صفحة 1 من 2 1 2 الأخيرةالأخيرة
النتائج 1 إلى 15 من 29

الموضوع: اللي في مصر يدخل

  1. #1
    عضو
    تاريخ التسجيل
    Sep 2005
    المشاركات
    197
    الدولة: Egypt
    معدل تقييم المستوى
    13

    Exclamation اللي في مصر يدخل



    السلام عليكم ورحمة الله و بركاته
    انا قدمت علي ADSL من شركة TE DATA وكانت الامور ماشية كويس بس فوجئت ان الشركة اتصلت و قالت مينفعش بسبب خط التليفون مش نحاس فضروري يكون نحاس علشان الADSL يركب
    فيريت تمدوني بالمعلومات الكافية و الشاملة عن ADSL وليه خط التليفون يكون نحاس مع ان ADSL لا يرتبط بالتليفون

    ارجو الرد سريعاpls:

  2. #2
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    مشاركة: اللي في مصر يدخل

    عليك وعالسنترال .... ممكن خطك يكون هوائي ... او فيه اي عائق آخر ... الحل في ايد السنترال اللي انت تابع ليه

  3. #3
    عضو فضي الصورة الرمزية adam black ice
    تاريخ التسجيل
    Mar 2006
    المشاركات
    2,072
    معدل تقييم المستوى
    14

    مشاركة: اللي في مصر يدخل

    اها غالبا الحل فى السنترال واظن ان شركه TEDATA لديهم وحده هناك
    وممكن يكون وصله خط تليفونك قديمه

    Knowledge is belong to human

  4. #4
    عضو
    تاريخ التسجيل
    Apr 2003
    المشاركات
    98
    معدل تقييم المستوى
    0

    مشاركة: اللي في مصر يدخل

    ممكن يكون ليه علاقه بمقاومه السلك

  5. #5
    عضو
    تاريخ التسجيل
    Sep 2005
    المشاركات
    197
    الدولة: Egypt
    معدل تقييم المستوى
    13

    مشاركة: اللي في مصر يدخل

    الخط يا nazoor ارضي

    مشكورين علي ردكم

  6. #6
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    15

    مشاركة: اللي في مصر يدخل

    ج فكرتنى والله بالذى مضى
    أنا بعد ما إنتظرت 3 أشهر مع هذه الشركه ورايح جاى ما بين السنترال والشركه وفى آخر لحظه بعد طبعا ما قرفوا منى ومن رزالتى وإصرارى على تركيب الخط فوجئت بأخيننا اللى تبعهم فى السنترال بيقولى الخط هوائى وما ينفعش يركب عليه adsl
    أه ياولاد الــــــــــــــ !!!!ا
    المهم اخوك ما سكتش
    وطبعا إنت عارف إن اخوك صعيدى مجفل بسبعه تجفال من أم 6 تكات
    ورحت طايح فيهم شمال ويمين وشرق وغرب
    إزاى يا ولاد الــــــــــ ما تعرفوش ان الخط هوائى من 3 شهور وإزاى أساسا اخذتوا الموافجه قصدى الموافقه من المصريه للإتصالات على تركيب الخدمه
    قلتلهم انا ماليش دعوه الخط طلع هوائى فضائى مش مشكلتى انتوا واخدين فلوس ولازم تتصرفوا
    وحلفت بشنب جدى الكبير الفجعاوى باشا إن ما ركبش الخط لأكون نازل دلوقتى من السنترال ( لان إجتماع القمه الثلاثى بينى وبين المدير وفنى الشركه كان فى الفسحه بتاعة السنترال ) وجايب 3 عربيات نقل متحمله صعايده من اللى بياكلو الدود أبو مش واكون جايب عاليها واطيها !!!!!!!!!!!!!!!!!
    المهم بعد ما هديت طبعا والموضوع ده إتكلف حوالى 70 كوباية ليمون على 120 حاجه ساقعه
    ما تستغربش أصل اخوك شديد شويه ومش أى حاجه تهديه
    المهم عرفت من إبن الــــــــــــــ بتاع الشركه ان الموضوع كله فى إيد الواد بتاع الكابينه بتاع المنطقه
    المهم جبته وظبطته شاى ماشى حاجه ساقعه ما فيش مانع قهوه عادى يعنى الراجل هيخدمنا
    المشكله إنه كان عايز يتعشى
    الله يخرب بيت النت وسنين النت اللى خلانا نشوف الأشكال ديه
    المهم الخط إتحول أرضى وخلاص كله بقى فى التمام ورحت لأخينا بتاع شركة عذاب داتا علشان يركب adsl طلعلى بعد 3 ساعات وانا قاعد مستنى سيادته فى البرد لأن الكلام ده كان فى الشتا يقولى الخط عليه عزل أرضى كبير ومش ينفع التركيب
    آه يا إبن الــــــــــــــــ
    المهم إصطدت الخديوى أبو عجله علشان يشوف الموضوع ده وطبعا الموضوع كان عايز عشا لتانى مره
    شفتم خراب البيوت
    المهم خليته يركب الخط على port جديد خالص زى الفل
    وخلص على كده الموضوع بس بعد ما شفت الويل

