طلب من أهل الامارات

[أبو العنود]

طلب مني لأهل الامارات خاصتا الي في بوظبي

وين ألاقي معدات التبريد الأصليه في أبوظبي

المراوح والمعاجين وأكون شاكر لكم

وثانكيووووووو مقدماً :up:

[أبو العنود]

وينكم يا شباب بليييز ساعدوني(BB)

[فلوبي]

لا اعلم بالتحديد محل معين لاني اشتري جهاز كامل ولا اجمع بنفسي

[UAEmirates]

بوظبي مافيها شي يستاهل
سير دبي و بتحصل الي تباه

[dxbboy77]

بوظبي مافيها شي يستاهل
سير دبي و بتحصل الي تباه

كلامك صح ..!!

وحتي لو لقيت شي في بوظبي رايح تلقي + 100 الي 150 درهم زيادة عن دبي ..!!

[أبو العنود]

مشكورين وما قصرتوا (مع انكم طحتو على بوظبي) g:

وفي دبي في أماكن معينه ولا في كل مكان بلقاه؟؟ ... (عارف اني ثقيل دم) :D

[فلوبي]

بوظبي ارخص عن دبي من تجربتي وانا اتحدى فها الشي

هناك بعض المحلات تحاول الاستغلال لكن ...محل مثل سبيد اسعاره جيدة

مثلا سألت عن راوتر من لينكسس قبل سنة او اكثر في دبي واكثرهم قالوا ب 375 درهم

واشتريته من محل سبيد بابوظبي ب 340 درهم

مثال اخر كرت شبكة خارجي في معرض جيتكس نوع روبتكس وقالوا لي ب 190 درهم وبعضهم يقول لي 200

توجهت في اليوم التالي للدراسة بالعين و اشتريته من محل بالعين ب 170 درهم نفس الموديل تماما

و بعد ايام نزلت لمحل اخر في العين ووجدته ب 150

والله على ما اقول شهيد

[أبو العنود]

مشكور أخ فلوبي على هالتواصل

وان شاء الله باخذلي لفه في بوظبي وبعدين بسير دبي

[UAEmirates]

الأخ فلوبي

انت تتكلم عن فرق 10 و 20 درهم و هذا الشيء يعود لإرتفاع الإيجار و مثل ما هو معروف المحلات في دبي إيجارها غالي و شيء طبيعي تكون أسعارهم مرتفعه شوي .

نحن نتكلم عن توفر أجزاء الكمبيوتر مثل المعالجات و الرامات و لوحات الأم و الي هي أساس الكمبيوتر , انا سالت كم محل في بوظبي عندك معالج AMD ? يرد علي ويقولي لا ما عندي لان معالجات AMD إذا إختربت بتخرب الكمبيوتر كله !!!! قمة التخلف .

بوظبي تنفع حق الإكسسوارات الخارجيه مثل الراوتر الي تكلمت عنه او كيبورد او ماوس بس اما القطع الجامده لا تضيع وقتك معاهم

و انا اقول هالكلام و انا من بوظبي مش من دبي عشان ما تقولون متعصب

[أبو العنود]

هيه أنا اعتقد أنه صح كلامك يا UAEmirates من هالناحية لأنه أهل أبوظبي خلاص
متعودين على البنتيوم والانتل.
حتى أنا مره قلت لصاحب محل كمبيوتر عندك مذربورد MSI أو GIGABYTE قالي شو تبى منهم مافي أحسن من الانتل وسوالي أكبر دعايه على الانتل وحطم الشركات التانية تحطيييييييييييم، طبعا مب كل المحلات بهالشكل بس الغالبيه،،، ودمتم


وشو رايكم بالتوقيع شباب Wink:

[EH@B]

ما عندك غير شارع خالد بن الوليد - دبي

[AD1]

السلام عليكم

الله يهديكم

الريال طلب اشياء مب موجوده في بوظبي

خلاص يعني

دبي - العين بلازا - شارع خالد بن الوليد

وبس

::::::::::::

[الحاتمي]

النسر الذهبي هو وكيل الجيجابايت في أبوظبي
مكانه / خلف سينما الدورادو .
سبييد جيد واسعاره مقبوله ..

[أبو العنود]

مشكورين أخواني على هالاهتمام

وشكر خاص للحاتمي