مساعدة ضرورى اوى
انا جالى رسالة من رقم معرفهوش و الرقم بادء بى +91
و بعدين بعتلى صورة دى انا مش فاهم جاب رقمى منين +91 دى دولة الهند مش فاهم جاب رقمى ازاى بس اكيد دة هاك
عايز اعرف منين اذا كان دة هاك ولا لا و اعرف منين ان النوت بتاعى حصلو هاك و لا الجهاز سليم
رد: مساعدة ضرورى اوى
دي زي رسائل دعايه او حاجه زي كده
زي اللي كانت بتيجي ع الياهو زمان
المهم اي لينك يجيلك متدخلش عليه
واعمل بلوك وريح نفسك
رد: مساعدة ضرورى اوى
طيب فى طريقة اعرف بيها ان الجهاز مخترق ولا لا
حاجة تانى انا بدخل على الفيس كتير فا عايز اعرف هو ممكن اللى بيكلمنى يفتح الكاميرا الموبايل بتاعى من غير ما اعرف ولا لا
3- اخر حاجة يا معلم انتى شايف ان فى فرق يستحق تبديل النوت 3 الفور جى بى النوت 4
رد: مساعدة ضرورى اوى
نزل برنامج انتي فايروس 360
انا عن نفسي شايفه افضل برنامج حمايه وقوي جدا وخفيف
منزله ع الموبيل والكمبيوتر
المهم
بالنسبه للفرق بين النوت 4 و3
النوت 4 افضل من ناحيه الالوان زي ما قولنالك قبل كده
الكاميرا الاماميه والخلفيه
المعالج افضل
انت شوف لو الحاجات دي هتفرق معاك يبقي هات النوت4
لو مش هتفرق كتير (وده رأيي) يبقى خليه معاك لحد ما تنزل حاجه تستاهل التبديل
رد: مساعدة ضرورى اوى
تمام شكراااا ليك جدا طيب يعنى مافيش طريقة غير برنامج الفيروسات انا كنت حاطت عندى برنامج kaspersky بس هاشيلو و هانزل 360 فى حاجة تانية اعملة عشان اتاكد ان الجهاز سليم
حاجة تانية لما بحط صورة على الموبايل و بتبقى جودتها full hd و اجى اعملها خلفية بلاقى الصورة بتتاكل منها حاجات كتير و بتبقى شكلها وحش و هى خلفية الحل اية عشان احط خلفية على الموبايل من غير ماتتاكل منها حاجة
رد: مساعدة ضرورى اوى
برنامج 360 هيغنيك عن كل حاجه لانه جدار حمايه قوي
وبخصوص الصور لازم تنزل بنفس مقاس شاشه الموبيل
اعمل search على مقاس 1080x1920 عشان تكون مزبوطه معاك
رد: مساعدة ضرورى اوى
حضرتك اصدك على ANTI VIRUS 360 مش نورتون 360 صح
رد: مساعدة ضرورى اوى
الشكر لله
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
قوانين المنتدى
المفضلات