صفحة 1 من 5 1 2 3 4 5 الأخيرةالأخيرة
النتائج 1 إلى 15 من 75

الموضوع: شرح التسجيل فى مواقع التورنت الخاصه عن طريق البروكسى والمحافظه على الاكونت

  1. #1
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    شرح التسجيل فى مواقع التورنت الخاصه عن طريق البروكسى والمحافظه على الاكونت




    شرح التسجيل فى مواقع التورنت الخاصه عن طريق البروكسى والمحافظه على الاكونت



    اخوانى الافاضل اعضاء المنتدى الكرام لاحظت ان بعض الاعضاء لايستطيع التسجيل فى مواقع التورنت الخاصه والمحجوبه فى الدول العربيه وعند امكانية البعض فى التسجيل يتم قفل الاكونت من قبل الموقع نظرا لعدم فهم التعامل مع هذه المواقع ومن منطلق ذلك السياق قررت ان اكتب هذا الموضوع عن شرح التسجيل فى المواقع الخاصه وخصوصا المحجوبه فى الدول العربيه وذلك عن طريق استخدام البروكسى وكيفية الحفاظ على الاكونت بعد التسجيل حتى لا يتم قفله .

    وساقوم بتلخيص الموضوع فى النقاط التاليه

    اولا : كيفية استخدام البروكسى
    ثانيا : كيفية التسجيل فى المواقع الخاصه
    ثالثا : كيفية الحفاظ على الاكونت






    اولا : كيفية استخدام البروكسى


    بداية يوجد بعض مواقع التورنت الخاصه محجوبه فى بعض الدول العربيه وعندما تفتح التسجيل لا يعرف الكثير كيفية التسجيل بها ........ والطريقه المثلى للتسجيل هى عن طريق تغيير البروكسى ..... فدعونا نتعرف على البروكسى وكيفية استخدامه والبرامج المستخدمه لتغيير البروكسى .

    البروكسى هو عباره عن وسيط بينك وبين مواقع النت المختلفه وبالتالى فهو نوعا ما بطئ لانك جعلت بينك وبين الموقع الذى تريد الدخول عليه وسيطا بخلاف انك تتصل مباشرة بالموقع بدون استخدام البروكسى فيكون اسرع وافضل ...
    ولكننا نلجأ عادة لاستخدام البروكسى عندما يكون الموقع محجوب عنا فنضطر وقتها لعمل وسيط بينا وبين المواقع المحجوبه والتى نحاول الدخول عليها .

    والمواقع المحجوبه عنا تحجب عن طريق منع الايبيهات الخاصه بنا من الاتصال بالموقع ...... اذن فما هى الايبيهات الخاصه بنا

    الصوره التاليه توضح ذلك





    1- الايبيهات دى خاصه بالرواتر مثل 10.0.0.2 , 192.168.1.1 , 192.168.16.1 ....... الخ وليست هى الايبيهات المقصوده علشان ما فيش حد يفكر انى دى الايبيهات الى بيتعامل بيها مع مواقع التورنت ......

    تمام يبقى نعرف ازاى الايبيهات المقصوده
    عن طريق الدخول على الرابط التالى

    https://www.ip-adress.com/

    تابعوا معايا الصوره الى جايه





    1- دا الاى بى المقصود 41.237.249.137 وليس الخاص بالرواتر .
    تمام طيب الاى بى دا احنا ممكن نغيره طبعا ودى سهله جدا اننا نطفى الراوتر ونشغله تانى لان الراوتر اول ما يطفى ويشتغل بياخد ايبيهات تانيه خاصه بيه بالدوله الى انا فيها .... وفيه طريقة تانيه لتغيير الاى بى وهى عن طريق البروكسى ودى شرحها جاى ان شاء الله .
    2- البلد الى انا فيها والمدينه بتاعتى .
    3- شركة النت الى انا موصل منها .

