورس كان كل شوية يقول
الشهادة فقط لإثبات انك درست وفهمت لكن يبقي الانترفيو اخطر من دخول امتحانات مايكروسوفت
وكان بيقول
اي نعم هو بليه بس بيعرف يحط المسمار فين مع انه مش معاه لقب الاسطي

[bebo_mct]

ياحماعة هى مش عملية غش وخلاص .انا من يومين كنت بعمل انترفيو في شركة في المهندسين الي كان يعمل معيا الانترفيو مش انسان عادي دة كان I.T.بتاع الشركة وبيسئال من الالف الى الياء واسئلة فنية جدا جدا جدا ومش بس كدة الانترفيوا كان ساعة ونصف وبالانجليزي الكلمة الوحيدة اللي كانت بالعربي هي "صباح الخير" وبعد ما انهيت الانترفيو عمل اوكى على (CV) بتاعي وقلي انا مش عاوز SE بس انا عاوز واحد معاه MCSE+MCDBA فالعملية مش غش ولا تيست كينج ولا وسطة في شركة في ناس تقولك انا عندي وسطة في شركة وهما هاشغلوني تفتكروا في شركة تشغل واحد وتعطي لة مرتب وهو مبيفهمش حاجة حتى لو بوسطة .

[kimoco]

اي نعم هو بليه بس بيعرف يحط المسمار فين مع انه مش معاه لقب الاسطي

انت جبت المفيد ....

[pioneerahmed]

السلام عليكم الاخوه الاعزاء
انا عندى رأى آخر انه يجب على كل من يرى ذلك الامر ان ينصح المسئولين بالتوقف عن ذلك والا فاننا سنرسل شكوى الى فيو باسماء هذه الشركات .
لأن هذا حتماً يضر بالمجتهدين الذين يقضون الاوقات الطويله ثم تتساوى الرؤوس(الشهادات).