اخي هل تستعمل الويندوز 8.1 ؟؟؟
اولا السلام عليكم ورحمة الله وبركاتة.عندى مشكلة ياجماعة ياريت حد يقدر يفيدنى ف التعامل معاها انا ملاحظ ان فية تعاون كبير بين الاعضاء واتمنى ان دة يحصل معايا انا عندى المشكلة ان جهاز الكمبيوتر بيفتح لوحدة يعنى اكون معدى من جمبية الاقى الكيسة اشتغلت لوحدها بدون سابق انذار جربت كل حاجة شيلت الرامات وركبتها تانى ونضفت الكيسة وشيلت كل الليدات الى راكبة ف البوردة وفيكت الباورسبلاى ونضفتة وغيرت البطارية الى ف البوردة وبردة نفس المشكلة.اول لما اقفل الجهاز shutdown عادى جدا لو هزيت بس المكان الى فية الكمبيوتر مكان الكيبورد مثلا دخلتة مكانة او حاجة زى كدة او حصل خبط خفيف على المكان الجهاز يشتغل لوحدة الحل الوحيد الى بلجا الية انى لما اقفل الجهاز اروح اقفل المشترك لمدة ثوانى وافتحة تانى كدة خلاص المشكلة خلصت لو معملتش كدة اى حاجة تخلى الجهاز يفتح لوحدة تانى لازم افصل الكهرباء ثوانى عن الجهاز كلة وارجعها تانى لدرجة انى شكيت ف المشترك نفسة غيرتة.Ram kingston 4.Motherboard p61A.D3 ونوع الكيسة نفسها جاما.انا دلوقتى بفكر اغير المازربورد عشان انا قلقان انها يحصل حاجة تطير معاها كارت او راامة مع العلم انى فكيت كل اجزاء الجهاز ونضفتها كويس جدا واسف على الاطالة
اخي هل تستعمل الويندوز 8.1 ؟؟؟
ايوة بستعمل 8.1 ومكنش عامل معايا اى مشكلة خالص المشكلة دى حديثا
1. كليك يمين على my computer و اختار manage
2. اختار device manager من panel اللى ع اليمين
3, اختار الكيبورد بتاعتك تحت اوبشن keyboards , كليك يمين عليها و اختار properties
4, تحت الخيار بتاع power management فوق هتلاقى check-box مكتوب جنبة allow this device to wake the computer شيل الصح من عليه و اعمل apply
5. كرر نفس الخطوات بالنسبة للموس بتاعك اللى موجود تحت اوبشن Mice and other pointing device فى ال Device Manager
انا كان عندى نفس المشكلة و الخطوات دى حلتها
ميرسى كتير ع المعلومة ,أستاذ mohammed shindy
+++1111111111111
جزاكم الله كل خير فعلا الحل نجح جدا ومتشكر جدا على مساعدتكم والى الامام دائما يا افضل منتدى شوفتة كفاية روح التعاون الموجودة ومتشكر جدا لكل واحد شارك حتى لو بسؤال
المفضلات