    يبقى هنا نيجى لنقطه مهمه

    لو انا حبيت انى اسجل فى موقع تورنت باكتر من اكونت سهله جدا وهانعمل زى ما وضحناها انا هاعمل اكونت وبعدين هاطفى الراوتر وبكده الاى بى هايتغير وبعدين اعمل اكونت تانى وهكذا ....... او عن طريق تغيير البروكسى

    بس فيه هنا نقطه مهمه ما ينفعش انى لما اجى ادخل الموقع الى انا سجلت فيه باكتر من اكونت انى ادخل باكونت وبعدين اخرج منه وبعدين ادخل بالاكونت التانى .... هنا بقى انساهم الاتنين ليه لانك دخلت بــ 2 اكونتعلى نفس الاى بى ودى ممنوعه فى مواقع التورنت يبقى هنا لازم لما احب ادخل على الاكونت الاخر لابد من تغيير الاى بى عن طريق اطفاء الراوتر وتشغيله او عن طريق تغيير البروكسى .......

    ودا بالنسبه للمواقع الغير محجوبه تمام ...... طيب بالنسبه للمواقع المحجوبه هل ينفع الطريقه الى انا بطفى فيها الراوتر واشغله طبعا ما ينفعش لان الراوتر كل اما يشتغل تانى هاياخد ايبيهات مختلفه ولكن لنفس الدوله بتاعتى الى هى اصلا محجوبه .... طيب وبعدين ايه العمل هنا ........
    هانلجأ هنا لاستخدام البروكسى وزى ما اتفقنا االبروكسى عباره عن وسيط بينى وبين الموقع الى انا عاوز اسجل فيه وهنا هاختار ايبيهات لاى بلد غير محجوب عن التسجيل ....... طيب هانعمل كده ازاى

    انا عن نفسى بعتبر برنامج Mask Surf Pro الافضل والافضل على الاطلاق لتغير البروكسى نظرا لسهولة التعامل به ودقته الشديده فى تغيير البروكسى وانا بقالى فتره كبيره باستخدمه ولم يتك كشفى من قبل اى موقع .....

    ودا رابط تحميل البرنامج



    https://www.mediafire.com/?o1jdfmmlzkidt9g


    ساشرح اولا طريقة تفعيل البرنامج






    1- هاعمل كليك يمين على ملف register المرفق مع البرنامج واخده copy واعمله past فى نفس المسار الى انا سطبت فيه البرنامج فى programfile

    تمام وبعدين




    انا وضعت ملق الرجيستر فى مسار البرنامج هاعمل ايه
    1- هاضغط على ملف register
    2- هايطلع القايمه دى تمام

    وبعدين







    1- هاضغط على ملف keymaker المرفق مع البرنامج
    2- هايطلع القايمه دى هاخد منها السيريال copy

    تمام وبعدين





    1- هاضع هنا السيريال الى اخدته كوبى
    2- هايظهر رساله بتقول key is valid ولا يهمك اضغط ok وكده مبروك عليك البرنامج اتكرك وكل تمام





    بعد ما حملنا البرنامج وفعلناه هانفتح البرنامج ونعمل الاتى





    انا سطبت البرنامج وكله تمام هادخل على Option تمام وبعدين
    1- هادخل على Profiles Center
    2- هاحدد منها نوع المتصفح الى انا هاستخدمه لتغيير البروكسى وانا انصح هنا بــ Internet Explorer

    تمام حددنا المتصفح وبعدين





    1- هادخل على Country Seliction تمام وبعدين
    2- هاضغط على Obtain The list Of Country
    3- هاتظهر هنا قايمة الدول اختار الدوله الى انا عاوزها واضغط عليها كليك شمال
    4- اضغط على Select Country هاتظهر قايمه تانيه اصبر ثوانى واضغط منها على ok
    5 - هاضغط ok
    تمام لحد كده احنا حددنا الدوله الى احنا عاوزنها طيب انا عاوز اتاكد ان كل الى عملته تمام ...
    تابعوا معايا





    1-هاضغط كليك يمين على اختصار البرنامج الى موجود فى التاسك بار وختار Privacy Test تمام ..... اول ما اضغط عليها هايجيب لى بيانات البروكسى بتاعى

