مساعدة فى اختيار كارت الشاشة المناسب

[mostafateama]

السلام عليكم ورحمة الله وبركاته

انا امتلك جهاز لينوفو اوريجنال دسك توب

موديل الجهاز : (lenovo m91p (7033ew4

البرسيسور : core i5 2400

المازربورد : lenovo is6xm lga 1155 q67

الرام : 4gb وسيتم زيادة رامة اخرى لتصبح الرامات 8gb

الهارد : 1 تيرا ويسترن بلو

البورسبلاى : اوريجنال fsb 240 watt

الشاشة : سامسونج 19 بوصة (lcd (1366 * 768

محتاج كارت شاشة مستعمل يناسب هذه الامكانيات مش لازم العب كل الالعاب على الهاى لو على الميديم يبقى حلو الميزاننية المتوفرة حاليا 400 جنيه قدامى دلوقتى استفسارين

الاول :
انى اسيب الكيسة زى ما هيه واجيب لها كارت شاشة low profile عشان اعرف اركبه فى الكيسة ويكون مش يحتاج باور عالى عشان انا ذكرت فوق ان البور سبلاى اللى عندى fsb 240 watt

التانى :
انى اركب مكونات الكيسة الديسك توب فى كيسة تاور ودى موجودة عندى انا عندى كيسة تاور لينوفو انقل المكونات فيها بس حبقى مضطر انى اجيب باور احترافى عشان اركبه فى التاور لان الباور الدسكتوب مش حينفع يركب فى الكيسة التاور وبعد اما اجيب الباور اجيب كارت شاشة فى حدود الميزانية المذكورة سابقا (400 جنيه)

ملحوظة : انا بلعب على رسيليوشن ( 768*1366)

محتار ما بين الحلين ومستنى اقتراحتكم وترشيحاتكم لاسم كرت الشاشة واسعارهم

برجاء تفاعل ومساعدة جميع الاعضاء . وشكرا مقدما

[whiteknights]

صعب كارت بالميزانية دى ..بس لو لاقيت R7 240 مستعمل يبقى كويس..هو سعره الأصلى من 550 الى 650 جنيه , و فيه كمان GT 640 ممكن تلاقيه مستعمل بالسعر المذكور
بس طبعا لا يفضل تشغيلهم مع الباور اللى معاك

[pc-prince]

لو كارت powercolor 5770 1g يناسبك ...موجود عندى مستعمل بميزانيتك !!

[mostafateama]

صعب كارت بالميزانية دى ..بس لو لاقيت R7 240 مستعمل يبقى كويس..هو سعره الأصلى من 550 الى 650 جنيه , و فيه كمان GT 640 ممكن تلاقيه مستعمل بالسعر المذكور
بس طبعا لا يفضل تشغيلهم مع الباور اللى معاك

شكرا لرد حضرتك الكريم هل الكرتين دول R7 240 او GT 640 هل دول low profile يعنى يركبوا فى الكيسة الدسك توب مرتاحين ولا حجمهم كبير وبيحتاجوا باور قد ايه وادائهم ايه فى الالعاب على شاشة 19 بوصة على رسيليوشن (768*1366) يعنى حلعب على الميديم مثلا . وفى انتظار راى باقى الاعضاء

[mostafateama]

لو كارت powercolor 5770 1g يناسبك ...موجود عندى مستعمل بميزانيتك !!

شكرا لمرورك الكريم انا لسه مستقرتش على حاجة معينة

[mostafateama]

للرفع ومازالت منتظر مشاركة باقى الاعضاء

[mostafateama]

ايه ياجماعة 185 مشاهدة ومفيش ردود غريبة على اعضاء المنتدى الكرام .