    المهم بعد كده ومن خلال معاملتى مع الشركه أن شغلهم نضيف جدا والسرعه ممتازه أيا ما كنت مشترك على 512 كانت بتوصل من 55-60 ودلوقتى انا على 256 والسرعه برضه حلوه بتوصل لغاية 30 واحيانا بتنط فجأه كده لأرقام غريبه يعنى 100 ، 120 بس فى السريع يعنى

    يلا بقى باى لأحسن انا صدعتكوا
    وإنتظرونى فى الحجايه الجايه إنشاء الله من حكايات عمو ماهر والنت
    وما تنسوش تدعوا قبل ما تناموا عاللى إخترع النت وتقولوا
    منه لله البعيد !!!!!!!!!!!!!!!!!!

  7. #7
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    مشاركة: اللي في مصر يدخل

    يا راجل ... هو من غيره كنت عرفت الناس اللي زي الفل دول؟؟؟

    ربنا يعمر بيته

    مشاكل التركيب عادية والكل عانى منها ...المهم انك تكون بعد الإشتراك والتجربة ... تكون مبسوط وشايف انك واخد حقك

  8. #8
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    15

    مشاركة: اللي في مصر يدخل

    بصراحه انا واخد حقى وزياده
    انا لغاية دلوقتى بتاريخ 10-7 ما دفعتش الإشتراك اصل المحصل جه وملقانيش وسابلى العقد بتاع الشهر فى باب البيت وأخوك بقى بقى مديها طناش بقالى أسبوع من ساعة المحصل ما جه ولسه ما قطعوش الكونيكشن
    مش عارف العالم ده نايمه على نفسها ولا إيه أصل ميعاد التجديد يوم 27 من كل شهر يعنى 13 يوم تاخير
    ولا يمكن صابرين على صبر الوحش على الجحش
    أروح أدفع بكره يا عم فى الشركه ليقطعوا عنى مياه ونور
    بلا باى علشان عايز انام
    هااااااااااااااااااااااااااااااااااااااااااااااااا ااااااوم

  9. #9
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    15

    مشاركة: اللي في مصر يدخل

    بالمناسبه يا نازوووووووووووووووور
    عايزك تشوف لاخوك الفرق بين الأسعار ديه
    http://www.tedata.net/ADSL_pricing.htm
    والأسعار ديه
    http://www.tedata.net/ADSL_Pricing2.htm
    أو بمعنى أصح ايه الفرق بين adsl 1:4 وadsl 1:2
    انا كنت عارف أن نزول الأسعار وراه لعبه كبيره