    تابعوا معايا





    هنا ادانى البيانات بتاعتى انا كنت اختارت دولة ايطاليا فى الاول وهو هنا ادانى ان الدوله بتاعتى ايطاليا ومدينى الاى بى بتاعى تمام ...
    طيب كده بقى اقدر انى ادخل على المواقع المحجوبه واسجل عادى جدا تمام .... دلوقتى انا عاوز اعمل اكونت كمان ممكن ينفع طبعا عادى جدا بس فيه حاجه لازم اعملها........
    احنا اتفقنا اننا ما ينفعش اننا نسجل باكتر من يوزر على نفس الاى بى يبقى هنا لازم نغير الاى بى ..... طيب انا هاغير اى بى ازاى من البرنامج نفسه......
    هاضغط كليك يمين على اختصار البرنامج فى التاسك بار واختار هنا بقى Change False Ip تمام دى هاتغيرلى الاى بى وعلى نفس الدوله وبكده ممكن بسهوله انى اسجل اكونت تانى .......
    هنا واحد يقول انا سجلت مثلا 3 مرات بـ 3 ايبيهات مختلفه طيب لما اجى ادخل على الموقع بعد كده هاعمل ايه.....
    سهله جدا هاعمل زى ما عملت بالظبط وانا بسجل افتح البرنامج واختار نفس الدوله الى انا اخترتها وانا بسجل ودا مهم جدا اوعى حد ينساها لانك لو دخلت بايبيهات دوله اخرى هايتعمل بلوك على اليوزر بتاعك وكل سنه وانت طيب .......... تمام انا غير ت الاى بى ودخلت على الاكونت بتاعى طيب انا كنت مسجل 3 مرات انا محتاج ادخل على اى اكونت تانى من الى انا عملتهم سهله جدا هنا بقى اقفل صفحة النت الى انت فاتح فيها الاكونت الاول وغير الا بى وادخل على الاكونت التانى بكل سهوله وما فيش اى مشاكل

    وبكده نكون عرفنا نسجل ازاى فى مواقع التورنت المحجوبه والتى تحتاج الى البروكسى للتسجيل فيها .





    ثانيا : كيفية التسجيل فى المواقع الخاصه

    طبعا المواقع الخاصه مشهوره جدا والكل بينتظر انها تفتح التسجيل وياسلام اول ماتفتح يبقى الموقع عليه ضغط كبير جدا وكل اما نيجى نسجل يقولى ان السيرفر مشغول حاول مره اخرى والمشكله ان معظم المواقع الخاصه بتفتح التسجيل اما لعدد معين او لمده معينه وغالبا بتقفل التسجيل بسرعه ......

    طيب انا جيت اسجل ولاقيت السيرفر بيقولى انه مشغول هاعمل ايه تابعوا معايا بس

    انا هاشرح على موقع بلاك كاتس


    https://www.blackcats-games.net/





    1- انا جيت افتح الموقع للتسجيل لاقيتوا كاتب Signup Bussy , Pleas Try Agian يعنى التسجيل مشغول حاول مره اخرى .
    2- اول ما يدينى انه مشغول هافضل اعمل Refresh للصفحه مره تلوا الاخرى لحد ما يفتح انا عن نفسى ما بتعديش معايا حوالى 8 - 10 مرات Refresh ولاقيه فتح معايا .

    تمام الموقع فتح ابدأ اسجل بيانتى زى الصوره الى جايه





    تمام كده الموقع فاتح اسجل واكتب بياناتى ومعظم المواقع بترسل رابط تفعيل على الاميل الى انا سجلت بيه لازم اول ما اسجل ادخل على الاميل وافتح الرابط وفعله .

    واحنا اتفقنا ان كل ده هانعمله واحنا مغيرين البروكسى من اول ما افتح الموقع واسجل فيه - ولما افتح الا ميل وفعل الاكتفيت بتاع الموقع - ولما ادخل على الموقع بعد كده .

    وفيه ملحوظه كمان اوعى حد يتلغبط فيها احنا اتفقنا اننا هانعمل البروكسى على Internet Explorer تمام معنى كده انى لما افتح Internet Explorer هايفتح على البلد الى حددتها فى برنامج Mask Surf Pro اوعى حد هنا ينسى ويكون مسطب الفاير فوكس او اى متصفح تانى ويفتح الموقع عليه كده انسى الاكونت بتاعك اتقفل رسمى لان المتصفح التانى هايكون على الايبيهات بتاعتى الخاصه بالدوله الى انا عايش فيها زى ما وضحناها قبل كده .