[mostafateama]

تم الاستقرار على نقل مكونات الكيسة الدسك توب الى الكيسة التاور اللينوفو متبقى الان احضار باور وكارت شاشة بميزانية 400 جنيه للعب على شاشة 19 بوصة على رسيليوشن

(768*1366) هل ده ممكن ولو لعبت حتكون الاعدادات ايه . منتظر ردودكم وتفاعلكم ياشباب

[mostafateama]

تم الاستقرار على نقل مكونات الكيسة الدسك توب الى الكيسة التاور اللينوفو متبقى الان احضار باور وكارت شاشة بميزانية 400 جنيه للعب على شاشة 19 بوصة على رسيليوشن(768*1366) هل ده ممكن ولو لعبت حتكون الاعدادات ايه . منتظر ردودكم وتفاعلكم ياشباب

[mostafateama]

للرفع

[whiteknights]

شكرا لرد حضرتك الكريم هل الكرتين دول R7 240 او GT 640 هل دول low profile يعنى يركبوا فى الكيسة الدسك توب مرتاحين ولا حجمهم كبير وبيحتاجوا باور قد ايه وادائهم ايه فى الالعاب على شاشة 19 بوصة على رسيليوشن (768*1366) يعنى حلعب على الميديم مثلا . وفى انتظار راى باقى الاعضاء

يركبوا فى الكيسة اه ..و هتحتاج باور اصلى معاهم يكون على الأقل 300 واط ,, و على الدقة المذكورة هتقدر تلعب العاب كتير بأعدادات مقبولة متوسطة و احيانا عالية..لكن لو تقدر تشيل ال R7 240 من الخيارين و تحط بداله ال R7 250 يكون افضل..

[mostafateama]

يركبوا فى الكيسة اه ..و هتحتاج باور اصلى معاهم يكون على الأقل 300 واط ,, و على الدقة المذكورة هتقدر تلعب العاب كتير بأعدادات مقبولة متوسطة و احيانا عالية..لكن لو تقدر تشيل ال R7 240 من الخيارين و تحط بداله ال R7 250 يكون افضل..

شكرا لرد حضرتك الكريم لكن تم الاستقرار على نقل مكونات الكيسة (دسك توب) الى كيسة تاور لينوفو ودى موجودة عندى

المتبقى الان احضار كارت شاشة مستعمل فى حدود 400 جنيه وسيتم احضار باور له فى خلال ايام ان شاء الله بحثت فى

المنتدى عن كارت شاشة مستعمل فى حدود 400 جنيه وجدت كروت كثيرة بالسعر ده وهم :

1- SAPPHIRE Vapor-X Radeon HD 6750 1GB GDDR5

2- EVGA GeForce® GTS 450 1gb ddr5

3- Gainward GeForce® GTS 450 1gb ddr5

4- MSI gts 450 1g ddr5 cyclone

5- R7 240

6- gt 640

7-

R7 250

كنت عاوز من حضراتكم ترتيب الكروت من الاحسن الى الاسوء علشان لو معرفتش اخلص فى الكارت الاول اتجه للى بعديه وكذ لك والباور المطلوب لكل كارت .

معلش حتعب حضراتكم معايا . وشكرا مقدما لحضراتكم

[whiteknights]

1- R7 250

2- GT 640

3- HD 6750

4- MSI GTS 450 1GB DDR5

5- R7 240

[mostafateama]

1- R7 250

2- GT 640

3- HD 6750

4- MSI GTS 450 1GB DDR5

5- R7 240

شكرا لحضرتك طب لو استبعدنا التلات كروت دول عشان مش مواجدين فى سوق المستعمل (

R7 250 - GT 640 - R7 240 )
طب لو قارنت بين (MSI

GTS 450

1GB DDR5 - HD 6750 ) ال HD 6750 احسن ويعمل كام مستعمل لو معاه كل المشتملات وعاوز باور قد ايه مع مكونات الجهاز اللى فوق وحلعب على اعدادات ايه على دقة ( 1366 * 768 )

[whiteknights]

HD 6750 هيحتاج باور اصلى 350 واط على الأقل و نسخة ال Vapor-x منه هتكون جيد جدا طبعا ...بس السعر كام مستعمل معنديش فكرة (فى اعتقادى فى حدود 400 الى 600) ,, و مع الدقة المذكورة هيديك اداء مقبول..
ممكن تحط فى حساباتك كارت HD 6850 لو لاقيته مستعمل و بسعر كويس هيكون احسن و افضل كتير .