  10. #10
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    مشاركة: اللي في مصر يدخل

    الموضوع لا يوجد به لعبة كبيرة ولا اي حاجة ..... والسرعات 1:4 و 1:2 موجودين من ايام الأسعار القديمة والفكرة كلها في نسبة ال Upstream مقابل ال Downstream في حالة 1:4 يكون ال Upstream 256Kbps مقابل 64kbps لل Upstream

    بينما في ال 1:2 يكون 256 لل Downstream مقابل 128 لل upstream

  11. #11
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    15

    مشاركة: اللي في مصر يدخل

    شكرا على التوضيح يا صاحبى
    مش عارف من غيرك كنت عملت إيه

  12. #12
    عضو
    تاريخ التسجيل
    Apr 2006
    المشاركات
    3
    معدل تقييم المستوى
    0

    مشاركة: اللي في مصر يدخل

    السلام عليكم
    طبعا اللي انت مريت بيه ده انا شوفت اكتر منه والله دة خراب بيوت انا غيرت سلك التليفون مرتين طبعا غير اول نوع كان راكب وطبعا الروتر شئ اكيد اتغير مرتين والاسبليتر بقي اسبوعيا بيتغير
    والناس اللي معايا علي الشبكة زهقم مني والله حتي بتوع الشركة زهقم مني كمان وفي الاخر يقولك النت عندك بطئ علشان انت التيست اللي جاي من السنترال مش قد كداا مع العلم انا جمبي سيبر واخد من نفس التسيت وشغال زي الفل
    دول ياعم عاوزيين يطلعوا الحجة في اي حاجة وخلاص مش فيهم يعني
    انا كنت هفصل خلاص بس اللي شجعني استمر تخفيض الاسعارWink:
    المهم الحمد لله شغار اهو بس اكتر حاجة ادون عليها هيا 30 وسعات تنزل 10 او اقل
    المهم احسن من مفيش وخلاص دة انا كنت في عذاب

    علي فكرة انا واخد من لينك دوت نيتCon:

  13. #13
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    15

    مشاركة: اللي في مصر يدخل

    طب يا سيسو ما قلتلناش انت سرعتك كام وانت دلوقتى بدون على 30 إوعى تقولى 256 لأحسن أقولك حرام عليك يا راجل 30 ديه أعلى سرعه ل 256
    بطلوا افترا بقى ( طبعا الكلام ده هتسمعوا منى لو كانت سرعتك 256)
    اما لو كانت 512 فهتسمع كلام تانى خالص
    مثال 1: يا عينى يا حبيبى قلبى معاك
    مثال2: يا ضنايا يا بنى يا جدر البطاطا

    وعلى فكره بقى( بينى وبينى ما تقولش لحد ) فى كلام كتير بيتردد من تحت لتحت ان الشركات لما بيكون عليها ضغط بتوصل ناس تانيه معاك على نفس البورت بتاعك يعنى بيشاركوك سرعتك

    الله يسامحنى بقى لو كنت بجيب فى سيرة الناس بالوحش
    يالا بقى بقى
    والى اللقاء فى الحلقه القادمه من حلقات المسلسل الشهير ( خراب البيوت المستعجل )

  14. #14
    عضو
    تاريخ التسجيل
    Apr 2006
    المشاركات
    3
    معدل تقييم المستوى
    0

    مشاركة: اللي في مصر يدخل

    اقتباس المشاركة الأصلية كتبت بواسطة ماهر
    طب يا سيسو ما قلتلناش انت سرعتك كام وانت دلوقتى بدون على 30 إوعى تقولى 256 لأحسن أقولك حرام عليك يا راجل 30 ديه أعلى سرعه ل 256
    بطلوا افترا بقى ( طبعا الكلام ده هتسمعوا منى لو كانت سرعتك 256)
    اما لو كانت 512 فهتسمع كلام تانى خالص
    مثال 1: يا عينى يا حبيبى قلبى معاك
    مثال2: يا ضنايا يا بنى يا جدر البطاطا