    ثالثا : كيفية الحفاظ على الاكونت

    احنا الحمد لله سجلنا هنا بقى كل واحد لازم يدخل على (faq - rules) الخاصين بالموقع ويقراهم كويس جدا علشان يعرف ايه متطلبات الموقع .

    معظم المواقع بتطلب طبعا من كل مشترك فيها انه يعمل سيدر بس هنا فى المواقع الخاصه فيه مشكله اننا فى الغالب لازم نستعمل الرفع الوهمى علشان احافظ على الاكونت بتاعى انه يتقفل ....... ليه لازم الجأ للرفع الوهمى انا جربتها اكثر من مره انى اعمل سيدر لاى لعبه انا نزلتها لدرجة انى كنت بسيبها حوالى اسبوعيى وفى النهايه الراشيو لا تتعدى 0.4 ودى مشكله لان اغلب المواقع بتطلب ان نسبة الراشيو لا تقل عن 0.5 ومواقع اخرى 1 ......
    ملحوظه : نسبة Ratio ناتج قسمة الابلود على الداونلود اى نسبة الرفع الى التحميل .

    وبالنسبه للرفع الوهمى انا بفضل برنامج mRatio سهل فى استخدامه ولم يتم اكتشافه معى عند استخدامه ..

    ودا رابط تحميل البرنامج



    https://www.mediafire.com/?9z94pvo9mx4gzs8

    تمام انا حملت البرنامج وفتحت البرنامج اعمل ايه تابعوا بس معايا





    انا هنا هاظبط اعدادات البرنامج
    1- هادخل على File واختار Option
    2- هادخل على Option
    3- هنا بقا هاحدد سرعة الابلود وهاخليها فى رينج من مثلا 1500 الى 2024 كيلو بايت يعنى سرعة الرفع لاتتعدى 2 ميجا ودا مناسب جدا والرينج فايدته ان سرعة الابلود ما تكونش ثابته لانها لو ثابته ممكن تنكشف ..
    4- سرعة الداونلود وهاخليها مثلا من 3000 الى 5000 كيلوا بايت يعنى لايتعدى الداونلود 5 ميجا ودا مناسب جدا
    5- هنا بيقولى اوقف الملف الى شغال فى البرنامج لما تكون نسبة الراشيوا بتاعته قد ايه انا هاعملها مثلا 3 او 2 ودا مناسب جدا انا بعمل كده وشغال معايا تمام .
    6- اضغط ok
    تمام انا ظبط اعدادات البرنامج هادخل بقى الموقع الى انا عاوز اعمله رفع وهمى وانزل ملف تورنت منه ........ هنا سؤال ينفع انزل اى ملف تورنت من الموقع واعمله رفع وهمى لا طبعا تابعوا معايا الصوره الى جايه





    1- Seeds دول الى نزلو ملف التورنت ودى انا بحتاجها بس لما بعمل داونلود انى اختار اعلى سيدر وعموما فى مواقع التورنت الخاصه مش هاتفرق كده كده بتكون السرعه عاليه جدا .
    2- leech ( الناس الى بينزلوا الملف ) دى بقا الى تهمنا وانا بعمل رفع وهمى لازم لما ارفع وهمى لاى حاجه اختار اعلى Leechers وبمجرد مااضغط على كلمة Leechers هايرتبلى الملفات ترتيب تنازلى من الكبير الى الصغير واختار انا اعلى Leechers .

    تمام انا نزلت الملف هاعمل ايه بعد كده

    هافتح برنامج Mratio وهاعمل الاتى





    1- هاضغط على Add واختار ملف التورنت الى انا نزلته من الموقع
    2- اختار البرنامج بتاع التورنت اى حاجه مش هاتفرق
    3- اعمل Add

    تمام وبعدين




    انا طبعا عملت اضافه لملف التورنت الى انا نزلته تمام وبعدين
    1- هاضغط على START علشان يبدأ فى العمل
    2- هاضغط على كلمة SCRAP علشان يظهرلى Seed , Peers
    3- ظهر هنا Seed , Peers

    واسيبه شغال مع نفسه وهو هايخلص لما نسبة الراشيوا توصل للرقم الى انا كنت واضعه فى اعدادات البرنامج .


