الحاسب الآلي وغلاء الأسعار وقانون حماية المستهلك الجديد 2014 (موضوع موحد)

[samehhero]

بسم الله الرحمن الرحيم


في البداية أبدأ بقول الله عز وجل {وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ}... (الطلاق:2-3)

فيا أيها التجار والمستوردين والموزعين.. اتقوا الله فينا يرزقكم الله من حيث لا تحتسبوا

سنناقش في هذا الموضوع غلاء الأسعار للحاسب الآلي عموماً.. ولكروت الشاشة خصوصاً وعلاقتها بجهاز حماية المستهلك

لقد صدر كارت gtx 970 وتوفر في متجر عرب هاردوير بسعر 3250 ج للنسخة الجيجا بايت ذات التبريد المميز.. وكلنا وبمنتهى الأمانة والحيادة هاجمنا المتجر بشدة بغلاء أسعاره (وفي الحقيقة ربما يكون لدينا حق في ذلك) فنحن المستهلكين يهمنا سعر المنتج قبل كل شيء وأن يبقى في حدود السعر العالمي 365 دولار للنسخة الجيجا بايت ذات التبريد الاحترافي.. و 329 دولار لباقي النسخ... أي المفروض السعر يكون بين 2450-2750 طبعا هذه الأسعار بعد حساب هامش الربح والرسوم الجمركية للشركات والضرائب على المنتج

وللعلم الشركات بتاخد بالسعر العالمي بسبب (خصم الكمية) ويمكننها أن تبيع بالسعر العالمي إذا أرادت ذلك.. ولكننا تفاجئنا بسعر كارت gtx 970 بـــ 3700ج بدون أي وجه حق.. ومستغلين بذلك السوق المصري وغير مراعين بحقوق المستهلك

ولكن دعونا نحلل لماذا تم إجراء هذا الخطوة من هذه الشركات ؟؟ ولماذا لم يلتزموا بالسعر العالمي؟

إن سياسة الشركات ما زالت تعيش في الماضي مع (المستهلك الذي لا يدري كثيرا بالأسعار أو المستهلك الذي يدري ولكن لا يعرف خبايا تلك الأسعار معللين بذلك الجمارك والضرائب ورسوم الشحن ) .
هناك ملحوظة غاية في الأهمية: وهو عدم الإضرار بمصالحهم الشخصية على حساب راحة المستهلك وبالعكس على حساب استغلال المستهلك كيف ذلك؟

لو أن تلك الشركات باعت كارت gtx 970 بسعر 2750 مثلا للنسخ الجيجا بايت .. سيتم ضرب كلا من gtx 770 .. و gtx 780 و r9 290 و r9 290x بسبب تقديم أداء أعلى وبسعر أقل بل أن gtx 780ti مهدد أيضاً .. فتقوم تلك الشركات بالانتظار حتى نفاذ الكمية القديمة وحينها فقط يتم تخفيض الأسعار بشكل طفيف

* سألت شخص ما يعمل في أحد شركات الهاردوير المشهورة جدا قولت له (انتو ليه رافعين سعر كروت الشاشة كدة المفروض تبقى ارخص من كدة بكتير) قال لي بالحرف(ديه سلعة ترفيهية واللي عاجبه يشتري واللي مش عاجبه ميشتريش)

صراحة لم أجد رد على كلامه إلا بعدما قرأت قانون حقوق المستهلك الجديد والذي جاءت المادة الأولى فيه كالآتي

تعريف المستهلك: هو كل شخص طبيعي تقدم له أحد المنتجات لإشباع حاجاته الشخصية او العائلة

وفكرت كثيراً ما معنى إشباع حاجاته الشخصية ولماذا أستخدم المشرع كلمة إشباع بالتحديد دون عن غيرها

استخدم المشرع مصطلح (اشباع الحاجة) لأن المنتج ربما يكون وسيلة ترفيهية أو وسيلة مكملة (كالكمبيوتر، والكاميرا، الفون.. الخ) وهذا ردا واضحا على كلام الأخ الذي يقول ان ديه سرعة ترفيهية واللي عاجبه يشتري واللي مش عاجبه ميشتريش