    وعلى فكره بقى( بينى وبينى ما تقولش لحد ) فى كلام كتير بيتردد من تحت لتحت ان الشركات لما بيكون عليها ضغط بتوصل ناس تانيه معاك على نفس البورت بتاعك يعنى بيشاركوك سرعتك

    الله يسامحنى بقى لو كنت بجيب فى سيرة الناس بالوحش
    يالا بقى بقى
    والى اللقاء فى الحلقه القادمه من حلقات المسلسل الشهير ( خراب البيوت المستعجل )






    السلام عليكم
    اسف علي التأخير في الرد
    المهم فعلا انا 256:up:
    بس والله اتبهدلت علي ما النت بقي كويس عندي
    وآخر خبر عندي ان الروتر عاوز يتغير علشان بقي بيخرف ممكن الاربع لمض يبقو شغلين والنت مش شغال او مثلا اشيل كبل الايزرنت يقوم النت شغال تاني
    حورات والله هتخلي الواحد يتجننLooL

  15. #15
    عضو
    تاريخ التسجيل
    Aug 2006
    المشاركات
    1
    معدل تقييم المستوى
    0

    مشاركة: اللي في مصر يدخل



    السلام عليكم
    نقول tedata ولا نقول link والله كل شركة وليها عيوب
    tedata دلوقتي تبقى انت متعاقد على 512 والنت يشتغل والسرعة كويسة يعني بداون ب 55 او 60 كده تمام ... واذ فجأة تلاقي النت وحش جداً والداون ب 30 فشكيت ولما دخلت على السوفتويير بناع الراوتر لقيت اني شغال 256 مش 512 وشغال بقالي فتره كمان الله اعلم اد ايه ولما كلمتهم طبعا مفيش حد هايعبرك على مدار 24 ساعه....ولما روحت واتخانقت معاهم رجعوا السرعه تاني .... وعلى فكره الموضوع ده مش صدفة او غلطة لأن انا عندي 4 شبكات من tedata والموضوع ده اتكرر في كل الشبكات الي عندي
    معنى كده انهم بيقللوا السرعة عن عمد لأن الضغط عليهم كبير والباندويدث مش مكفي الناس خصوصاً بعد ما الاشتراك سعره قل وانا باكتب الكلام ده هاروح للشركة تاني عشان اتخانق معاهم تاني لنفس السبب منتهى قلة الادب والاستخفاف بالتاس ... انا عشان فاهم قدرت اعرف السرعة الحقيقية لكن في ناس كتير مش حاسه بحاجه...
    اما بالنسبى للينك اعتقد ان نفس الموضوع بيحصل بس لما تدخل على السوفت وير بتاع الروتر مش هاتقدر تحدد السرعة الي وصلالك لأنهم مدخلين ارقام غريبة...
    حسبي الله ونعم الوكيل

صفحة 1 من 2 1 2 الأخيرةالأخيرة

المواضيع المتشابهه

  1. اللي يعرف تحميل Far Cry 2 يدخل
    بواسطة كلان في المنتدى الأرشيف
    مشاركات: 0
    آخر مشاركة: 08-11-2012, 02:59
  2. كك اللي بيلعب WOW سرفر خاص يدخل
    بواسطة Unstoppable في المنتدى الأرشيف
    مشاركات: 3
    آخر مشاركة: 26-02-2011, 20:17
  3. كل اللي بيعرف في بارتشن ماجيك يدخل
    بواسطة mody73 في المنتدى مشاكل الحاسب وحلولها
    مشاركات: 6
    آخر مشاركة: 04-07-2010, 19:13
  4. اللي في الكويت ... بليز يدخل
    بواسطة م.م.معالي في المنتدى الأرشيف
    مشاركات: 9
    آخر مشاركة: 09-07-2006, 14:16

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •