تسلم للتنبيه:ah4:
انا من كام يوم عملت اوردر من ال store لكارت gtx970 g1 gaming
المهم ادخل في المشاكل اللي واجهتني علطول
اول حاجة انا من اسبوع وانا بتصل على الرقم كان في اول كام يوم محدش بيرد نهائي وبعديها بقا ان التيفون مش بيرن اصلا غالبا مقفول
ومش عارف اتواصل معاهم اطلاقا والرقم اللي بتصل عليه هو 01278968885 وحتى جربت اتصل على الدعم التقني يمكن حد يرد فأسألهم ده بقا كان تقريبا غيرموجود بالخدمة اصلا فانا مش فاهم انا كدة هتواصل معاهم ازاي ده حاجة :mad::mad:
الحاجة التانيه ان الكارت جايلي عن طريق Aramex بدون فاتورة ومكتوب على علبه الكارت ضمان 3سنوات طيب مش المفروض ان يكون معايا فاتورة علشان الضمان يبدأ من تاريخ الفاتورة؟ :confused::confused:
حاجة اخيرة الكارت معاه pick your path bundle وشكله طبعا معروف اي حد ممكن يشوفه في اليوتيوب لأي واحد عامل unboxing واني انا المفروض اخربش الكوبون[IMG][/IMG]
انما انا لقيتهم حاطينلي ورقة متصورة ابيض واسود فيها كود على انه الكوبون ومكتوب عليها arab hardware
[IMG][/IMG]
وطبعا زي ما قولت في الاول انا مش عارف اكلمهم علشان اقولهم الكلام ده كله علشان كدة اضطريت اعمل الموضوع لعل وعسى حد يفهمني
تسلم للتنبيه:ah4:
يا ريت حد من الادارة او حد تبعهم يرد ممكن تكون ده مش مشاكل ومجرد بس حجات محتاجة توضيح
بص بالنسبه للسريال
فهو عادى مش شرط شكل الورقه
وانا عن نفس مجربه لاتنين من اصدقائى وشغال فى الموقع الرسمى عادى
يعنى مش تخاف من حوار السريال ده
ثانيا بالنسبه للفاتوره
فانا اشتريت كذا مره من المتجر وعلى طول بيجى ليا فاتوره
مش عارف مش جت معاك ليه
مممكن نسيوا ولا حاجه
فحاول تكلمهم على صفحه الفيس بوك
او تكلم عضويه المتجر الموجوده فى المنتدى
السيريال مش قالقني اوي بس مجرد اني مستغرب ازاي جايبنلي صورة تصوير ابيض واسود بدل الكوبون هل هما بيفتحوا الحاجة يعني ويلموا منها الكوبونات ؟
وبالنسبة للفاتورة يبقى كدة في فعلا مشكله عندي وكدة تبقا مرتبطة بمشكله الاتصال اني للاسف مش عارف اوصلهم نهائي علشان اقولهم انا مجاليش فاتورة والراجل بتاع شركة الشحن جه اداني كيس فيه علبة الكارت وخد الفلوس ومشي والكيس فتحته ملقتش فيه فاتورة
ممكن توضحي اكلم عضوية المتجر ده منين
اولا مبروك عليك الكارت وربنا يباركلك فيه...
و متقلقش من موضوع السريال ده طالما شغال معاك علي الموقع خلاص
انا حصل معايا اكتر من كده كنت شاري الكارت برده من ماكسيمم
و السريال جالي علي الايميل ومشفتش شكل الكوبون ده خالص مع الكارت :cool:
وبالنسبه للفاتوره ممكن زي ما الاستاذ arrow92 يكونوا نسيوا فعلا
[SIGPIC][/SIGPIC]
العضويه دى
https://arabhardware.net/forum/member.php?u=11288347
اما بخصوص السريال
ممكن الورقه مختلفه علشان هو توكيل خاص بيهم
يعنى عرب هارد وير دلوقتى بقت توكيل خاص بنفيديا مش زى زمان كانوا تبع جاما
مش هتفرق يعنى .. المهم السريال يكون شغال
بس بكره اخر يوم للسريال على فكره
انا راسلتهم على الفيس مردوش و بعت رسالة منذ قليل لعضوية المتجر في المنتدى على امل الرد
و عايز افهم يعني ايه السيريال هينتهي بكره هوا ليه فترة محددة ؟؟!
انفيديا لا تقوم بطباعة اوراق للسيريال .. تقوم فقط بتخصيص سيريالات لكل Brand مثل جيجا بايت او اسوس وغيرهم ومفيش صيغة محددة للطباعة او تصميم معين .. كل شركه مصنعه وكل موزع بيبقى عنده الامكانية لطباعة هذا السيريال على ورق ملون او غيره بتصميم او بدون او باي شكل من الاشكال .. او حتى ارساله بالبريد الالكتروني بدون طباعه اطلاقا .. مثل مايفعل موقع Amazon ومواقع اخرى مشهوره .. فموضوع السيريال ماتقلقش منه لانهم غالبا مش هما المسؤلين عن النقطه دي .. اهم حاجه السيريال يبقى شغال .. وانصحك تعمل redeem للسيريال باسرع وقت لاني قريت على موقع انفيديا ان في تاريخ صلاحيه (على ما اعتقد والله اعلم هو 31 يناير) كما هو موضح في هذه الصفحه:
https://www.geforce.com/pick-your-pa...e-bundle/terms
Promotional code expires 31st January 2015.
بالنسبة للفاتورة انا وصلني فاتورة من عرب هاردوير .. ولكن هي نفس الفاتورة الموجودة على المتجر .. يعني انت ممكن تدخل على الاوردو بتاعك وتطبع الفاتورة وهتجيلك بالتاريخ والوقت وكل حاجه .. وعلى كل حال .. الفاتوره مش مهمه اوي لانهم بيبقى عندهم سجل الكتروني بجميع القطع المباعه واصحابها زائد ان ضمانهم منهم فيهم .. فماعتقدش ان هيبقى في مشكله حتى لو بدون فاتوره ..
وانا اتعاملت معاهم شخصيا وكانت تجربة جيدة بدون مشاكل..
بالتوفيق
التعديل الأخير تم بواسطة oraheem ; 31-01-2015 الساعة 06:39
تمام انا كتبت الكود اللي في الورقة واشتغل بس دلوقتي متبقي مشكله الفاتورة هو تمام اكيد عندهم سجل الكتروني بس برضو المفروض يكون معايا فاتورة عليها مثلا الختم بتاعهم بحيث يعني لو رحتلهم علشان استخدم الضمان اوريهم الفاتورة مش لسه هحكيلهم اللي حصل واقولهم دوروا في السجل الالكتروني وكدة برضو الفاتورة ده بتضمن حق الواحد
والمشكله الاكبر هيا التواصل ده اللي مستغربلها ازاي رقم موبايل واحد وبتصل من اكتر من اسبوع كان بيرن ومحدش بيرد في اول كام يوم بعدها بقا مقفول قولت اتصل بالدعم العم التقني لقيته غير موجود بالخدمة مع العلم انا بتصل في مواعيد العمل اللي كاتبينها ... طب انا لما احب اكلمهم اعمل ايه :confused: انا راسلتهم على الفيس وبعت رساله لعضوية المتجر فيالمنتدى ومحدش رد يعني حتى التواصل online مش متاح
اخيرا تم الرد على التليفون وتوضيح المشكله بالنسبه للرقم انه كان مقفول وضحولي ان بالفعل كان عندهم مشكله في الرقم واتصلحت وبالنسبه للفاتورة قالولي ممكن اطبعها من على الموقع وكدة كدة المهم هو رقم الاوردر وبالنسبه للكوبون هو طلع شغال وتمام وحملت game اللي اخترتها
للاسف كانت لدينا بعض الأعطال فى تلقى الاتصالات فى الفترة السابقة . ارجوا تفهم الأمر
بالنسبة لنقطة السيريال فان الشركة تخصص مجموعة من السيريلات على حسب كملية المنتج ولا يجبن تكون ذات شكل معين واذا واجهتك مشاكل فى السيريال الخاص بك فقم بابلاغنا .
بالنسبة لنقطة الفاتورة فلا تقلق لان كل قطعة يكون السيريال لها مكود لدينا بتاريخ بيعه وبداية الضمان وعمل الاوردر . وأهم شئ الكرتونة ولاصق الضمان وسيريال الكرت .
شكراً للمساعدة و توضيح الامر تشرفت بالتعامل معكم
المفضلات