ولكن خلاص انتهى زمن المستهلك اللي مش عارف أو فاهم.. وعلشان كدة احنا لازم ناخد أجراءات شديدة اللهجة مع تلك الشركات

ولكن ما هي تلك الإجراءات شديدة اللهجة:

باختصار شديد قانون حماية المستهلك الجديد 2014 مسئول عن حماية المستهلك وعن مراعاة أسعار السوق بعد الضرائب والرسوم الجمركية

كيف يتم التنسيق مع جهاز حماية المستهلك وإبلاغه بهذه الواقعة..

يجب أن يقوم أحد الأعضاء الذين قاموا بشراء كارت gtx 970 من الخارج .. بتقديم هذا البلاغ مع إرفاء صورة فاتورة الشراء والقيمة الجمركية والضريبة .. بصافي سعر المنتج ومقارنته بما هو موجود في تلك الشركات

كيف سيتم معاقبة تلك الشركات من قبل جهاز حماية المستهلك

طبقا لقرار رئيس الجمهورية وطبقا بقانون حماية المستهلك الجديد 2014 ينص على تعويض تلك الشركات المستهلكين لكافة الأضرار الناتجة عن فرق السعر وإلزامهم بضبط سعر المنتج بالسعر العالمي (بعد حساب الجمارك والضرائب) ويتم معاقبة تلك الشركات إذا لم تلتزم بتعويض المتضرر وضبط الأسعار بدفع مبلغ 500 ألف جنيهاً مصرياً غرامة.

وده رابط تحميل قانون حماية المستهلك الجديد 2014
https://www.alborsanews.com/beta/wp-...%83.pdf?1a3f68

والموضوع مفتوح للنقاش... ياريت الي خايف على نفسه وعلى بلده يشارك

[samehhero]

إحدى المواقف المضحكة الحصرية (بتاريخ اليوم) 30-9-2014.....:D

[adshii]

موافق جدا علي كلام حضرتك لانه قانوني 100% ,وفعلا موضوع زي ده لايمكن السكوت عليه لان الي ساكت عن الحق شياطن اخرس ولا يمكن التنازل وفعلا تم كتابه شكوي لجهاز حمايه المستهلك عن هذه الواقعه وبخصوص محلين النخيلي وماكسيمام هاردوير وجاري اتخاذ كافه الاجرئات القانونيه ويارت كل متضرر من الاسعار دي يكتب شكوي وحنوصلها رئيس الغرفه التجارية في القاهرة وهما فلا بيخدو والامور الايام دي جد وبيحققم فيها ومش زي زمان
الموضوع ده هام جدا وارجو من الساده المشرفين عدم طمسه والاشتراك معنا في تقديم بلاغ جماعي

[GTRX970]

فعلا لابد من تفعيل وتطبيق القانون حتى لا يبقى حبر على ورق فالقانون لابد ان يطبق وينفذ مش كل واحد يتصرف على مزاجه وكأن الدنيا فوضى الاسعار دي حراااام الناس فرحوا بان انفديا نزلت الجيل الجديد باسعار حلوة ومنخفضه مقارنه بالجيل السابق واذا بنا نكتشف بأن المحلات عندنا منزلين الكروت بأسعار الجيل القديم المرتفعه عند صدوره بصراحه شيء لا يقبله لا عقل ولا منطق يعني كارت GTX 770 حاليا عندهم اغلى من ثمن كارت 970 العالمي بره الحل هو المقاطعه والابلاغ عن المخالفه حتى يعودوا الى رشدهم ويخفضوا الاسعار الى الحد المعقول الذي يضمن لهم هامش ربح معقول ولا يظلم المستهلك في نفس الوقت

[samehhero]

موافق جدا علي كلام حضرتك لانه قانوني 100% ,وفعلا موضوع زي ده لايمكن السكوت عليه لان الي ساكت عن الحق شياطن اخرس ولا يمكن التنازل وفعلا تم كتابه شكوي لجهاز حمايه المستهلك عن هذه الواقعه وبخصوص محلين النخيلي وماكسيمام هاردوير وجاري اتخاذ كافه الاجرئات القانونيه ويارت كل متضرر من الاسعار دي يكتب شكوي وحنوصلها رئيس الغرفه التجارية في القاهرة وهما فلا بيخدو والامور الايام دي جد وبيحققم فيها ومش زي زمان
الموضوع ده هام جدا وارجو من الساده المشرفين عدم طمسه والاشتراك معنا في تقديم بلاغ جماعي

الشكاوي مهمة طبعا لكن لوحدها مش كفايا... لازم أحد الأعضاء اللي اشتروا الكارت من برا يقدم الأوراق اللي تثبت أنه اشترى النسخة بتاعته من برى أرخص من هنا بكتير.. وسعتها بس الشركات ديه هتتعاقب عقاب شديد اللهجة

[samehhero]

فعلا لابد من تفعيل وتطبيق القانون حتى لا يبقى حبر على ورق فالقانون لابد ان يطبق وينفذ مش كل واحد يتصرف على مزاجه وكأن الدنيا فوضى الاسعار دي حراااام الناس فرحوا بان انفديا نزلت الجيل الجديد باسعار حلوة ومنخفضه مقارنه بالجيل السابق واذا بنا نكتشف بأن المحلات عندنا منزلين الكروت بأسعار الجيل القديم المرتفعه عند صدوره بصراحه شيء لا يقبله لا عقل ولا منطق يعني كارت GTX 770 حاليا عندهم اغلى من ثمن كارت 970 العالمي بره الحل هو المقاطعه والابلاغ عن المخالفه حتى يعودوا الى رشدهم ويخفضوا الاسعار الى الحد المعقول الذي يضمن لهم هامش ربح معقول ولا يظلم المستهلك في نفس الوقت

كلام سيلم 100%... الواحد فين بيستنى المنتج من السنة للسنة علشان يشتري جهاز جديد أو يحدث.. لما يكسبوا في الكارت 1000 جنيه صافي غير ثمن (خصم الكمية) اللي هو اصلا المفروض مكسبهم... ده يبقى ايه؟

[GTRX970]

كلام سيلم 100%... الواحد فين بيستنى المنتج من السنة للسنة علشان يشتري جهاز جديد أو يحدث.. لما يكسبوا في الكارت 1000 جنيه صافي غير ثمن (خصم الكمية) اللي هو اصلا المفروض مكسبهم... ده يبقى ايه؟

فعلا كلام حضرتك سليم تماما اصلا بالفارق الكبير ده ممكن الواحد يشتري هارد او اي شيء اضافي للجهاز والله حرام عليهم وياريت حد يعمل زي ما حضرتك بتقول و يقدم شكوى بس يكون شاري الكارت من برا بسعره الرسمي طبعا اللي هو ارخص بكتير من السعر في المحلات عندنا ويقدم شكوى مرفقه بفاتوره الشراء التي تثبت فرق السعر لان كده الواحد بعد مكان مستني الكارت ينزل عندهم بقى بيتمنى لو انه منزلش اصلا بعد الاسعار دي ده انا سجلت في المنتدى مخصوص علشان افضفض من الصدمه ودلوقتي نفسي لو كنت عندي قدره على الشراء من الخارج ولكن للاسف حالي زي ناس كتير معندهاش تلك الامكانيه.

