مشكلة freeze غريبة ملهاش اي ملامح

**Black_Spy** · 05-05-2015, 03:43

الكاسبر مفيش منه مشكلة انا بستخدمه شخصيا ومبيعملش اى مشاكل

لو بيعمل عندك مشاكل يبقى انت بتستخدم مثلا اصدار قديم او حاجه جرب تنزل اخر اصدار

ولو مفيش منه مشكلة جرب تشوف كابلات الداتا لو حصل تهنيج تانى

**Hady Potter** · 05-05-2015, 03:46

حصل فريز تاني دلوقتي علي ال 3 رامات بدون الرامة الغريبة

كده يبقا الرامات سليمة وانا بدلت كابل الساتا بردو قبل كل القصص دي
كده مقدميش غير اني انزل ويندوز تاني ومعرفش الفيجا بقا واشتغل عليها بدون معرفها يمكن تعريف الاوميجا متعارض مع حاجة عندي

**Black_Spy** · 05-05-2015, 03:49

درجات الحرارة فيها مشاكل معاك ؟؟ وبتستخدم برنامج ايه للكشف عن درجات الحرارة ؟؟

يفضل انك تجرب تشوف درجات الحرارة بالبرنامج دا AIDA64 Extreme ونزل النسخه كامله عشان تشتغل كل خصائص البرنامج وقولنا لو فى اى مشكلة فى درجات الحرارة

وانت شغال بمشتت ولا بالفانه اللى بتيجى مع البروسيسور ؟؟

**Hady Potter** · 05-05-2015, 04:00

انا درجات الحرارة عندي تمام شوف المشاركة دي كده
https://arabhardware.net/forum/showt...=1#post2948823
وشغال بالشمتت الي مع البروسيسور انامش كاسر سرعة ولا اي حاجة ولسه جايبه جديد اصلا

**ahmed_BF4** · 05-05-2015, 04:20

طيب أخى واحدة واحدة علشان نوصل لسبب المشكلة
الرامات مش السبب حسب كلامك نتائج الاختبار تمام يبقى الرمامت خلاص ( لكن من وجهة نظرى خليك شغال ب 3 رمامت اللى زى بعض لحد ما نوصل للمشملة وسيب الرابعة مش متركبة )
يبقى فاضل اننا نبص لباقى القطع اولا
1- سطب ويندوز جديد معلش هتتعب لكن متسطبش غير التعريفات الرسمية وياريت تشوف ولو كنت حدثت البايوس ياريت ترجع للقديم ولو محدثتوش جرب حدثه اوقات نحديث البايوس بيكون فيه مشاكل غريبة ... وسطب تعريف كارت الشاشة اللى كان قبل الاوميجا .. ومتسطبش انتى فيرس دلوقتى
2- لم مغيرتش الكابلات كما نصح الاخ بلاك سباى غيرها ولو مش موجود معلش اتعب واشتريها هى مش مكلفة خالص
3- اتأكد من وصلات الباور سبلاى كويس لعله السبب
4- لو معندكش غير هارد واحد وتقدر تنقل الحاجات اللى عليه على لاب او عند اى صديق اعمل كده وفرمت الهارد تماما وعيد تقسيمه (لعله فيرس وانت لو بتبوت النسخة من نفس الهارد المتفيرس ممكن يكون ملفاتها نفسه متفيرسه او بمجرد الدخول ع الهارد بتفعله تانى )
واحنا معاك واحدة واحدة ف كل خطوة وإن شاء الله تكون الامور سهلة وميكونش فى عيب ف قطع الهاردوير وانا شخصيا لو مكانك هبدأ بموضوع فورمات الهارد
5- لما نعمل كل ده والمشكلة لا قدر الله لا تزال موجودة ...
يبقى الخطوة اللى بعد كده هتشيل الكارت وتشتغل على الكارت المدمج انت كنت قولت انك جربت الحاكية دى قبل كده ومحصلتش المشكلة لكن المرة دى انا عاوزك تشتغل عليه فترة اطول يومين مثلا وتحاول تتشتغل عادى وتشغل العاب حتى لو ع Low
وإن شاء الله خير

**Hady Potter** · 05-05-2015, 04:27

لا انا الويندوز ببوته من ديفيدي انا هجرب اغير الويندوز ومش هسطب غير التعريفات الاساسية ومش هعمله ابديت كمان هخليه خام زي مهوا وكابل الساتا انا غيرته قبل موضوع الرامات
هجرب كده بالكارت المدمج واتابع معاكم
وبالنسبة لموضوع الفايروسات انا متاكد ان الجهاز سليم بس هحاول انقل الداتا في اي حتة وافرمت لو المشكلة فضلت موجودة وحاليا انا مش مسطب انتي فايروس ومش هسطبه بردو بعد مغير ويندوز لحد منشوف ايه المشكلة
ان شاء الله خير وشكرا لتعبك

**Hady Potter** · 05-05-2015, 04:29

بالنسبة للبايوس مش هينفع ارجع القديم لان البروسيسور مش هيشتغل علي القديم انا ممكن اعمل اقدم بايوس يكون متوافق مع البروسيسور انا جربت نسختين بايوس احدث اصدار والي قبله ونفس المشكلة بتحصل

**ahmed_BF4** · 05-05-2015, 04:31

لا تعب ولا حاجة والله انا كان عندى مشكلة من فترة قريبة ف جهازى كانت مدوخانى ودايقتنى جدا والحمدلله الاخوة هنا مش بيتأخروا ع حد وانا اتمنالك فعلا ان مشكلتك تتحل فى اقرب وقت ...
وبالنسبة انك متأكد من موضوع الفيروسات ده معلش ببرده زيادة تأكيد لان انا عندى احساس نها مشكلة سوفتيور مش هاردوير حاول تنقل الداتا المهمة وفرمت الهارد

**Hady Potter** · 05-05-2015, 04:34

يا رب تطلع سوفتوير انا مستعد افرمت الداتا نفسها بس تطلع سوفتوير :D انا الي مخليني متاكد انه مش فايروس اني مدخلتش اي حاجة جديدة علي الجهاز ساعة مركبت القطع الجديدة كل الي عملته غيرت ويندوز بعد مركبتها وبدات المشكلة دي مكنتش موجودة قبل القطع الجديدة علي الجهاز القديم

**Hady Potter** · 05-05-2015, 04:35

وعموما انا هخلي موضوع الفرمتة ده اوبشن بردو بس هعمل السهل الاول هغير ويندوز وهشتغل بالفيجا البلت ان او هشتغل بالفيجا ال 290 بس بدون تسطيب

**ahmed_BF4** · 05-05-2015, 14:47

مش لازم حتة انك متسطبش تعريفات ال 290 دى انت اعمل حاجة من الاتنين ياما تشيله خالص وتشتغل بالمدمج او انك تسطب التريف اللى قبل الاوميجا ... وخش على موقع AMD هتلاقى تعريف الاويمجا ( وكل تعريف الشركة بتنزله ) بيكون له release note بيكتبوا فيها الحاجات اللى التعريف بيعلمها فيكس والمشاكل اللى ممكن تواجه المستخدم مع التعريف ...شوف كده ممكن يكونوا كاتبين حاجة على موضوع الفريز ده لان مشاكل التعريفات دايما بتظهرف الكروت الهاى اند و الكروس فاير
وطمنا

**neztiti** · 06-05-2015, 03:29

هل هناك جديد بالمشكلة ؟؟؟

**Hady Potter** · 07-05-2015, 01:26

انا حاليا شغال بالكارت البلت ان للاسف ملوش تعريف علي ويندوز 8.1 بس شغال تمام مفيش فريز
لما اشتغلت بالكارت 290 بدون تعريف حصل فريز بردو كده العيب يبقا من الفيجا ولا ايه

دي لسه جديدة مبقالهاش ايام

**Hady Potter** · 07-05-2015, 01:27

والفريز كان بيحصل كتير لما اشغل فيديو اتش دي الفيديو مبيقعدش 10 دقايق واسمع صوت زنة والكمبيوتر يتجمد وخصوصا لو مفعل الهاردوير اكسيليريشن

**ahmed_BF4** · 07-05-2015, 03:22

اذا اخى انت اشتغلت لمدة يوم كامل دون فريزز على الكارت البيلت ان وعند توصيل الكارت الخارجى حدث الفريز فجأة .... اذا كان الكارت فى فترة الاستبدال ( 14 يوم ) اذا قم بتغيره من الضمان ... اذا لم يكن فى فترة الاستبدال .. قم بتجربته مرة اخرى بتعريف اقدم من الاوميجا .... وتابع الكارت ببرنامج ال GPU-Z ....