    وبكده اكون انتهيت من شرح الموضوع

    وانا عملت 5 اكونت على موقع https://www.blackcats-games.net/ ساضعهم فى قسم الترونتات الخاصه لمن يحتاجهم


    ارجوا من الله ان اكون وفقت فى هذا الموضوع
    واتمنى من مشرفى القسم والاعضاء الافاضل ان يضعوا هنا كل ماكان منى من خطأ او نسيان او نقص









  2. #2
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,882
    معدل تقييم المستوى
    33

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع اكتر من رائع تقبل تقيمي
    [CENTER][URL="https://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]https://card.josh-m.com/live/deluxe/Ahmed Hassan33.png[/IMG][/CENTER]

  3. #3
    عضو برونزي الصورة الرمزية KingZero
    تاريخ التسجيل
    Jul 2009
    المشاركات
    264
    معدل تقييم المستوى
    17

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    جبار جبار جبار جبار تسلم ايديك وربنا يكرمك

    تحياتي

  4. #4
    عضو
    تاريخ التسجيل
    Nov 2009
    المشاركات
    206
    الدولة: Egypt
    معدل تقييم المستوى
    0

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    الف شكر على الموضوع الاكثر من رائع
    بس ياريت تكتبلنا السيريال لان ملف الkey مش راضى يفتح معايا

  5. #5
    عضو ذهبي الصورة الرمزية deplome
    تاريخ التسجيل
    Sep 2009
    المشاركات
    1,795
    الدولة: Egypt
    معدل تقييم المستوى
    21

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    جميييييييييييييييل يا معلم

    من اول امبارح بفكر اعمله بس مش فاضي :p

    مجهود جبار

    بالتوفيق

  6. #6
    عضو
    تاريخ التسجيل
    Feb 2009
    المشاركات
    99
    الدولة: Saudi Arabia
    معدل تقييم المستوى
    0

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع رائع

    شكرا ليك

  7. #7
    عضو الصورة الرمزية net_cruiser
    تاريخ التسجيل
    Jun 2009
    المشاركات
    230
    معدل تقييم المستوى
    15

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع رائع و متميز و لكن هناك شىء يجب التنويه عنه لانك ممكن تشترك فى تراكر و تطير باقى التراكرز اللى عندك:D
    و دا فى حالة لو انت مشغل اليوتورنت مثلا و نسيته شغال بيحمل من تراكرز تانية و عملت نظام البروكسى علشان ليك اكونت عمله بالبروكسى كدا انت غيرت الاى بى الخاص ببلدك و اللى انت مشترك عليه بباقى التراكرز فهيطير حساباتك بالتراكرز الاخرى
    ارجو اضافة هذا التنويه للموضوع فيجب توخى الحذر بغلق اى تورنت كلينت قبل العمل بالبروكسى

    وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ (5)وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُمْ مَا كَانُوا يَحْذَرُونَ


  8. #8
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,882
    معدل تقييم المستوى
    33

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    عندي اقتراح اتمنى انه يعجبكوا
    الموضوع دا وموضوع الCSS بينصبوا ف حماية الاكونتات والحفاظ عليها
    ايه رايكوا لو نعملها موسوعة او مكتبة
    ونحط فيها الموضوعين دول ونلحق بيهم كمان مواضيع الغش ؟
    يبقى موضوع واحد وفيه لينكات للحاجات دي
    [CENTER][URL="https://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]https://card.josh-m.com/live/deluxe/Ahmed Hassan33.png[/IMG][/CENTER]

  9. #9
    عضو فضي
    تاريخ التسجيل
    Jan 2010
    المشاركات
    505
    الدولة: Egypt
    معدل تقييم المستوى
    16

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    برنس بجد والله ,, تسلم ايدك وتم التقيم ,,

  10. #10
    عضو برونزي الصورة الرمزية drnemo6
    تاريخ التسجيل
    Jan 2010
    المشاركات
    734
    معدل تقييم المستوى
    18