[Original Best sell Games PC]

كلام سليم ياربت بس الناس تفهم و ما يفوتوش الموضوع دة زى اى حاجة بتتفوت فى البلد دى (مصر)

[samehhero]

فعلا كلام حضرتك سليم تماما اصلا بالفارق الكبير ده ممكن الواحد يشتري هارد او اي شيء اضافي للجهاز والله حرام عليهم وياريت حد يعمل زي ما حضرتك بتقول و يقدم شكوى بس يكون شاري الكارت من برا بسعره الرسمي طبعا اللي هو ارخص بكتير من السعر في المحلات عندنا ويقدم شكوى مرفقه بفاتوره الشراء التي تثبت فرق السعر لان كده الواحد بعد مكان مستني الكارت ينزل عندهم بقى بيتمنى لو انه منزلش اصلا بعد الاسعار دي ده انا سجلت في المنتدى مخصوص علشان افضفض من الصدمه ودلوقتي نفسي لو كنت عندي قدره على الشراء من الخارج ولكن للاسف حالي زي ناس كتير معندهاش تلك الامكانيه.

إن شاء الله هنبقى أيد واحدة ومش هنسمح أن حد يستغلنا بعد كدة

[samehhero]

كلام سليم ياربت بس الناس تفهم و ما يفوتوش الموضوع دة زى اى حاجة بتتفوت فى البلد دى (مصر)

احنا لو عديناها يبقى بجد مبنخفش على البلد.. لأنها تحت بتقع تحت بند (تداول التكنولوجيا).. لأن مش كل الناس ممكن تستخدم كارت الشاشة لألعاب بس.. في ناس بتستخدمه في تحويل الفديو.. وفي ناس في المونتاج.. وفي ناس في التصميم والجرافيك يعني وجوده غاية في الأهمية بالنسبة لمستخدمي الكمبيوتر عموماً..... وكمان خلاص بقى في قانون اسمه قانون حماية المستهلك 2014 يقدر يجيب حقوقنا... ديه قصة

القصة التانية واللي برضة لازم نناقشها قصة غلاء أسعار الإنترنت..

[THE SPY 0.0]

دا اسمو انحطاط التجار والله لو سكتنا عليه هيغلو اكتر واكتر شويت الحرامية لازم يتقدم كذا شكوى مش شكوي واحدة

[hagag]

سبحان الله لو الشركات نزلت سعره للسعر اللى بيتباع بره هتلاقى الشركات دى كسبت كتير
ولكن الشركات تنظر تحت اقدامها وهما الاكبر جمع الفلوس باى طريقه
بس اللى انا شايفه اننا بقينا فى غابه اللى عاز يعمل حاجه يعملها ولكن التوعيه امر واجب ومحتوم ..

[kimi raikkonen]

هيقولولك الضرائب والجمارك و ال 10% والزفت , وهرد عليهم هقولك منزلتوش اسعار ال 770 و780 و r9 290x , r9 290 , اظن الكروت دى متخزنة فى المحلات من شهور ولا عليها جمارك ولا يحزنون
لكن انكم تخلى سعر الكروت القديمة بنفس السعر وتخلوا gtx 980 ب اكثر من 5 الاف يبقى ده اسمه نصب عشان تبيعوا الكروت القديمة وتكسبوا الضعف فى الكروت الجديدة

[samehhero]

دا اسمو انحطاط التجار والله لو سكتنا عليه هيغلو اكتر واكتر شويت الحرامية لازم يتقدم كذا شكوى مش شكوي واحدة

عجبني اوي تعبير (انحطاط التجارة)

[samehhero]

سبحان الله لو الشركات نزلت سعره للسعر اللى بيتباع بره هتلاقى الشركات دى كسبت كتير
ولكن الشركات تنظر تحت اقدامها وهما الاكبر جمع الفلوس باى طريقه
بس اللى انا شايفه اننا بقينا فى غابه اللى عاز يعمل حاجه يعملها ولكن التوعيه امر واجب ومحتوم ..

بالضبط كدة تخيل لو الشركات نزلت سعره ليصبح 2750ج للنسخة الجيجا بايت.. كنت أنا وانتا وغيرك فكرنا نشتريه لأن الكارت بيحقق معادلة السعر مقابل الأداء... لكن هما بيقولوا اكسب كتير وابيع قليل وطبعا ميهمش المستهلك يكون مبسوط لا اهم حاجة انهم يكسبوا كتير