مشكلة بخصوص معدل الأنعاش لشاشة تلفزيون

[whiteknights]

السلام عليكم, عندى مشكلة صغيرة و هى انى قمت بشراء شاشة تلفزيون Samsung 32H5100 32 Inch LED LCD HDTV
و من موصفات هذا التفزيون ان ال Refresh rate بتاعه 100hz ... لكن للأسف المشكلة انى لما بوصله بواصلة ال HDMI الى الريسفير بلاقى مكتوب ان معدل الأنعاش 50hz فقط
انا مش عارف دلوقتى ازاى احصل على ال 100hz ؟ لما بشغله بدون وصلة ال Hdmi بلاقى ان جودة الصورة اضعف كتير و بحس انه مستحيل يكون معدل انعاشه 100hz
هل يوجد وصلات HDMI داعمة لمعدل انعاش 100hz؟

[TIMO1]

بص على حسب ما اعرف على التلفزيون ان 100MHZ دول بتوع Clear Motion Rate يعنى هو ده المعدل بتاع ال 50 هيرتز هاتاخدهم فى شكل المعالجه بتاعه الموشن رايت هو التلفزيون بيقوم معالجه ال50 وتحويلهم فى الكلير موشن رايت الى 100 هيرتز وعلى حسب ما عرفت من احد الاخوه من قبل انه اوقات ده بيبقى سبب فى عمل انبوت لاج فى بعض الاحيان يعنى بيكون فى تاخير زمنى وبيتضح فى الالعاب على pc بشكل ملحوظ والله اعلم ...
واعذرنى على عدم الاجابه القطعيه نظرا لان التلفزيونات اساسا ليست من وسائل العرض الاساسيه للكمبيوتر وايضا علشان فروع وموديلات التلفزيوانت بوجه عام كبيره لذلك اعتذر لكل الاعضاء الى بتسال فى التلفزيونات وترشيح شىء معين لكن على قدر ما اعلم استطيع المساعده .

[whiteknights]

بص على حسب ما اعرف على التلفزيون ان 100MHZ دول بتوع Clear Motion Rate يعنى هو ده المعدل بتاع ال 50 هيرتز هاتاخدهم فى شكل المعالجه بتاعه الموشن رايت هو التلفزيون بيقوم معالجه ال50 وتحويلهم فى الكلير موشن رايت الى 100 هيرتز وعلى حسب ما عرفت من احد الاخوه من قبل انه اوقات ده بيبقى سبب فى عمل انبوت لاج فى بعض الاحيان يعنى بيكون فى تاخير زمنى وبيتضح فى الالعاب على pc بشكل ملحوظ والله اعلم ...
واعذرنى على عدم الاجابه القطعيه نظرا لان التلفزيونات اساسا ليست من وسائل العرض الاساسيه للكمبيوتر وايضا علشان فروع وموديلات التلفزيوانت بوجه عام كبيره لذلك اعتذر لكل الاعضاء الى بتسال فى التلفزيونات وترشيح شىء معين لكن على قدر ما اعلم استطيع المساعده .

ألف شكر ليك على الأفادة ,, و اعذرنى انا انى بسأل فى حاجة بعيدة نوعا ما عن القسم , لكنى معرفتش اسأل فين فقولت اقرب شىء للتفزيونات هو وسائل العرض...
بخصوص الأنبوت لاج فأنا مجربتش العاب على التفزيون و لكنى مش بحس بأى لاج فى الأفلام او الماتشات ...لكن فيه مشكلة نفسى اعرف اذا كانت بسبب معدل الأنعاش ولا كابل ال HDMI , و هى ان مثلا لما بكون بتفرج على مباراة كرة قدم مع الحركة السريعة للاعيبة فى الملعب بحس ان جودة الصورة و دقتها غير واضحة تماما و الوجوه مشوشة كده , و بيبان ده اكتر لما بتكون المباراة بالنهار و التصوير عن بعد... اما لو التصوير عن قرب و الماتش بليل و مفيش حركة سريعة الصورة بتكون واضحة و زى الفل.

فأنا مش عارف اذا كان ده بسبب اعدادات فى التفلزيون نفسه او كابل HDMI او معدل انعاش ... و اسف على الأطالة.

[TIMO1]

لا ده ولا ده ده بيبقى على الوصف الى بتقوله ده بسبب الجوستينج لان زمن الاستجابه بيبقى كبير فى اغلبيه التلفزيونات وده بتحس بيه فى الكوره غالبا فى الحركات السريعه يعنى لو الكوره مرفوعه او فى حد واخد هجمه بتحس ان الملامح بتاعه اللاعب غير واضحه زى ما يكون فيها خيال .
او على حسب بقى جوده القناه والرسيفر يعنى لو قناه مش HD بتبقى الصوره غير مفهومه اساسا :D

[whiteknights]

لا ده ولا ده ده بيبقى على الوصف الى بتقوله ده بسبب الجوستينج لان زمن الاستجابه بيبقى كبير فى اغلبيه التلفزيونات وده بتحس بيه فى الكوره غالبا فى الحركات السريعه يعنى لو الكوره مرفوعه او فى حد واخد هجمه بتحس ان الملامح بتاعه اللاعب غير واضحه زى ما يكون فيها خيال .
او على حسب بقى جوده القناه والرسيفر يعنى لو قناه مش HD بتبقى الصوره غير مفهومه اساسا :D

مشكور اخى .. انا بدأت اقرب لسبب المشكلة بس لسه مش متأكد ,, هو فعلا ممكن يكون بسبب القناة لأن المشكلة دى لاحظتها على احدى قنوات النايل سات المصرية فى ماتش كان متزاع الضهر ,,لكن فى القنوات الأوروبية مش بحس بالمشكلة دى لما بيكون الماتش بليل.. او لو ماتش مهم بليل فى القناة المصرية دى برضو مش بحس بيها اوى ,, و فى نفس الوقت انا الرييسيفر عندى HD في حين ان التلفزيون FULL HD ... فا مش عارف:D

[TIMO1]

لا هو المهم ارسال القناه وممكن يكون الاتنين مع بعض الجوست + الصوره السيئه للقنوات الفضائيه بتاعه القنوات المحليه عندنا
المهم تبقى القنوات HD لان المشكله القنوات العاديه بتبقى بدقه قليله جدا ومعدل بكسله عالى للغايه فده ممكن يكون بيديك احساس لعدم وضوح الصوره .
اما لو فى القنوات الHD ومفيش عندك اى حاجه يبقى اكيد العيب فى القنوات التانيه .