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    شكرا على الموضوع والشرح الجميل
    بس انا الصراحة مش بحب حوار البروكسى
    وزى ما انتا ذكرت التحميل عيكون
    نوعا ما بطئ لانك جعلت بينك وبين الموقع الذى تريد الدخول عليه وسيطا
    والموقع الى عامل بان لبلدى يغور ومش عايزه
    فيه كتير غيره احسن منه


  11. #11
    عضو
    تاريخ التسجيل
    Nov 2009
    المشاركات
    206
    الدولة: Egypt
    معدل تقييم المستوى
    0

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    انا سجلت فى https://www.blackcats-games.net بالبروكسى على انترنت اكسبلور و قولت افتح كده من موزيلا فيرفوكس فالموقع فتح عادى مع انى عامل اعدادات البرنامج على انترنت اكسبلور فانا خوفت فشيلت البرنامج من على الجهاز و رستارت الجهاز بس الغريب ان الموقع بيفتح عادى بعد ما شيلت البرنامج
    فده معناه ان الاى بى لسة متغير حتى بعد مامسحت البرنامج


  12. #12
    عضو فضي الصورة الرمزية event88
    تاريخ التسجيل
    Aug 2009
    المشاركات
    5,421
    الدولة: Sudan
    معدل تقييم المستوى
    52

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    ماشاء الله عليك أخي طاهر , قمة النشاط بجد روعة تستحق مليون تقييم يا أخي
    الله يبارك فيك ويحفظك

  13. #13
    عضو
    تاريخ التسجيل
    Oct 2008
    المشاركات
    283
    الدولة: Egypt
    معدل تقييم المستوى
    17

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع ممتاز
    لكن هناك أستفسار : التحميل من الclient بعد تنزيل الملف من الموقع هل يتم بأضافة البروكسي أم عادي
    و سؤال تاني هل معني كده أني مش ينفع أخش موقع البلاك كاتس مثلا بأي بي مصري ؟ حتي بعد التسجيل و التفعيل؟

  14. #14
    عضو الصورة الرمزية fakee25
    تاريخ التسجيل
    Nov 2007
    المشاركات
    159
    الدولة: Egypt
    معدل تقييم المستوى
    0

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع اكثر من رائع

  15. #15
    عضو برونزي الصورة الرمزية DrHide
    تاريخ التسجيل
    Oct 2009
    المشاركات
    415
    الدولة: Egypt
    معدل تقييم المستوى
    16

    رد: شرح التسجيل فى مواقع التورنت الخاصه عن طريق البروكسى والمحافظه على الاكونت

    موضوع هايل وارجو من الاشراف تثبيته بس عايز اسال نفس الاسئلة اللى لسه ماتردش عليها
    1- هل فعلا لو نسيت التحميل شغال هتتقفل الاكونتات بتاعتى فى التراكرات التانيه؟
    2- بعد ما انزل التورنت فايل ممكن ابدا احمل بالايبى المصرى عادى ولا لازم اشغل البروكسى
    3- لاهل الخبرة مع بلاك كاتس هل الراتشيو ماستر شغال مع بلاك كاتس ولا ايه؟

صفحة 1 من 5 1 2 3 4 5 الأخيرةالأخيرة

المواضيع المتشابهه

  1. مشاركات: 17
    آخر مشاركة: 12-03-2013, 23:37
  2. مشاركات: 5
    آخر مشاركة: 11-03-2013, 15:31
  3. جميع مواقع التورنت الخاصة الى فاتحة التسجيل
    بواسطة elsaidhablas في المنتدى الارشيف
    مشاركات: 8
    آخر مشاركة: 11-06-2012, 16:02
  4. تعدد الاكونت فى مواقع التورنت
    بواسطة TaHeR.NaBiL في المنتدى الارشيف
    مشاركات: 19
    آخر مشاركة: 24-08-2011, 22:56
  5. قائمة مواقع التورنت فاتحة التسجيل مع التحديث
    بواسطة Kpanii في المنتدى الارشيف
    مشاركات: 7
    آخر مشاركة: 25-01-2010, 11:37

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •