استفسار بخصوص مشكلة في كارت sapphire r9 270x vaporx

**Mahmoud Fadda** · 11-04-2015, 23:58

امكانيات الجهاز
Mbo : Gigabyte 970 d3p
Cpu 8120
ram 8g
psu seasonic 520w
vga card r9 270x vapor x
عندي مشكلة في الكارت بتاعتي و هيا اني رحت غيرت الماذر بورد و كان كارت الشاشة شغال سليم
ركبت البوردة الجديدة و جيت اشغل كارت الشاشة مشتغلشي و عمل صوت صفارة مرتين
جربتو علي جهاز تاني مشتغلش و مفيش كسر ولا شرخ في الكارت ولا اي حاجة في السنون
وديتو انهاردة المحل و قالي حيودية الضمان و الكات ناقص سنة في الضمان
حد عندو حل ؟

**H_KIMO** · 12-04-2015, 06:05

طيب ما يمكن العيب فى المازربورد الجديدة
جرب الكرت على مازربورد تانية

**TIMO1** · 12-04-2015, 11:08

الموضوع بسيط طالما وديت الكارت فى الضمان هاتنتظر رد التوكيل عليك قد يكون هذا العمر الافتراضى للكرت بس اهم حاجه انك تكون متاكد انك محصلشى اى حاجه للكرت اتخبط او اتجرح او اتخربش لان معظم التوكيلات بتحاول تطلع البطاقه بره الضمان باى طريقه ... المهم جرب بطاقه اخرى على اللوحه الام وهل انت عند قيامك بشراء اللوحه تمت التجربه على بطاقه خارجيه حديثه لانه قد يكون هناك مشكله فى شق pci EX الخاص باللوحه وهو ما ادى الى تلف البطاقه . وهو احتمال غير اكيد ولكن ان كنت تريد التاكد فحاول تجرب بطاقه اخرى .

**Mahmoud Fadda** · 12-04-2015, 12:32

انا جربت كارت تاني و اشتغل علي البوردة بتاعتي و الكارت بتاعي كان شغال كويس جدا قبل مغير البوردة بساعة لحد ما غيرتها و بنجرب مشتغلتش و جربتها في جهاز تاني مشتغلشي و حاليا انا مستلف كارت gtx 260 و شغاله علي البوردة الجديدة
الكارت متخبطشي هو اتشال من البوردة و اتحطت في البوردة التانية و مفيهوش ولا كسر ولا خربوش ولا اي حاجة

**Mahmoud Fadda** · 12-04-2015, 20:34

شباب حد واجة المشكلة دي قبل كدا ؟

**Mahmoud Fadda** · 14-04-2015, 00:20

????

**TIMO1** · 14-04-2015, 08:04

اخى الحبيب حضرتك قلت انك وديت الكرت الضمان فخلاص مفيش داعى بالقلق من السبب والاسباب فى الهاردوير فى حاجات بتبقى ملهاش تبرير او تفسير علمى بحت او ممكن عدم توافقيه كونفليكت او الكرت اخد فولت غير مظبوط من PCI ex او الكرت عمره الافتراضى انتهى بس على الحظ عند تغيرك للوحه ... بس طالما ان فى بطاقه غيره اشتغلت على اللوحه الجديده وغالبا البطاقه القديمه بتاعتك طالما فى الضمان يا هاتبقى مثلان محتاجه شحن للبيوس اوتحديث بيوس او ان البطاقه تلفت تماما وهايتم تغيرها .
ان كنت تريد ان تفعل شىء للتااكد والاطمئنان قم بتحديث يبوس اللوحه الام الى اخر بيوس وتاكد هل اللوحه لديك rev1 or rev2 ومن السهل معرفه ذلك ستجده مكتوب على اللوحه الام من الداخل او من موقع الشركه الام لون كرتونه rev1 بيضاء الrev2 سوداء .

**Mahmoud Fadda** · 14-04-2015, 18:06

البوردة rev2
استفسار بس الكارت لو تلف خالص حيتم استبدالة حتي لو هو لسا في الضمان هو ناقصله سنه في الضمان ؟

**Mahmoud Fadda** · 25-04-2015, 16:15

up!!!
ياشباب محدش عدي عليه المشكلة دي قبل كدا لاني قريت في معظم المنتديات ان الكارت كدا ممكن يكون اتحرق مش عارف ازاي
و الكارت وديتو ماكسيمام يوم 11 و اتصلت يوم 15 قالي اتبعت الضمان و اتصلت بي الشركة يوم 19 قالي مجلناش حاجة من ماكسيمام و بعد كدا اتصلت يوم 21 تاني بي الشركة قالي موصلش حاجة و احنا اتصلنا بماكسيمام قلنا انو ما اخدش اي كارت من عميل بي الاسم دا
و بعدها كلمت ماكسيمام قالي انت كلمت الوكيل قولتلو اه عشان اطمن اية اللي حصل في الكارت قالي متتصلش بي الضمان لانو بيتعامل معانا احنا وواخد الكارت مننا احنا مش منك انت و قالي انتظر مني تليفون الاسبوع الجي قصدة علي الاسبوع دا
انا مش فاهم هو مودية الضمان ولا حيصلحو بره و بعدين مش من حقي اني اتصل بي الضمان و اعرف اية اللي حصل في الكارت !